ວັນອາທິດ, ວັນທີ 27 ເມສາ 2025
ຫົວໜ້າການທະຫານ ກອງວິທະຍຸກະຈາຍສຽງກອງທັບ ເຄື່ອນໄຫວຊຸກຍູ້ວຽກງານຂ່າວສານ ຢູ່ກອງບັນຊາການທະຫານແຂວງອຸດົມໄຊ
ເວລາອອກຂ່າວ: 2025-03-20 09:10:55 | ຜູ້ຂຽນ : admin3 | ຈຳນວນຄົນເຂົ້າຊົມ: 1114 | ຄວາມນິຍົມ: 
ໃນລະຫວ່າງວັນທີ 17-19 ມີນາ 2025 ສະຫາຍ ພັນເອກ ໝູມາດ ອຸ່ນໃຈດີ ຫົວໜ້າການທະຫານ ກອງວິທະຍຸກະຈາຍສຽງກອງທັບ ພ້ອມດ້ວຍພະນັກ
ງານວິຊາການວິທະຍຸ ແລະ ໜັງສືພິມກອງທັບ ໄດ້ເຄື່ອນໄຫວເກັບກຳຂ່າວ-ບົດ ແລະ ຊຸກຍູ້ວຽກງານໂຄສະນາຂ່າວສານ ຢູ່ກອງບັນຊາການທະຫານແຂວງອຸດົມໄຊ, ໂດຍມີ ສະຫາຍ ພັນເອກ ຕຸ້ຍ ພົມມີໄຊ ຫົວໜ້າການເມືອງ ກອງບັນຊາການ ທະຫານແຂວງອຸດົມໄຊ ພ້ອມດ້ວຍຄະນະ ໃຫ້ການຕ້ອນຮັບ.
ຈຸດປະສົງໃນການລົງເຄື່ອນໄຫວເກັບກຳຂ່າວ-ບົດໃນຄັ້ງນີ້, ເພື່ອຊຸກຍູ້ຂະບວນການສ້າງຜົນງານຂ່ຳນັບຮັບຕ້ອນ 3 ວັນປະຫວັດສາດຂອງພັກ, ຂອງຊາດ ໃນປີ 2025 ເວົ້າສະເພາະແມ່ນວັນສ້າງພັກ ປະຊາຊົນ ປະຕິວັດລາວ ຄົບຮອບ 70 ປີ ໃຫ້ມີຂະບວນການຟົດຟື້ນ ແລະ ມີເນື້ອໃນສຳຄັນເລິກເຊິ່ງ, ໂດຍຕິດພັນກັບການຈັດຕັ້ງປະຕິບັດ 4 ໜ້າທີ່ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກ ເພື່ອນຳເອົາຜົນງານ, ຂະບວນການອັນພົ້ນເດັ່ນດ້ານຕ່າງໆ ຂອງກອງບັນຊາການທະຫານແຂວງອຸດົມໄຊ ແລະ ບັນດາກົມກອງຂຶ້ນກັບຈຳນວນໜຶ່ງ ຂຽນເປັນຂ່າວ, ບົດ, ເພື່ອໂຄສະນາອອກອາກາດທາງສະຖານີ, ສື່ອອນລາຍ ວິທະຍຸ ແລະ ໜັງສືພິມກອງທັບ ໃຫ້ມີບັນຍາດຟົດຟຶ້ນ ກວ້າງຂວາງ ແລະ ເລິກເຊິ່ງ.
ນອກນີ້, ຍັງຈະໄດ້ເຄື່ອນໄຫວເກັບກຳຂ່າວ, ບົດ ຂະບວນການດ້ານຕ່າງໆ ຢູ່ກອງບັນຊາການທະຫານແຂວງຜົ້ງສາລີ ແລະ ກອງພົນທີ 3 ລວມທັງບັນດາກົມກອງຂຶ້ນກັບຈຳນວນໜຶ່ງ ຕື່ມອີກ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
