ວັນສຸກ, ວັນທີ 21 ມີນາ 2025
ເປິດຊຸດອົບຮົມຫັດແອບການເມືອງ-ການທະຫານ ໃຫ້ກອງຫຼອນກອງຮ້ອຍ 1 ຈຸດສຸ່ມພັດທະນາຜາສັງ
ເວລາອອກຂ່າວ: 2025-02-11 08:49:45 | ຜູ້ຂຽນ : admin1 | ຈຳນວນຄົນເຂົ້າຊົມ: 2078 | ຄວາມນິຍົມ: 
ໃນວັນທີ 4 ກຸມພາ 2025, ຢູ່ທີ່ກອງບັນຊາການທະຫານເມືອງເຟືອງ ແຂວງວຽງຈັນ ໄດ້ເປີດຊຸດອົບຮົມ-ຫັດແອບ ການ ເມືອງ-ການທະຫານ ໃຫ້ກຳລັງກອງຫຼອນກອງຮ້ອຍ 1 ຈຸດສຸມພັດທະນາຜາສັງ, ໂດຍການເປັນປະທານຂອງ ສະຫາຍ ພັນໂທ ດົ່ວລໍ່ ຈົ່ງເຕັງເຈ້ຍຊ້າ ຫົວໜ້າການທະຫານກອງບັນຊາການທະຫານເມືອງເຟືອງ, ມີສະຫາຍ ດຣ ແສງທະວີ ນາດທະນົງສີ ຮອງຫົວໜ້າຈຸດສຸມພັດທະນາຜາ ສັງ, ຄະນະພັກ-ຄະນະບັນຊາ, ຄະນະຊີ້ນຳ, ອຳນາດການປົກ ຄອງບ້ານ, ແຂກທີ່ຖືກເຊີນ ພ້ອມດ້ວຍ ກຳລັງກອງຫຼອນ ເຂົ້າຮ່ວມ.
ສະຫາຍ ພັນຕີ ບູນນີ ໄຊນະວັດ ຫົວໜ້າພະແນກເສນາ ກອງບັນຊາການທະຫານເມືອງເຟືອງ ແຂວງວຽງຈັນ ໄດ້ຜ່ານຂໍ້ຕົກລົງ ວ່າດ້ວຍການອະນຸມັດໃຫ້ກອງບັນຊາການທະຫານເມືອງເຟືອງ ເປີດບັ້ນເຝິກອົບຮົມ-ຫັດແອບ ການເມືອງ-ການທະຫານ ໃຫ້ກຳລັງກອງຫຼອນກອງຮ້ອຍ 1 ຈຸດສຸມພັດທະນາຜາສັງ ແລະ ຜ່ານແຜນການອົບຮົມ-ຫັດແອບ ເຊິ່ງເນື້ອໃນອົບຮົມ ແບ່ງອອກເປັນ 2
ພາກຄື: ພາກການເມືອງ ແລະ ພາກການທະຫານ; ພາກການ ເມືອງ ຈະໄດ້ຮຽນຮູ້ກ່ຽວກັບ ເອກະສານຕ້ານກົນອຸບາຍຫັນ ປ່ຽນໂດຍສັນຕິຂອງສັດຕູ, ເອກະ ສານມູນເຊື້ອຂອງກອງທັບປະຊາ ຊົນລາວ, ການກຳນົດຄຸ້ມຄອງອາ
ວຸດລູກກະສຸນ, ທີ່ຕັ້ງພາລະບົດ ບາດ, ສິດໜ້າທີ່ຂອງກອງຫຼອນ, ພາກການທະຫານ ຮຽນກ່ຽວກັບລະບຽບ, ສິລະປະຍຸດ-ຍຸດທະວິທີ ລະບຽບບຸກຄົນເຄື່ອນທີ່-ຄົງທີ່, ລະບຽບຮູບແຖວ, ການອົບຮົມຄັ້ງນີ້ຈະໄດ້ດຳເນີນເປັນເວລາ 8 ວັນຈຶ່ງຈະສຳເລັດ.
ທັງນີ້, ເພື່ອເປັນການຍົກລະດັບຄວາມຮູ້, ຄວາມສາມາດໃຫ້ກຳລັງກອງຫຼອນທົ່ວ ເຂດຈຸດສຸມພັດທະນາຜາສັງ ໃຫ້ກຳໄດ້ເນື້ອໃນທິດສະດີຫຼັກການ ດ້ານຕ່າງໆ, ທັງເປັນການຍົກລະດັບຄວາມຮູ້, ຄວາມສາມາດດ້ານສິ ລະປະຍຸດ-ຍຸດທະວິທີ, ລະບຽບວິໄນ ໃຫ້ມີຄວາມຊຳນານ ຄ່ອງແຄ້ວ ເພື່ອກຽມພ້ອມເຮັດສຳເລັດໜ້າທີ່ ທີ່ໄດ້ຮັບມອບໝາຍ ກໍຄືການປະກອບສ່ວນເຂົ້າໃນວຽກງານປ້ອງກັນຊາດ-ປ້ອງກັນຄວາມສະຫງົບ ຕາມຂອບເຂດຮັບຜິດຊອບຂອງຕົນ ໃຫ້ມີຄວາມສະຫງົບປອດໄພໂດຍພື້ນຖານ.
ໂດຍ: ວັນນະເລດ ລໍວັນໄຊ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
