POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 21 ມີນາ 2025

ກອງປະຊຸມສະຫຼຸບຕີລາຄາ ຜົນການຈັດຕັ້ງປະຕິບັດວຽກງານຊາວໜຸ່ມ ໄລຍະ 5 ປີ
ເວລາອອກຂ່າວ: 2025-02-11 08:54:03 | ຜູ້ຂຽນ : admin1 | ຈຳນວນຄົນເຂົ້າຊົມ: 2055 | ຄວາມນິຍົມ:

ໃນວັນທີ 6 ກຸມພາ 2025 ນີ້, ກອງບັນຊາການທະຫານແຂວງຈຳປາສັກ ໄດ້ຈັດກອງປະຊຸມສະຫຼຸບຕີລາຄາຜົນການຈັດຕັ້ງປະຕິບັດວຽກງານຊາວໜຸ່ມໄລຍະ 5 ປີຜ່ານມາ ແລະ ວາງທິດທາງແຜນການໃນຊຸມປີຕໍ່ໜ້າ, ໂດຍການເປັນປະທານຂອງ ສະຫາຍ ສຸວັນນະລາດ ສີຫານຸນ ຮອງເລຂາຄະນະບໍລິຫານງານຊາວໜຸ່ມປະຊາຊົນ ປະຕິວັດລາວ ແຂວງຈຳປາສັກ, ມີ ສະຫາຍ ພັນໂທ ໄຊມຸງຄຸນ ນາຄຳ ຄະນະພັກກອງບັນຊາການ ຮອງຫົວໜ້າຫ້ອງການເມືອງ ກອງບັນຊາການທະຫານແຂວງຈຳປາສັກ, ມີຄະນະພັກ-ຄະນະບັນຊາ 5 ຫ້ອງ, ພະແນກການ, ກົມກອງອ້ອມຂ້າງ ຕະຫຼອດຮອດພະນັກງານ-ນັກຮົບ ເຂົ້າຮ່ວມ. ສະຫາຍ ຮ້ອຍເອກ ທະນົງສອນ ບໍລິລາດ ຮອງຫົວໜ້າພະແນກຊາວໜຸ່ມ ກອງບັນຊາການທະຫານແຂວງຈຳປາສັກ ໄດ້ຜ່ານບົດສະຫຼຸບວຽກງານຊາວໜຸ່ມທົ່ວກອງບັນຊາການທະຫານແຂວງ, ເຊິ່ງໄດ້ຍົກໃຫ້ເຫັນຜົນສຳເລັດການຈັດຕັ້ງປະຕິບັດໃນໄລຍະ 5 ປີ ຜ່ານມາ, ໂດຍພາຍໃຕ້ການນຳພາ-ຊີ້ນຳໂດຍກົງຮອບດ້ານຂອງຄະນະພັກ ກອງບັນຊາການທະຫານແຂວງ ກໍຄື ຄະນະພັກ-ຄະນະບັນຊາຫ້ອງການເມືອງ, ຄະນະບໍລິຫານງານຊາວໜຸ່ມແຂວງ, ໂດຍປິ່ນອ້ອມຕາມ 4 ໜ້າທີ່ໃຫຍ່ 26 ແຜນງານ ທີ່ຄະນະພັກກະຊວງປ້ອງກັນປະເທດວາງອອກ, ອົງການຈັດຕັ້ງຊາວໜຸ່ມໄດ້ຖືສຳຄັນວຽກງານ ສຶກສາອົບຮົມການເມືອງ-ນຳພາແນວຄິດໃຫ້ແກ່ພະນັກງານສະມາຊິກຊາວໜຸ່ມ-ໄວໜຸ່ມ, ຈັດຕັ້ງເຜີຍແຜ່ເຊື່ອມຊຶມບັນດາເອກະສານມູນເຊື້ອວັນສຳຄັນຂອງຊາດ, ຂອງພັກ, ນິຕິກຳ, ມະຕິ, ຄຳສັ່ງແນວທາງນະໂຍບາຍຂອງພັກ, ກົດໝາຍຂອງລັດ, ກົດລະບຽບຂອງຊາວໜຸ່ມ ແລະ ລັດທະທຳມະນູນ, ຂໍ້ກຳນົດ, ກົດລະບຽບ 7 ລະບອບ 18 ວຽກຂອງກອງທັບ, ເອົາໃຈໃສ່ເຄື່ອນໄຫວວຽກງານປ້ອງກັນຊາດ-ປ້ອງກັນຄວາມສະຫງົບ ເປັນເຈົ້າການຕ້ານ ແລະ ສະກັດກັ້ນບັນດາລ່ຽມລາຍຂອງພວກກຳລັງປໍລະປັກ, ເອົາໃຈໃສ່ຊຸກຍູ້ ແລະ ເຂົ້າຮ່ວມຂະບວນການອົບຮົມ-ຫັດແອບຮ່ຳຮຽນ ຕາມມະຕິ, ຄຳສັ່ງຂອງກະຊວງປ້ອງກັນປະເທດ, ຕາມແຜນການຂອງກອງບັນຊາການ ກໍຄືຫ້ອງເສນາທິການວາງອອກ, ເຄື່ອນໄຫວຂະບວນການອອກແຮງງານດ້ານຕ່າງໆໃນຂອບເຂດຄວາມຮັບຜິດຊອບ ແລະ ປະກອບສ່ວນຂະບວນການລວມຂອງແຂວງ. ຈາກນັ້ນ, ຍັງໄດ້ເຄື່ອນໄຫວດ້ານຂະບວນການກິລາສິລະປະ-ວັນນະຄະດີ, ດ້ານວຽກງານການຈັດຕັ້ງຊາວໜຸ່ມ, ທົ່ວກອງບັນຊາການທະຫານແຂວງຈຳປາສັກ ມີໜ່ວຍຊາວໜຸ່ມທັງໜົດ 60 ໜ່ວຍ, ມີ 7 ໜ່ວຍຮາກຖານ ມີສະມາຊິກຊາວໜຸ່ມທັງໜົດ 1.635 ສະຫາຍ, ປະເມີນຕີລາຄາປະເພດຂອງສະມາຊິກຊາວໜຸ່ມໃນ 5 ປີຜ່ານມາ ໄດ້ຮັບໃບຢັ້ງຢືນໜ່ວຍຊາວໜຸ່ມ 4 ບຸກ ລວມທັງໝົດ ມີ 123 ໜ່ວຍ, ມີສະມາຊິກຊາວໜຸ່ມປະເພດແຂງ ກວມເອົາ 90%, ສະມາຊິກຊາວໜຸ່ມໄດ້ຮັບການຍ້ອງຍໍຈາກອົງການ ການເມືອງ ຂັ້ນກອງບັນຊາການ ແລະ ຂັ້ນແຂວງ ຈຳນວນ 5.126 ໃບ, ໄດ້ຮັບຫຼຽນໄຊແຮງງານ, ຫຼຽນກາ ຈຳນວນ 157 ໜ່ວຍ, ທິດທາງແຜນການໃນຕໍ່ໜ້າຂອງວຽກງານຊາວໜຸ່ມທົ່ວທະຫານແຂວງຈຳປາສັກ ແມ່ນຈະໄດ້ສຸມໃສ່ເພີ່ມທະວີໂຄສະນາສຶກສາອົບຮົມການເມືອງ-ນຳພາແນວຄິດ ເຮັດໃຫ້ຊາວໜຸ່ມ-ໄວໜຸ່ມ ເຊື່ອມຊຶມ, ກຳແໜ້ນ ແລະ ເຂົ້າໃຈ ເພື່ອປະຕິບັດແນວທາງນະໂຍບາຍຂອງພັກ, ກົດໝາຍຂອງລັດ ແລະ ບັນດາມະຕິ, ຄຳສັ່ງຂອງຄະນະພັກກໍຄື ຂໍ້ກຳນົດ, ກົດລະບຽບຂອງ ກອງທັບ, ສືບຕໍ່ຊຸກຍູ້ບັນດາຂະບວນການແຂ່ງຂັນຕ່າງໆໃນກຳລັງຊາວໜຸ່ມໃຫ້ມີບັນຍາກາດ ຟົດຟື້ນແຂງແຮງ ແລະ ຕໍ່ເນື່ອງໃຫ້ກາຍເປັນກຳລັງຫຼັກແຫຼ່ງໃນການປະຕິບັດຂະບວນການແຂ່ງຂັນຮັກຊາດ ແລະ ພັດທະນາ, ຕິດພັນກັບການກໍ່ສ້າງໜ່ວຍພັກປອດໃສ ເຂັ້ມແຂງ ແລະ ໜັກແໜ້ນ, ຂະບວນການກໍ່ສ້າງກົມກອງວັດທະນະທຳ-ນັກຮົບວັດທະນະທຳ, ຂະບວນການກໍ່ສ້າງກົມກອງປອດໃສ ປອດໄພ ປອດຄະດີ ແລະ ມີນ້ຳໃຈປະຕິວັດມີຄວາມຮູ້, ຄວາມສາມາດ, ມີຫົວຄິດປະດິດສ້າງ ແລະ ມີແບບແຜນວິທີເຮັດວຽກທີ່ທັນສະໄໝຂຶ້ນເທື່ອລະກ້າວ.

news to day and hot news