ວັນອາທິດ, ວັນທີ 01 ທັນວາ 2024
ມອບ - ຮັບ ໜ້າທີ່ ລະຫວ່າງຫົວໜ້າການທະຫານ ກອງພົນທີ1 ຜູ້ເກົ່າ ແລະ ຜູ້ໃໝ່
ເວລາອອກຂ່າວ: 2024-11-29 13:05:02 | ຜູ້ຂຽນ : admin2 | ຈຳນວນຄົນເຂົ້າຊົມ: 615 | ຄວາມນິຍົມ: 
ໃນວັນທີ 28 ພະຈິກ 2024 ນີ້, ກອງພົນທີ1 ໄດ້ຈັດພິທີມອບ- ຮັບໜ້າທີ່ ລະຫວ່າງ ສະຫາຍ ພົນຈັດຕະວາ ອຸ່ນຈັນ ແດງວັນສົມ ຫົວໜ້າການທະຫານ ກອງພົນທີ1 (ຜູ້ເກົ່າ) ທີ່ ພັກຜ່ອນຮັບບໍານານ ແລະ ສະຫາຍ ພັນເອກ ຄໍາຊາວ ລິນທະກຸນແກ້ວ ຮັກສາການຫົວໜ້າການທະຫານ ກອງພົນທີ1 (ຜູ້ໃໝ່), ໂດຍການເປັນປະທານ ຂອງ ສະຫາຍ ພົນຈັດຕະວາ ວົງຈັນ ພັນຈັນທະມານ ຫົວໜ້າການເມືອງ ກອງພົນທີ 1, ມີຄະນະພັກ-ຄະນະບັນຊາ, ອົງການ 05 ຫ້ອງ, ພະແນກການທີ່ກ່ຽວຂ້ອງ, ຄະນະພັກ-ຄະນະບັນຊາ ກອງພັນໃຫຍ່ທີ່ຂຶ້ນກັບ ເຂົ້າຮ່ວມ.
ສະຫາຍ ພົນຈັດຕະວາ ອຸ່ນຈັນ ແດງວັນສົມ ຫົວໜ້າການທະຫານ ຜູ້ເກົ່າ ໄດ້ຍົກໃຫ້ເຫັນ ຜ່ານການຈັດຕັ້ງພາລະບົດບາດ, ສິດ ແລະ ໜ້າທີ່ໃນໄລຍະຜ່ານມາ ເຊິ່ງໄດ້ຕັ້ງໜ້າທຸ່ມເທເຫື່ອແຮງ, ສະຕິປັນຍາ, ຄວາມຮູ້, ຄວາມສາມາດຂອງຕົນປະກອບສ່ວນເຂົ້າໃນໜ້າທີ່ວຽກງານ ດ້ວຍຄວາມຮັບຜິດຊອບສູງ ເປັນຕົ້ນແມ່ນ:ໄດ້ຊີ້ນໍາ ພະນັກງານ-ນັກຮົບຮ່ວມແຮງຮ່ວມໃຈ ພ້ອມກັນປັບປຸງກໍ່ສ້າງກົມກອງ ແລະ ຈັດຕັ້ງປະຕິບັດບັນດາໜ້າວຽກທີ່ໄດ້ຮັບ ການມອບໝາຍຈາກຂັ້ນເທິງດ້ວຍດີຕະຫຼອດມາ, ນັ້ນແມ່ນໝາກຜົນລວມຍອດດ້ານວຽກງານການທະຫານ ອັນໄດ້ເຮັດໃຫ້ ຂອບເຂດຮັບຜິດຊອບມີຄວາມສະຫງົບໂດຍພື້ນຖານ. ພ້ອມນີ້ ສະຫາຍ ກໍ່ໄດ້ຜ່ານບົດລາຍງານ ໜ້າວຽກໃນຄວາມຮັບຜິດຊອບຕົວຈິງຂອງຕົນໃນໄລຍະຜ່ານມາ ແລະ ວຽກທີ່ຈະຕ້ອງສືບຕໍ່ປະຕິບັດໃນຕໍ່ໜ້ານັບທັງສາຍພັກ ແລະ ສາຍລັດ ເພື່ອໃຫ້ ຮັກສາການຫົວໜ້າການທະຫານ ຜູ້ ໃໝ່ ເປັນຜູ້ສືບຕໍ່ນໍາພາຈັດຕັ້ງປະຕິບັດໃນຕໍ່ໜ້າ, ຈາກນັ້ນ, ກໍ່ໄດ້ເຊັນບົດບັນທຶກມອບ - ຮັບໜ້າທີ່ ລະຫວ່າງ ສະຫາຍ ພົນຈັດຕະວາ ອຸ່ນຈັນ ແດງວັນສົມ ຫົວໜ້າການທະຫານກອງພົນທີ 1 ແລະ ສະຫາຍ ພັນເອກ ຄໍາຊາວ ລິນທະກຸນແກ້ວ ຮັກສາການຫົວໜ້າການທະຫານກອງພົນທີ 1 ຢ່າງເປັນທາງການ.
ພາບ ແລະ ຂ່າວໂດຍ: ຊັນໂດ ລາດຊະພູມີ.
ກວດແກ້: ໂກຮັງ: ພັນທະວົງ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
