POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 20 ພຶດສະພາ 2025

ຮັບຮອງເອົາບ້ານສະປາ ແລະ ບ້ານຈາຄຳຊາວ ທີ່ຂຶ້ນກັບ ກຸ່ມນາແຕນ ເມືອງບຸນໃຕ້ ເປັນບ້ານປ້ອງກັນຊາດເຂັ້ມແຂງ
ເວລາອອກຂ່າວ: 2025-04-24 09:44:50 | ຜູ້ຂຽນ : admin1 | ຈຳນວນຄົນເຂົ້າຊົມ: 1032 | ຄວາມນິຍົມ:

ພິທີປະກາດການຮັບຮອງເອົາບ້ານສະປາ ແລະ ບ້ານຈາຄຳຊາວ ທີ່ຂຶ້ນກັບ ກຸ່ມນາແຕນເມືອງບຸນໃຕ້ ແຂວງຜົ້ງສາລີ ເປັນບ້ານປ້ອງກັນຊາດເຂັ້ມແຂງ ໄດ້ຈັດຂຶ້ນໃນບໍ່ດົນຜ່ານມານີ້, ໂດຍການເປັນປະທານຂອງ ສະຫາຍ ທອງສິງ ອິນທະແສງ ເຈົ້າເມືອງ ເມືອງບຸນໃຕ້, ມີສະຫາຍ ພັນຕີ ທອງດີ ພົມປັນຍາ ຫົວໜ້າການເມືອງ ກອງບັນຊາການທະຫານເມືອງບຸນໃຕ້, ມີພາກສ່ວນທີ່ກ່ຽວຂ້ອງ, ອົງການຈັດຕັ້ງຂັ້ນບ້ານ, ແຂກຖືກເຊີນ ແລະ ປະຊາຊົນທັງສອງບ້ານ ເຂົ້າຮ່ວມ. ສະຫາຍ ຄຳເຈັນ ລາວຢາງນາຍບ້ານ ບ້ານສະປາ ໄດ້ຕາງໜ້າອຳນາດການການປົກຄອງທັງສອງບ້ານ ຜ່ານບົດສະຫຼຸບການຈັດຕັ້ງປະຕິບັດການສ້າງຄອບຄົວ ແລະ ບ້ານປ້ອງກັນຊາດເຂັ້ມແຂງ, ຍົກໃຫ້ເຫັນສະພາບລວມຂອງບ້ານ, ວຽກງານພົ້ນເດັ່ນທີ່ບ້ານສາມາດສ້າງມາໄດ້ ແລະ ສະພາບສັງຄົມທີ່ພວມມີການຜັນແປໄປຢ່າງສັບສົນ. ຜ່ານການປະເມີນຜົນຂອງຄະນະຊີ້ນຳ ການສ້າງຄອບຄົວ ແລະ ບ້ານປ້ອງກັນຊາດ ເຫັນວ່າ: ບ້ານສະປາ ແລະ ບ້ານຈາຄຳຊາວ ມີມາດຖານເງື່ອນໄຂຄົບຖ້ວນ ສາມາດຮັບຮອງເປັນບ້ານປ້ອງກັນຊາດເຂັ້ມແຂງ. ສະຫາຍ ພັນໂທ ໄຊນະພອນ ແກ້ວອ່ອນແສງ ຮອງຫົວໜ້າການເມືອງ ກອງບັນຊາການທະຫານເມືອງບຸນໃຕ້ ໄດ້ຜ່ານຂໍ້ຕົກຂອງເຈົ້າເມືອງ ເມືອງບຸນໃຕ້ ວ່າດ້ວຍການມອບໃບຢັ້ງຢືນຄອບຄົວປ້ອງກັນຊາດເຂັ້ມແຂງ ປະຈຳປີ 2024 ໃນນີ້, ບ້ານສະປາມີ 70 ຄອບຄົວ ແລະ ບ້ານຈາຄຳຊາວມີ 38 ຄອບຄົວ, ຜ່ານຂໍ້ຕົກລົງຂອງກອງບັນຊາການທະຫານແຂວງຜົ້ງສາລີ ວ່າດ້ວຍການມອບໃບຢັ້ງຢືນຮັບຮອງເອົາບ້ານ ສະປາ ແລະ ບ້ານຈາຄຳຊາວ ເປັນບ້ານປ້ອງກັນຊາດເຂັ້ມແຂງ. ຈາກນັ້ນ, ກໍໄດ້ມອບໃບຢັ້ງຢືນໃຫ້ຄອບຄົວ ແລະ ບ້ານປ້ອງກັນຊາດເຂັ້ມແຂງຢ່າງສົມກຽດ, ພ້ອມທັງຕັດແທບຜ້າເປີດປ້າຍ ແລະ ລັ່ນຄ້ອງ 9 ບາດ ເພື່ອຮັບຮອງເອົາບ້ານສະປາ ແລະ ບ້ານຈາຄຳຊາວ ເປັນບ້ານປ້ອງກັນຊາດເຂັ້ມແຂງ ຢ່າງເປັນທາງການ. ສະຫາຍ ທອງສິງ ອິນທະແສງ ໄດ້ສະແດງຄວາມຍ້ອງຍໍຊົມຕໍ່ອົງການປົກຄອງບ້ານ ກໍຄື ຄະນະກຳມະການກໍ່ສ້າງຄອບຄົວ ແລະ ບ້ານປ້ອງກັນຊາດເຂັ້ມແຂງແຕ່ລະຂັ້ນ ທີ່ໄດ້ນຳພາ-ຊີ້ນຳ ແລະ ຈັດຕັ້ງປະຕິບັດຕາມມາດຖານເງື່ອນໄຂຂອງການສ້າງຄອບຄົວ ແລະ ບ້ານປ້ອງກັນຊາດເຂັ້ມແຂງ ພ້ອມທັງໄດ້ເນັ້ນໜັກໃຫ້ອຳນາດການປົກຄອງບ້ານ ຈົ່ງເອົາໃຈໃສ່ເຮັດວຽກງານປ້ອງກັນຊາດ-ປ້ອງກັນຄວາມສະຫງົບ, ຊີ້ນຳ-ບັນຊາກຳລັງກອງຫຼອນ, ປກສ ບ້ານ ເຄື່ອນໄຫວເຮັດໜ້າທີ່ຂອງຕົນຢ່າງມີປະສິດທິຜົນ, ປະຊາຊົນຕື່ນຕົວເຂົ້າຮ່ວມວຽກງານລວມຂອງບ້ານ, ປະຕິບັດພັນທະປ້ອງກັນຊາດໃຫ້ໄດ້ 100%, ປັບປຸງກຳລັງກອງຫຼອນໃຫ້ມີຄວາມໜັກແໜ້ນທາງດ້ານການເມືອງແນວຄິດ, ມີຄວາມເຂັ້ມແຂງທາງດ້ານການຈັດຕັ້ງ, ຕ້ອງມີແຜນການສູ້ຮົບປ້ອງກັນບ້ານ, ຕ້ານໄພພິບັດ, ມີຄັງແຮປ້ອງກັນຊາດ ເພື່ອຮອງຮັບເມື່ອມີສະພາບເກີດຂຶ້ນ, ອຳນາດການປົກຄອງບ້ານ ຕ້ອງເປັນເຈົ້າການກຳແໜ້ນສະພາບການເຄື່ອນໄຫວຂອງສັດຕູ ແລະ ກຸ່ມຄົນບໍ່ດີຢູ່ຂອບເຂດຄວາມຮັບຜິດຊອບຂອງຕົນ, ເມື່ອມີສະພາບຕ້ອງແກ້ໄຂໃຫ້ທັນເວລາ, ປຸກລະດົມກຳລັງແຮງສັງລວມທົ່ວປວງຊົນ ເຂົ້າໃນວຽກງານປ້ອງກັນຊາດ, ຕ້ານ ແລະ ສະກັດກັ້ນກົນອຸບາຍຫັນປ່ຽນໂດຍສັນຕິຂອງອິດທິກຳລັງປໍລະປັກ, ປົກປັກຮັກສາເຂດນ້ຳແດນດິນ, ຮັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍຂອງບ້ານ, ປະກອບສ່ວນເຂົ້າໃນການປົກປັກຮັກສາອຳນາດອະທິປະໄຕ ແລະ ຜືນແຜ່ນດິນອັນຄົບຖ້ວນຂອງຊາດ ໄວ້ໃຫ້ໝັ້ນຄົງ. ໂດຍ: ສົມຊະນະ

news to day and hot news