POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອາທິດ, ວັນທີ 27 ເມສາ 2025

70 ປີພາຍໃຕ້ການນຳພາຂອງພັກ ກອງບັນຊາການ ທະຫານແຂວງອຸດົມໄຊ ສ້າງໄດ້ຜົນງານຫຼາຍດ້ານທີ່ໜ້າພາກພູມໃຈ
ເວລາອອກຂ່າວ: 2025-03-21 09:10:42 | ຜູ້ຂຽນ : admin3 | ຈຳນວນຄົນເຂົ້າຊົມ: 1195 | ຄວາມນິຍົມ:

ສະຫາຍ ພັນເອກ ຕຸ້ຍ ພົມມີໄຊ ເລຂາຄະນະພັກ, ຫົວ ໜ້າການເມືອງກອງບັນຊາການທະຫານແຂວງອຸດົມໄຊ ໄດ້ໃຫ້ ສຳພາດ ເນື່ອງໃນໂອກາດສະ ເຫຼີມສະຫຼອງວັນສ້າງຕັ້ງພັກປະ ຊາຊົນ ປະຕິວັດລາວ ຄົບຮອບ 70 ປີ ວ່າ: ຕະຫຼອດໄລຍະຜ່ານ ມາ ພັກປະຊາຊົນປະຕິວັດລາວ ນຳພາກອງທັບເດັດຂາດ, ໂດຍ ກົງ ແລະ ຮອບດ້ານ ໃນພາລະ ກິດຕໍ່ສູ້ປົດປ່ອຍຊາດ ກໍຄື ການ ປະຕິບັດສອງໜ້າທີ່ຍຸດທະສາດ ໃນການປົກປັກຮັກສາ ແລະ ສ້າງ ສາພັດທະນາປະເທດຊາດ ສາ ມາດຮັກສາໄດ້ອຳນາດອະທິປະໄຕ, ຜືນແຜ່ນດິນອັນຄົບຖ້ວນຂອງຊາດ ໄວ້ໄດ້ຢ່າງໝັ້ນຄົງ ພ້ອມທັງ, ນຳພາການພັດທະນາເສດຖະກິດ-ສັງຄົມ ມີຄວາມຈະ ເລີນຮຸ່ງເຮືອງຄືດັ່ງປັດຈຸບັນ, ຊີ ວິດການເປັນຢູ່ຂອງປະຊາຊົນ, ກຳລັງປະກອບອາວຸດ ກໍຄື ນາຍ ແລະ ພົນທະຫານ ນັບມື້ດີຂຶ້ນ, ກົມກອງທະຫານໄດ້ຮັບການພັດ ທະນາເປັນລະບົບ ແລະ ມີຄວາມສະອາດສວຍງາມ ໂດຍພາຍໃຕ້ການນຳພາຂອງພັກປະຊາຊົນປະ ຕິວັດລາວ ກໍຄື ຄະນະບໍລິຫານງານພັກແຂວງ, ກະຊວງປ້ອງກັນປະເທດ ໄດ້ນຳພາ-ຊີ້ນຳຢ່າງ ໃກ້ຊິດຕິດແທດ ຄະນະພັກກອງ ບັນຊາການທະຫານແຂວງອຸດົມ ໄຊ ພ້ອມກັນປັບປຸງກໍ່ສ້າງພັກ ທາງດ້ານການເມືອງ-ແນວຄິດ, ການຈັດຕັ້ງ, ແບບແຜນວິທີນຳ ພາ ບົນພື້ນຖານຫຼັກການລວມ ສູນປະຊາທິປະໄຕ ນຳພາເປັນໝູ່ ຄະນະແບ່ງໃຫ້ບຸກຄົນຮັບຜິດ ຊອບ, ດຳເນີນຊີວິດການເມືອງ, ຕຳນິຕິຊົມຕົນເອງ ຕິຊົມເຊິ່ງກັນ ແລະ ກັນ, ສົ່ງເສີມດ້ານດີ ຜົນງານ, ປັບປຸງແກ້ໄຂຈຸດອ່ອນ ຂໍ້ຄົງຄ້າງ ເພື່ອແນໃສ່ສ້າງພະ ນັກງານ-ສະມາຊິກພັກໃຫ້ມີ ຄວາມປອດໃສ ເຂັ້ມແຂງ ໜັກແໜ້ນ, ຮັກສາໄດ້ທາດແທ້ມູນ ເຊື້ອ, ຄວາມຈົງຮັກພັກດີ, ຄວາມ ເສຍສະຫຼະເພື່ອພາລະກິດປະຕິ ວັດ, ເປັນກຳລັງຫຼັກແຫຼ່ງທີ່ເຊື່ອໝັ້ນ ແລະ ໄວ້ວາງໃຈຈາກພັກ-ລັດ, ອົງການປົກຄອງແຂວງ ແລະ ພໍ່ແມ່ປະຊາຊົນບັນດາເຜົ່າ ເປັນຢ່າງດີ. ຕະຫຼອດໄລຍະ 70 ປີ ພາຍໃຕ້ການນຳພາຂອງພັກປະຊາຊົນປະຕິວັດລາວ ເວົ້າລວມ, ເວົ້າສະ ເພາະແມ່ນໄລຍະ 5 ປີຜ່ານມາ, ຄະນະພັກກອງບັນຊາການທະ ຫານແຂວງອຸດົມໄຊ ໄດ້ພ້ອມກັນ ສຸມໃສ່ຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ XI ຂອງພັກ ຕິດພັນກັບການຈັດຕັ້ງປະຕິບັດ 2 ວາລະແຫ່ງຊາດ, ມະຕິກອງປະ ຊຸມໃຫຍ່ ຄັ້ງທີ IX ຂອງຄະນະພັກແຂວງ, ມະຕິກອງປະຊຸມໃຫຍ່ ຄັ້ງທີ V ຂອງອົງຄະນະພັກກະຊວງປ້ອງກັນປະເທດ ແລະ ມະຕິກອງປະຊຸມໃຫຍ ຄັ້ງທີ IV ຂອງອົງຄະນະພັກກອງບັນຊາການທະຫານແຂວງ ເຂົ້າສູ່ຊີວິດຕົວຈິງ ມີຜົນສຳເລັດຫຼາຍດ້ານທີ່ໜ້າພາກພູມໃຈ ອັນພົ້ນເດັ່ນແມ່ນການຈັດຕັ້ງປະຕິບັດ 4 ໜ້າທີ່ໃຫຍ່ 26 ແຜນງານທີ່ກະຊວງປ້ອງກັນ ເທດວາງອອກ ໂດຍການສຸມໃສ່ ຊີ້ນຳວຽກງານກໍ່ສ້າງຮາກຖານ ການເມືອງ ຕິດພັນກັບການສ້າງບ້ານ, ກຸ່ມບ້ານພັດທະນາຕາມ 4 ເນື້ອໃນ 4 ຄາດໝາຍ, ສ້າງຄອບຄົວ ແລະ ບ້ານປ້ອງກັນຊາດເຂັ້ມແຂງທົ່ວແຂວງໄດ້ 44 ບ້ານ, ສະເພາະປີ 2024 ສ້າງໄດ້ 11 ບ້ານ, ສ້າງບ້ານປ້ອມໝັ້ນ-ກຸ່ມບ້ານສູ້ຮົບຕິດລຽນໄດ້ 15 ກຸ່ມບ້ານ, ນຳໃຊ້ກຳລັງພົນ ແລະ ພາ ຫະນະຊ່ວຍເຫຼືອປະຊາຊົນທີ່ຖືກຜົນກະທົບຈາກໄພນໍ້າຖ້ວມ; ໄຟໄໝ້ລາມປ່າ ແລະ ໄຟໄໝ້ເຮືອນ ທັງໝົດ 40 ຄັ້ງ, ນຳໃຊ້ກຳລັງ 1.999 ສະຫາຍ; ຊ່ວຍເຫຼືອຜູ້ ປະສົບໄພນໍ້າຖ້ວມຢູ່ແຂວງຫຼວງ ນໍ້າທາຈຳນວນໜຶ່ງ, ຈັດຕັ້ງກຳ ລັງປ້ອງກັນເສັ້ນທາງລົດໄຟ ລາວ-ຈີນ ຊ່ວງຜ່ານແຂວງອຸດົມໄຊ ແຕ່ລາດຫານເມືອງງາ ຫາເມືອງນາໝໍ້ ທັງໝົດຈຳນວນ 33 ຈຸດ, ນຳໃຊ້ກຳລັງປ້ອງກັນ 176 ສະຫາຍ, ເຄື່ອນໄຫວປ້ອງກັນເປົ້າໝາຍຍຸດທະສາດສຳຄັນ ເຊັ່ນ: ຂົວ, ເສັ້ນທາງຍຸດທະສາດ, ສາງຄັ້ງ, ສະໜາມບິນ, ອ່າງນໍ້າປະປາ, ເຂື່ອນໄຟຟ້າ, ການຂຸດຄົ້ນແຮ່ທາດ, ປ້ອງກັນກອງປະຊຸມ, ສຳນັກງານອົງການ, ການນຳພັກ-ລັດ, ແຂກພາຍໃນ ແລະ ຕ່າງປະເທດ ແລະ ກິດຈະການຕ່າງໆ ມີຄວາມສະຫງົບປອດໄພດີ. ໃນຊຸມປີຜ່ານມາ ສາມາດຕີລາຄາປະເມີນຜົນໜ່ວຍພັກປອດໃສເຂັ້ມແຂງ ໜັກແໜ້ນ ຈຳນວນ 24 ໜ່ວຍພັກ ສາມາດຮັບຮອງເປັນໜ່ວຍພັກປອດໃສ ເຂັ້ມແຂງ ໜັກແໜ້ນ 22 ໜ່ວຍພັກ ກວມ 91,66%; ໜ່ວຍພັກກາງ 2 ໜ່ວຍກວມເອົາ 8,33%, ຕີລາຄາແບ່ງປະເພດຄຸນນະພາບສະມາຊິກພັກແຂງມີ 944 ສະຫາຍ ກວມເອົາ 94.87%; ກາງ 46 ສະຫາຍ ກວມເອົາ 4,62%, ໄດ້ນຳພາ-ຊີ້ນຳກະກຽມດຳເນີນກອງປະຊຸມໃຫຍ່ຂັ້ນຮາກຖານພັກ ຢູ່ຂັ້ນອົງການ, ກົມກອງຮາກຖານ ແລະ ກອງບັນຊາການທະຫານເມືອງ 7 ເມືອງສຳເລັດ 100%, ສຸມໃສ່ກໍ່ສ້າງ ແລະ ບຳລຸງພະ ນັກງານນຳພາ-ບັນຊາ ແຕ່ລະຂັ້ນສອດຄ່ອງກັບແຜນກຳນົດ, ກໍ່ສ້າງກັບທີ່ ແລະ ສົ່ງໄປກໍ່ສ້າງຢູ່ຮາກຖານກົມກອງ ສາມາດສ້າງພະນັກງານສືບທອດ 3 ຮຸ່ນ ທີ່ມີມາດຖານເງື່ອນໄຂຄົບຖ້ວນ ຢ່າງຕໍ່ເນື່ອງ. ນອກນັ້ນ, ຍັງໄດ້ບັນຈຸສັບຊ້ອນ, ແຕ່ງຕັ້ງສັບປ່ຽນໜ້າທີ່ບ່ອນປະຈຳການ, ປະຕິບັດນະໂຍບາຍເລື່ອນຊັ້ນ, ເລື່ອນໜ້າ ທີ່, ບຳນານ, ປິ່ນປົວສຸຂະພາບ ຕາມເງື່ອນໄຂຢ່າງເໝາະສົມ. ມາຮອດປັດຈຸບັນ ພະນັກງານນາຍທະຫານ ມີລັກສະນະເພີ່ມຂຶ້ນທາງດ້ານຈຳນວນ ແລະ ຄຸນນະພາບ. ສັງລວມແລ້ວຕະຫຼອດໄລຍະຜ່ານມາ ເຖິງແມ່ນວ່າແຂວງອຸດົມໄຊພວກເຮົາໄດ້ປະສົບບັນຫາຫຍຸ້ງຍາກຫຼາຍປະການ, ແຕ່ພວກ ເຮົາຍັງສາມາດຮັບປະກັນເຮັດ ໃຫ້ແຂວງອຸດົມໄຊມີສະຖຽນລະ ພາບທາງດ້ານການເມືອງຢ່າງໜັກແໜ້ນ, ສັງຄົມມີຄວາມສະ ຫງົບປອດໄພໂດຍພື້ນຖານ, ຮັບ ປະກັນໃຫ້ແກ່ການສ້າງສາພັດ ທະນາເສດຖະກິດ-ສັງຄົມ ໄດ້ດຳ ເນີນຢ່າງຕໍ່ເນື່ອງ, ສາມາດຮັກສາ ແລະ ເສີມຂະຫຍາຍໄດ້ທາດແທ້ມູນເຊື້ອຄວາມຈົ່ງຮັກພັກດີ, ມີຄວາມບໍລິສຸດສັດຊື່ຕໍ່ຊາດ, ຕໍ່ພັກ, ຕໍ່ປະຊາຊົນ, ມີຄວາມສາມັກຄີພາຍໃນຢ່າງໜັກແໜ້ນ, ເປັນກຳ ລັງຫຼັກແຫຼ່ງໃນການຈັດຕັ້ງປະ ຕິບັດແນວທາງປ້ອງກັນຊາດ-ປ້ອງກັນຄວາມສະຫງົບ. ໃນຕໍ່ໜ້ານີ້, ກອງບັນຊາການທະຫານແຂວງອຸດົມໄຊ ຈະຕ້ອງສຸມໃສ່ເຮັດໃຫ້ສະພາບພາຍໃນທົ່ວແຂວງ ມີຄວາມສະຫງົບຢ່າງໜັກແໜ້ນ ດ້ວຍມາດຕະການຍຸດທະສາດຫັນເອົາກຳລັງລົງກໍ່ສ້າງຮາກຖານ, ສ້າງທ່າສະໜາມ ປກຊ-ປກສ 3 ຂັ້ນ ຕິດພັນກັບ ວຽກງານ 3 ສ້າງ, ແກ້ໄຂໜໍ່ແໜງຄວາມບໍ່ສະຫງົບໃຫ້ທັນເວລາ, ເພີ່ມທະວີການນຳພາຂອງພັກຕໍ່ກຳລັງປະກອບອາວຸດ, ສ້າງກົມກອງໃຫ້ມີຄຸນທາດປະຕິວັດ, ມີສະຕິຕໍ່ການຈັດຕັ້ງ, ມີລະບຽບວິໄນ, ສ້າງພະນັກງານສືບທອດປ່ຽນແທນ, ອົບຮົມ-ຫັດແອບ ເພື່ອຍົກລະດັບສິລະປະຍຸດ-ຍຸດທະວິທີ ໃຫ້ມີຄວາມຊຳນິຊຳນານ ຕິດພັນ ກັບການສ້າງໜ່ວຍພັກ ປອດໃສ ເຂັ້ມແຂງ ໜັກ ແໜ້ນ, ກົມກອງ 3 ປອດ, ກົມກອງ ແລະ ນັກຮົບວັດທະນະທຳ, ແນໃສ່ຕ້ານ ແລະ ສະກັດກັ້ນ ບັນດາປະກົດການຫຍໍ້ທໍ້ຢູ່ພາຍໃນໃຫ້ໄດ້ຢ່າງເດັດຂາດ, ເຊີດຊູ ນໍ້າໃຈເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ, ປະຍັດມັດທະຍັດ, ສຸມໃສ່ສ້າງພະລາທິການກັບທີ່ດ້ວຍການຂຸດຄົ້ນທ່າແຮງບົ່ມຊ້ອນຂອງກົມກອງ, ປັບປຸງຄ້າຍຄູໃຫ້ສະອາດງາມຕາ, ຍູ້ແຮງການປູກ-ການລ້ຽງ ເພື່ອຍົກລະດັບຊີວິດການເປັນຢູ່ຂອງກົມກອງ ແລະ ຄອບ ຄົວພະນັກງານ-ນັກຮົບໃຫ້ດີຂຶ້ນ, ສ້າງພື້ນຖານ, ພາຫະນະວັດຖຸເຕັກນິກໃຫ້ມີຄວາມຮັບປະກັນຮອບດ້ານ, ປັບປຸງລະບົບສາງຄັງ, ສ້ອມແປງພາຫະນະອັນຈຳ ເປັນຕາມຄວາມສາມາດດ້ານງົບປະມານ, ປະຕິບັດແນວທາງການຕ່າງປະເທດຂອງພັກໃຫ້ຖືກຕ້ອງ, ເພີ່ມທະວີການພົວພັນຮ່ວມມືກັບກອງທັບປະເທດເພື່ອນມິດຍຸດທະສາດ, ປະກອບສ່ວນສ້າງສັນຕິພາບ, ສະຖຽນລະພາບ ແລະ ການຮ່ວມມືກັບສາກົນ. ສະຫາຍ ພັນເອກ ຕຸ້ຍ ພົມມີໄຊ ຍັງໄດ້ຕາງໜ້າໃຫ້ຄະນະພັກ-ຄະ ນະບັນຊາ ກອງບັນຊາການທະ ຫານແຂວງອຸດົມໄຊ ອວຍພອນໄຊອັນປະເສີດມາຍັງການນຳພັກ-ລັດ, ການນຳກະຊວງປ້ອງກັນປະເທດ ກໍຄື ທົ່ວກຳລັງປະ ກອບອາວຸດ ຕະຫຼອດຮອດປະຊາ ຊົນບັນດາເຜົ່າໃນທົ່ວປະເທດ ຈົ່ງມີສຸຂະພາບເຂັ້ມແຂງ, ມີຄວາມຜາສຸກໃນຊີວິດສ່ວນຕົວ ແລະ ຄອບຄົວ, ມີຜົນສຳເລັດໃນໜ້າທີ່ວຽກງານທຸກປະການ. ໂດຍ: ເພັດ ສົມນໍວັນ

news to day and hot news