POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອາທິດ, ວັນທີ 27 ເມສາ 2025

ສໍາເລັດກອງປະຊຸມໃຫຍ່ສະມາຊິກພັກ ຄັ້ງທີ IV ຂອງຄະນະພັກຮາກຖານ ຫ້ອງການຄະນະກຳມະການ ປກຊ-ປກສ ສູນກາງ
ເວລາອອກຂ່າວ: 2025-03-20 15:56:16 | ຜູ້ຂຽນ : admin2 | ຈຳນວນຄົນເຂົ້າຊົມ: 1192 | ຄວາມນິຍົມ:

ໃນວັນທີ 20 ມີນາ 2025 ນີ້, ຄະນະພັກຮາກຖານ ຫ້ອງການຄະນະກຳມະການ ປກຊ-ປກສ ສູນກາງ ໄດ້ດໍາເນີນກອງປະຊຸມໃຫຍ່ສະມາຊິກພັກ ຄັ້ງທີ IV ໂດຍການເປັນປະທານ ຂອງສະຫາຍ ພົນໂທ ຄໍາລຽງ ອຸທະໄກສອນ ກຳມະການສູນກາງພັກ, ຄະນະກຳມະການ ປກຊ-ປກສ ສູນກາງ, ເລຂາຄະນະພັກກະຊວງ, ລັດຖະມົນຕີກະຊວງປ້ອງກັນປະເທດ, ມີຄະນະພັກ-ຄະນະບັນຊາ, ບັນດາແຂກທີ່ມີຈາກ 4 ກົມໃຫຍ່, ກົມ, ຫ້ອງວ່າການ ກະຊວງປ້ອງກັນປະເທດ, ພະນັກງານປະຕິວັດອາວຸໂສບຳນານ, ກົມໃຫຍ່ການເມືອງ, ຫ້ອງວ່າການກະຊວງປ້ອງກັນຄວາມສະຫງົບ, ກົມ 502, ກົມ 504 ແລະ ບັນດາສະມາຊິກພັກ ທົ່ວຫ້ອງການຄະນະກຳມະການ ປກຊ-ປກສ ສູນກາງ ເຂົ້າຮ່ວມ ສະຫາຍ ພົນຈັດຕະວາ ຄໍາຜິວ ມະນີວົງ ເລຂາຄະນະພັກຮາກຖານ, ຫົວໜ້າຫ້ອງການຄະນະກຳມະການ ປກຊ-ປກສ ສູນກາງ ໄດ້ກ່າວເປີດກອງຊຸມດັ່ງກ່າວ ໂດຍອີງຕາມ ກົດລະບຽບ ຂອງພັກປະຊາຊົນປະຕິວັດລາວ ສະໄໝທີ XI ທີ່ໄດ້ກຳນົດໄວ້ໃນໝວດທີ VI ມາດຕາ 31 ວ່າດ້ວຍສະໄໝກອງປະຊຸມໃຫຍ່ຄະນະພັກຮາກຖານ, ໜ່ວຍພັກ ແລະ ໜ່ວຍພັກທີ່ຂຶ້ນ ກັບ ຄະນະພັກຮາກຖານ. ອີງຕາມ ມະຕິຕົກລົງ ຂອງຄະນະພັກກະຊວງປ້ອງກັນປະເທດ ວ່າດ້ວຍການອະນຸມັດ ໃຫ້ຄະນະພັກຮາກຖານ ຫ້ອງການຄະນະກຳມະການ ປກຊ-ປກສ ສູນກາງ ດໍາເນີນກອງກະຊຸມໃຫຍ່ສະມາຊິກພັກ ຄັ້ງທີ IV. ພ້ອມທັງ, ຜ່ານບົດລາຍງານການເມືອງທັງສອງພາກ ເຊິ່ງໄດ້ຕີລາຄາຄືນຢ່າງພາວະວິໄສ ຕໍ່ໝາກຜົນແຫ່ງການເຄື່ອນໄຫວນຳພາ-ຊີ້ນໍາ ວຽກງານຮອບດ້ານ ຂອງຄະນະພັກຮາກຖານ ໃນໄລຍະ 5 ປີ ຜ່ານມາ, ໂດຍປິ່ນອອ້ມ 4 ໜ້າທີ່ໃຫຍ່ 26 ແຜນງານ ທີ່ຄະນະພັກກະຊວງປ້ອງກັນປະເທດ ແລະ 4 ແຜນງານໃຫຍ່ 41 ໂຄງການ ທີ່ຄະນະພັກກະຊວງປ້ອງກັນຄວາມສະຫງົບວາງອອກ ກໍຄືມະຕິກອງປະຊຸມໃຫຍ່ ຄັ້ງທີ III ຂອງຄະນະພັກຮາກຖານ ຫ້ອງການຄະນະກຳມະການ ປກຊ-ປກສ ສູນກາງ ໃນຊຸມປີຜ່ານມາ ເຮັດໃຫ້ທົ່ວຫ້ອງການຄະນະກຳມະການ ປກຊ-ປກສ ສູນກາງ ມີຄວາມສະຫງົບໜັກແໜ້ນ, ສາມາດເປັນເສນາທິການດ້ານວຽກງານການເມືອງໃຫ້ແກ່ຄະນະພັກກະຊວງປ້ອງກັນປະເທດ, ຄະນະກຳມະການ ປກຊ-ປກສ ສູນກາງ, ຄະນະພັກ ຍາມໃດກໍໄດ້ເປັນຄັນທຸງເຕົ້າໂຮມຄວາມສາມັກຄີ, ພາຍໃນພັກ, ຮັກສາ ແລະ ເສີມຂະຫຍາຍໄດ້ແບບແຜນການນໍາພາ, ວິທີເຮັດວຽກຕາມຫຼັກການລວມສູນປະຊາທິປະໄຕ ຂອງພັກ, ນໍາພາ-ຊີ້ນໍາໃນການຄົ້ນຄວ້ານິຕິກໍາວຽກງານພັກ-ວຽກງານການເມືອງໃນກອງທັບ, ເອົາໃຈໃສ່ສຶກສາອົບຮົມການເມືອງ-ນໍາພາແນວຄິດ ໃຫ້ສະມາຊິກພັກ-ພະນັກງານ ໃນທົ່ວຫ້ອງການຄະນະກຳມະການ ປກຊ-ປກສ ສູນກາງ ດ້ວຍຫຼາຍຮູບການ. ກອງປະຊຸມໄດ້ເປັນເອກະສັນຢ່າງສົມບູນຮັບຮອງເອົາທິດທາງແຜນການ 5 ປີຕໍ່ໜ້າ, ພ້ອມທັງຮັບຟັງການປະກອບຄໍາຄິດເຫັນຈາກຕາງໜ້າພະແນກການທີ່ຂຶ້ນກັບຫ້ອງການຄະນະກຳມະການ ປກຊ-ປກສ ສູນກາງ ເຮັດໃຫ້ກອງປະຊຸມມີເນື້ອໃນສົມບູນ. ຈາກນັ້ນ, ໄດ້ດໍາເນີນການປ່ອນບັດຄັດເລືອກເອົາຄະນະພັກຮາກຖານ ຫ້ອງການຄະນະກຳມະການ ປກຊ-ປກສ ສູນກາງ ຊຸດໃໝ່ ເຊິ່ງໄດ້ເລືອກເອົາຈໍານວນ 7 ສະຫາຍ ຄື: ສະຫາຍ ພົນຈັດຕະວາ ຄໍາຜິວ ມະນີວົງ, ສະຫາຍ ພົນຈັດຕະວາ ທຸມມາ ພົມມະທໍາ, ສະຫາຍ ພົນຈັດຕະວາ ທອງບຸນ ຂຸນລະພິດ, ສະຫາຍ ພັນເອກ ບົວພັນ ດວງຈໍາປາ, ສະຫາຍ ພັນເອກ ຈິດຖະໜອມ ບຸນເລີດ, ສະຫາຍ ພັນໂທ ບຸນເພັງ ສີວິໄລ, ສະຫາຍ ພັນໂທ ນາງ ແສງສຸລີ ແກ້ວປະເສີດ. ເຊິ່ງກອງປະຊຸມຄັ້ງປະຖົມມະລຶກໄດ້ເປັນເອກະສັນຢ່າງສົມບູນ ຄັດເລືອກເອົາເລຂາ, ຮອງເລຂາ, ປະທານຄະນະກວດກາພັກ ຄື: ສະຫາຍ ພົນຈັດຕະວາ ຄໍາຜິວ ມະນີວົງ ເປັນເລຂາຄະນະພັກຮາກຖານ, ສະຫາຍ ພົນຈັດຕະວາ ທຸມມາ ພົມມະທໍາ ເປັນຮອງເລຂາ, ສະຫາຍ ພົນຈັດຕະວາ ທອງບຸນ ຂຸນລະພິດ ເປັນປະທານຄະນະກວດກາພັກ. ໂອກາດນີ້, ສະຫາຍ ພົນໂທ ຄໍາລຽງ ອຸທະໄກສອນ ໄດ້ໂອ້ລົມໃຫ້ທິດຊີ້ນໍາຫຼາຍບັນຫາສໍາຄັນ ເພື່ອເປັນແນວທາງ ແລະ ບ່ອນອີງໃຫ້ແກ່ຄະນະພັກຊຸດໃໝ່ ພ້ອມທັງ, ເນັ້ນໜັກໃຫ້ເອົາໃຈໃສ່ສຶກສາອົບຮົມການເມືອງ-ນໍາພາແນວຄິດ ໃຫ້ພະນັກງານ-ນັກຮົບ ມີນໍ້າໃຈຮັກຊາດ, ມີຄວາມຈົງຮັກພັກດີຕໍ່ພັກ, ຕໍ່ປະຊາຊົນ, ເອົາໃຈໃສ່ຄົ້ນຄວ້າຮໍ່າຮຽນທິດສະດີການເມືອງ, ທິດສະດີ ມາກ-ເລນິນ, ແນວຄິດໄກສອນ ພົມວິຫານ, ມູນເຊື້ອ ແລະ ປະຫວັດສາດຂອງພັກ, ຂອງຊາດ, ແນວທາງນະໂຍບາຍຂອງພັກ-ລັດ ໃນແຕ່ລະໄລຍະ ໃນນີ້, ຖືເອົາຄຸນນະພາບເປັນຕົ້ນຕໍ, ເປັນເຈົ້າການຍົກສູງສະຕິເພິ່ງຕົນເອງ, ກຸ້ມຕົນເອງ, ຮູ້ຊອກຄົ້ນ ແລະ ນໍາໃຊ້ທ່າແຮງບົ່ມຊ້ອນທີ່ມີ ເພື່ອສູ້ຊົນປະຕິບັດຄາດໝາຍ, ແຜນການສ້າງເສດຖະກິດແກ້ໄຂຊີວິດການເປັນຢູ່ ທີ່ກະຊວງປ້ອງກັນປະເທດວາງອອກ ໃຫ້ປະກົດຜົນເປັນຈິງ, ພ້ອມກັນນັ້ນ, ກໍປະຕິບັດແນວທາງການຕ່າງປະເທດຂອງພັກໃນໄລຍະໃໝ່ ໃຫ້ຖືກຕ້ອງ ແລະ ບັນຫາສໍາຄັນແມ່ນພ້ອມກັນຄົ້ນຄວ້າ ແລະ ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງນີ້ ໃຫ້ເກີດໝາກຜົນຕົວຈິງ ເຮັດໃຫ້ຫ້ອງການຄະນະກຳມະ ການ ປກຊ-ປກສ ສູນກາງ ມີຄວາມໜັກແໜ້ນເຂັ້ມແຂງຂຶ້ນເລື້ອຍໆ. ໂດຍ: ອາຫວຸ້ນ

news to day and hot news