POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 17 ກຸມພາ 2025

ຫ້ອງເສນາທິການ ທະຫານແຂວງໄຊສົມບູນ ຍາດໄດ້ຜົນງານຫຼາຍດ້ານ
ເວລາອອກຂ່າວ: 2025-01-13 09:08:48 | ຜູ້ຂຽນ : admin1 | ຈຳນວນຄົນເຂົ້າຊົມ: 646 | ຄວາມນິຍົມ:

ສະຫາຍ ພັນໂທ ປອ ສະເຫຼີມ ໄຊສົມພອນ ຫົວໜ້າຫ້ອງເສນາທິການກອງບັນຊາການທະຫານແຂວງໄຊສົມບູນ ໄດ້ຍົກໃຫ້ເຫັນຜົນງານຫຼາຍດ້ານທີ່ກົມກອງຍາດມາໄດ້ຕໍ່ກອງປະຊຸມສະຫຼຸບວຽກງານຮອບດ້ານຂອງຫ້ອງເສນາທິການ ປະຈຳປີ 2024 ແລະ ທິດທາງ ປະຈຳປີ 2025 ວ່າ: ຄະນະພັກ-ຄະນະຫ້ອງເສນາທິການໄດ້ສຸມໃສ່ວຽກງານສຶກສາອົບຮົບການເມືອງ-ນຳພາແນວຄິດຕິດພັນກັບວຽກງານຮັບປະກັນ ເຮັດໃຫ້ສະພາບມີຄວາມສະຫງົບ ຫັນລົງກໍ່ສ້າງຮາກຖານການເມືອງພັດທະນາຊົນນະບົດຮອບດ້ານ ຕາມ 4 ເນື້ອໃນ 4 ຄາດໝາຍ, ສຸມໃສ່ສ້າງທ່າສະໜາມສົງຄາມປະຊາຊົນ 3 ຂັ້ນ, ປັບປຸງຕາໜ່າງປ້ອງກັນຊາດຢູູ່ຂັ້ນຮາກຖານ ໃຫ້ມີຄວາມໜັກແໜ້ນ ເຂັ້ມແຂງ ໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານ ທີ່ຄະນະພັກກະຊວງປ້ອງກັນປະເທດວາງອອກ, ໄປພ້ອມກັບການນຳເອົາແນວທາງມະຕິຄຳສັ່ງຕ່າງໆຂອງຂັ້ນເທິງມາຈັດຕັ້ງໂຄສະນາເຜີຍແຜ່ ເຮັດໃຫ້ພະນັກງານ-ນັກຮົບ, ອຳນາດການປົກຄອງທ້ອງຖິ່ນ ແລະ ພໍ່ແມ່ປະຊາຊົນ ໄດ້ຮັບຮູ້ ແລະ ເຂົ້າໃຈແຈ້ງ ຕໍ່ແນວທາງດັ່ງກ່າວພ້ອມທັງມີຄວາມເຊື່ອໝັ້ນຕໍ່ການນຳພາຂອງພັກ, ເຄົາລົບລະບຽບກົດໝາຍຂອງລັດ, ມີສະຕິຕໍ່ການຈັດຕັ້ງ, ເປັນເຈົ້າການປະຕິບັດບັນດາຂໍ້ກຳນົດ 7 ລະບອກ 18 ວຽກຂອງກອງທັບວາງອອກຢ່າງເຂັ້ມງວດ ໃນນັ້ນ, ໄດ້ເປັນເຈົ້າການວຽກງານແກ້ໄຂເຮັດໃຫ້ສະພາບມີຄວາມສະຫງົບ ໄດ້ສົມທົບພາກສ່ວນທີ່ກ່ຽວຂ້ອງ ຫັນເອົາພະນັກງານລົງກໍ່ສ້າງຮາກຖານການເມືອງພັດທະນາຊົນນະບົດຮອບດ້ານຢ່າງແຂງແຮງ ເປັນຕົ້ນແມ່ນ ສຸມໃສ່ແຜນການສ້າງບ້ານປ້ອງກັນຊາດເຂັ້ມແຂງ ແລະ ສ້າງບ້ານປ້ອມໝັ້ນ, ກຸ່ມບ້ານສູ້ຮົບຕິດລຽນ ໃຫ້ບັນລຸຄາດໝາຍທີ່ວາງໄວ້. ວຽກງານອົບຮົມ-ຫັດແອບ ໄດ້ນຳພາອົງການ 5 ຫ້ອງຈັດຕັ້ງປະຕິບັດອົບຮົມ-ຫັດແອບ ຕາມແຜນການຂອງກອງບັນຊາການທະຫານແຂວງໄຊສົມບູນກຳນົດ ພ້ອມທັງລົງຊຸກຍູ້-ຊີ້ນຳບັນດາກົມກອງຮາກຖານຂຶ້ນກັບເປີດ-ປິດບັ້ນອົບຮົມ-ຫັດແອບປະຈຳປີ 2024 ໃຫ້ສຳເລັດຕາມແຜນການ, ວຽກງານກໍ່ສ້າງພັກ-ພະນັກງານ, ວຽກງານອົງ ການຈັດຕັ້ງມະຫາຊົນ ແລະ ວຽກງານນະໂຍບາຍອື່ນໆ ກໍໄດ້ເອົາໃຈໃສ່ເຄື່ອນໄຫວຢ່າງຕັ້ງ ໜ້າ ໃນການປະຕິບັດນະໂຍບາຍຕໍ່ພະນັກງານ-ນັກຮົບໃນກົມກອງພ້ອມທັງສະເໜີຍ້ອງຍໍ, ການເລື່ອນຊັ້ນ, ເລື່ອນທຽບຊັ້ນ, ການລາພັກປິ່ນປົວສຸຂະພາບ, ການສ້າງຄອບຄົວໃໝ່, ຊ່ວຍເຫຼືອຄອບ ຄົວພະນັກງານເສຍຊີວິດ ແລະ ອື່ນໆ ນອກຈາກນີ້, ກໍເອົາໃຈໃສ່ຊີ້ນຳວຽກງານຮັບປະກັນດ້ານພະລາທິການເພື່ອແກ້ໄຂຊີວິດ ການເປັນຢູ່ຂອງກົມກອງຢ່າງແຂງແຮງ ເຊິ່ງສະແດງອອກໃນໄລຍະ 1 ປີຜ່ານມາ ຫ້ອງເສນາທິການກອງບັນຊາການທະຫານແຂວງສາມາດສ້າງລາຍຮັບເຂົ້າຄັງລວມຂອງຫ້ອງຈາກການປູກ ຝັງ-ລ້ຽງສັດ ແລະ ບໍລິການອື່ນໆ ໄດ້ທັງໝົດ 58.447.000 ກີບ. ສະຫາຍ ພັນໂທ ປອ ສະເຫຼີມ ໄຊສົມພອນ ຍັງກ່າວຕື່ມອີກວ່າ: ໃນຕໍ່ໜ້າແມ່ນຈະໄດ້ສຸມໃສ່ວຽກງານແກ້ໄຂເຮັດໃຫ້ສະພາບມີຄວາມສະຫງົບ ຕິດພັນກັບວຽກງານສຶກສາອົບຮົມການເມືອງ-ນຳພາແນວຄິດໃຫ້ມີຄວາມໜັກແໜ້ນ ຮັບປະກັນເຮັດໃຫ້ກົມກອງມີຄວາມສະຫງົບໂດຍພື້ນຖານ, ເອົາໃຈໃສ່ຊີ້ນຳຄະນະພັກ-ຄະນະບັນຊາແຕ່ລະຂັ້ນ, ພະແນກການ ຕະຫຼອດຮອດພະນັກງານ-ນັກ ຮົບຕ້ອງເປັນເຈົ້າການເກັບກຳ ສະພາບໃນຂອບເຂດທີ່ຕົນຮັບ ຜິດຊອບໃຫ້ສະພາບມີຄວາມສະ ຫງົບ, ຕ້ານ ແລະ ສະກັດກັ້ນບັນຫາປະກົດການຫຍໍ້ທໍ້ຕ່າງໆ ທີ່ອາດຈະເກີດຂຶ້ນໃຫ້ທັນເວລາ, ຍົກສູງວຽກງານອົບຮົມ-ຫັດແອບເປັນພື້ນຖານສຳຄັນ, ວຽກງານກໍ່ສ້າງພັກ-ພະນັກງານ ຕິດພັນກັບການກໍ່ສ້າງ ໜ່ວຍພັກປອດໃສ ເຂັ້ມແຂງ ໜັກແໜ້ນ, ປັບປຸງແບບແຜນວິທີເຮັດວຽກທີ່ມີລັກສະນະວິທະຍາສາດນຳໜ້າ ບົນພື້ນຖານປະຕິບັດຕາມຫຼັກການລວມສູນປະຊາທິປະໄຕເຮັດວຽກເປັນໝູ່ຄະນະ ເພື່ອພ້ອມກັນເຮັດສຳເລັດໜ້າທີ່ການເມືອງທີ່ການຈັດຕັ້ງຂັ້ນເທິງມອບໝາຍໃຫ້. ບົດ: ວັນນາ ເອື້ອນຸສາ ພາບ: ສົດ ນາມໄຕ

news to day and hot news