POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 21 ມີນາ 2025

ກອງພັນໃຫຍ່ 661 ປາຖະກະຖາວັນສ້າງຕັ້ງພັກ ແລະ ວັນແມ່ຍິງສາກົນ
ເວລາອອກຂ່າວ: 2025-03-13 14:27:47 | ຜູ້ຂຽນ : admin2 | ຈຳນວນຄົນເຂົ້າຊົມ: 1348 | ຄວາມນິຍົມ:

ວັນທີ 13 ມີນາ 2025 ນີ້, ກອງພັນໃຫຍ່ 661 ໄດ້ຈັດພິທີປາຖະກະຖາວັນສ້າງຕັ້ງພັກປະຊາຊົນລາວ ຄົບຮອບ 70 ປີ (22/3/1955-22/3/2025) ແລະ ວັນແມ່ຍິງສາກົນ ຄົບຮອບ 115 ປີ (8/3/1910-8/3/2025), ໂດຍການເປັນປະທານຂອງ ສະຫາຍ ພັນເອກ ຄຳປານ ແພງພັນ ຫົວໜ້າການເມືອງ ກອງພັນໃຫຍ່ 661, ມີຄະນະພັກ-ຄະນະບັນຊາ ກອງພັນໃຫຍ່, ກອງພັນ, ກອງຮ້ອຍ ແລະ ພະນັກງານ-ນັກຮົບ ເຂົ້າຮ່ວມ. ສະຫາຍ ພັນໂທ ນາງ ລີວັນ ພົມມະໄຊ ຫົວໜ້າຂະແໜງ ສະຫະພັນແມ່ຍິງ ກອງພັນໃຫຍ່ 661 ໄດ້ເລົ່າຄືນມູນເຊື້ອປະຫວັດການກຳເນີດຂອງວັນແມ່ຍິງສາກົນ ເຊິ່ງໄດ້ຍົກໃຫ້ເຫັນຂະບວນການຕໍ່ສູ້ຂອງແມ່ຍິງ ໃນທົ່ວໂລກ ທີ່ທວງເອົາສິດສະເໝີພາບ ລະຫວ່າງຍິງ-ຊາຍ, ທວງເອົາຄ່າ ແຮງງານ ແລະ ໃຫ້ນາຍທຶນຫຼຸດຜ່ອນຊົ່ວໂມງເຮັດວຽກ ພ້ອມທັງ ທວງເອົານະໂຍບາຍຕໍ່ແມ່ຍິງ ໃນເວລາເຈັບປ່ວຍ, ຖືພາ, ເກີດລູກ ແລະ ອື່ນໆ. ຈາກນັ້ນ, ສະຫາຍ ພັນເອກ ຄຳປານ ແພງພັນ ກໍໄດ້ຍົກໃຫ້ເຫັນ ຂະບວນວິວັດແຫ່ງການກຳເນີດຂອງພັກປະຊາຊົນ ປະຕິວັດລາວ, 70 ປີ ແຫ່ງການຊີ້ນໍາ-ນໍາພາຂອງພັກປະຊາຊົນປະຕິວັດລາວ ແລະ ການເສີມຂະຫຍາຍມູນເຊື້ອຂອງພັກປະຊາຊົນ ປະຕິວັດລາວ ບໍ່ວ່າຈະເປັນໄລຍະຕໍ່ສູ້ກູ້ຊາດ, ກໍຄືນັບແຕ່ມື້ສ້າງຕັ້ງພັກ ໃນວັນທີ 22 ມີນາ 1955 ເປັນຕົ້ນມາ ພັກເຮົາໄດ້ມີການຊີ້ນໍາ-ນໍາພາ ເດັດດ່ຽວ, ມີວິທະຍາສາດ ແລະ ມີຄວາມສະຫຼາດສ່ອງໃສ ນໍາພາປວງຊົນລາວບັນດາເຜົ່າຜູ້ຮັກຊາດ ຕໍ່ສູ້ກັບອິດທິກຳລັງປໍລະປັກທີ່ໂຫດຮ້າຍປ່າເຖື່ອນ ແຕ່ດ້ວຍຄວາມສະຫຼາດສ່ອງໃສ ແລະ ມີໄຫວພິບ ຂອງພັກ ບວກກັບນໍ້າໃຈຮັກຊາດອັນດູດດື່ມ ບໍ່ຍອມຈໍານົນຕໍ່ສັດຕູຜູ້ຮຸກຮານຂອງຄົນລາວ ແລະ ການຊ່ວຍເຫຼືອຂອງເພື່ອນມິດສາກົນທີ່ກ້າວໜ້າ, ພັກປະຊາຊົນລາວ ໃນເມື່ອກ່ອນ ກໍຄືປັດຈຸບັນ ສາມາດນໍາພາປວງຊົນລາວ ປົດປ່ອຍຊາດ ແລະ ປະກາດເອກະລາດ ແລະ ອະທິປະໄຕ ຂອງຕົນຂຶ້ນໃນວັນທີ 2 ທັນວາ 1975 ຢ່າງສະຫງ່າຜ່າເຜີຍ, ພາຍຫຼັງປົດປ່ອຍຊາດ ພັກເຮົາກໍໄດ້ນໍາພາປວງຊົນລາວ ດໍາເນີນການປົວແປງ ບາດແຜສົງຄາມ ແລະ ປະຕິບັດໜ້າທີ່ສອງຍຸດທະສາດ ຄື: ປົກປັກຮັກສາ ແລະ ສ້າງສາພັດທະນາປະເທດຊາດ ໃຫ້ໝັ້ນຄົງ ແລະ ສີວິໄລ. ໃນພິທີ ໄດ້ຜ່ານຂໍ້ຕົກລົງ ກະຊວງປ້ອງກັນປະເທດ ວ່າດ້ວຍການມອບຫຼຽນໄຊພິລະອາດຫານ ແລະ ໃບຍ້ອງຍໍຜົນງານໃຫ້ກົມກອງລວມໝູ່ ແລະ ບຸກຄົນ ຢູ່ກອງພັນໃຫຍ່ 661 ທີ່ມີຜົນງານດີເດັ່ນໃນການເຄື່ອນໄຫວປ້ອງກັນ, ສະກັດກັ້ນ ແລະ ຄວບຄຸມ ການແຜ່ລະບາດ ຂອງພະຍາດໂຄວິດ-19 ຈໍານວນໜຶ່ງ ຕື່ມອີກ.

news to day and hot news