ວັນຈັນ, ວັນທີ 17 ກຸມພາ 2025
3 ໜ່ວຍພັກ ຫ້ອງການບໍລິຫານ ທະຫານແຂວງໄຊຍະບູລີ ດຳເນີນກອງປະຊຸມໃຫຍ່ ຄັ້ງທີ I
ເວລາອອກຂ່າວ: 2025-01-15 08:58:01 | ຜູ້ຂຽນ : admin1 | ຈຳນວນຄົນເຂົ້າຊົມ: 478 | ຄວາມນິຍົມ: 
ໃນລະຫວ່າງວັນທີ 7-8 ມັງ ກອນ 2025, 3 ໜ່ວຍພັກທີ່ຂຶ້ນກັບຄະນະພັກຮາກຖານຫ້ອງ ການບໍລິຫານ ກອງບັນຊາການທະຫານແຂວງໄຊຍະບູລີ ໄດ້ດຳເນີນກອງປະຊຸມໃຫຍ່ສະມາ ຊິກພັກ ຄັ້ງທີ I, ໂດຍການເປັນປະທານຂອງ ສະຫາຍ ພັນໂທ ສົມໝາຍ ລິນທະວົງ ຮອງເລຂາຄະນະພັກຮາກຖານ ຫ້ອງການບໍລິຫານ ກອງບັນຊາການທະ ຫານແຂວງໄຊຍະບູລີ, ມີສະຫາຍ ພັນໂທ ປອ ພູເຂົາຄຳ ທິແກ້ວ ກຳມະການຄະນະພັກຮາກຖານ ຫ້ອງການບໍລິຫານ ກອງບັນຊາການທະຫານແຂວງໄຊຍະບູລີ, ຄະນະໜ່ວຍພັກ ຕະຫຼອດຮອດ ສະມາຊິກພັກ ເຂົ້າຮ່ວມ.
ໃນກອງປະຊຸມ ເລຂາໜ່ວຍພັກແຕ່ລະໜ່ວຍ ໄດ້ຜ່ານບົດລາຍງານການເມືອງທັງສອງພາກ ໂດຍໄດ້ຍົກໃຫ້ເຫັນຜົນງານຫຼາຍດ້ານທີ່ຕັ້ງໜ້າ ເປັນຕົ້ນແມ່ນການນຳພາ-ຊີ້ນຳຂອງຄະນະໜ່ວຍ ພັກຕໍ່ພະນັກງານສະມາຊິກພັກ,ນັກຮົບ ເຄື່ອນໄຫວເຮັດໜ້າທີ່ຕາມພາລະບົດບາດທີ່ໄດ້ຮັບມອບໝາຍ ໂດຍໄດ້ຖືເອົາວຽກງານສຶກສາອົບຮົມການເມືອງ-ນຳພາແນວຄິດໃຫ້ພະນັກງານສະມາຊິກພັກ, ນັກຮົບແຕ່ລະສະຫາຍໄດ້ເຊື່ອມຊຶມກຳແໜ້ນຕໍ່ບັນດາແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ຂໍ້ກຳນົດ, ກົດລະບຽບຂອງກອງທັບຢ່າງເຂັ້ມງວດ. ໂດຍສັງລວມແລ້ວໃນໄລຍະ 5 ປີຜ່ານມາແຕ່ລະໜ່ວຍພັກລ້ວນແລ້ວແຕ່ໄດ້ເພີ່ມທະວີຄວາມຮັບຜິດຊອບຂອງຕົນຕໍ່ການເຄື່ອນໄຫວເຮັດໜ້າທີ່ວຽກງານປັບປຸງກໍ່ສ້າງສະມາຊິກພັກ, ໜ່ວຍພັກໃຫ້ມີຄວາມເຂັ້ມແຂງ ໜັກແໜ້ນ, ປັບ ປຸງກໍ່ສ້າງກົມກອງໃຫ້ມີໃບໜ້າອັນໃໝ່ ໂດຍສະເພາະແມ່ນການປູກຝັງ-ລ້ຽງສັດ ແລະ ອື່ນໆ. ຈາກຜົນງານດັ່ງກ່າວຈຶ່ງສາມາດຕີລາຄາແບ່ງປະເພດສະມາຊິກພັກແຕ່ລະໜ່ວຍພັກໄດ້ປະເພດແຂງ ກວມເອົາ 100%. ໃນກອງ ປະຊຸມທັງ 3 ໜ່ວຍພັກ ຍັງໄດ້ພ້ອມກັນໃຊ້ສິດປ່ອນບັດຄັດເລືອກເອົາຄະນະໜ່ວຍພັກຊຸດໃໝ່ໄດ້ຕາມລະດັບຄາດໝາຍ.
ໂດຍ: ໄຊຍະສັກ ມະນີວັນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
