POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອາທິດ, ວັນທີ 01 ທັນວາ 2024

ໂຮງຮຽນທິດສະດີການເມືອງກອງທັບປິດຊຸດອົບຮົມບໍາລຸງວຽກງານກວດກາ ແລະ ວຽກງານໄອຍະການທະຫານ ໄລຍະສັ້ນ
ເວລາອອກຂ່າວ: 2024-11-29 12:57:33 | ຜູ້ຂຽນ : admin2 | ຈຳນວນຄົນເຂົ້າຊົມ: 533 | ຄວາມນິຍົມ:

ໃນວັນທີ 29 ພະຈິກ 2024 ນີ້, ຢູ່ໂຮງຮຽນທິດສະດີການເມືອງກອງທັບ ໄດ້ປິດຊຸດອົບຮົມບໍາລຸງວຽກງານກວດກາ ແລະ ວຽກງານໄອຍະການທະຫານ ໄລຍະສັ້ນ ປະຈໍາສົກປີ 2024-2025. ໂດຍການເປັນປະທານຂອງ ສະຫາຍ ພົນຈັດຕະວາ ວົງສອນ ອິນປານພິມ ຮອງຫົວໜ້າກົມໃຫ່ຍການເມືອງກອງທັບ, ມີ ສະຫາຍ ພົນຈັດຕະວາ ຮສ ປອ ຄຳຜາຍ ສະພັງເໜືອ ຫົວໜ້າການເມືອງໂຮງຮຽນທິດສະດີການເມືອງກອງທັບ, ຜູ້ຕາງໜ້າຈາກກົມພະນັກງານ, ກົມຈັດຕັ້ງພັກ, ກົມກວດກາ, ອົງການໄອຍະການທະຫານຂັ້ນສູງ, ຄະນະພັກ-ຄະນະອໍານວຍການ, ຄູ-ອາຈານ, ພະນັກງານ, ຕະຫຼອດຮອດນັກສຶກສາບຳລຸງ ເຂົ້າຮ່ວມ ສະຫາຍ ພັນໂທ ສຸກ ອິນທະມູນ ຮອງຫົວໜ້າການທະຫານ, ຫົວໜ້າຫ້ອງອົບຮົມ-ກໍ່ສ້າງໂຮງຮຽນທິດສະດີການເມືອງກອງທັບ ໄດ້ຜ່ານບົດລາຍງາຍຜົນສໍາເລັດຂອງການເຝິກອົບຮົມວຽກງານກວດກາ ແລະ ວຽກງານໄອຍະການທະຫານ ໄລຍະ 3 ເດືອນຜ່ານມາ ເຊິ່ງໄດ້ໃຫ້ຮູ້ວ່າ: ການບຳລຸງ ວຽກງານກວດກາ ແລະ ວຽກງານໄອຍາການທະຫານ ແມ່ນ ເພື່ອຍົກລະດັບຄວາມຮັບຮູ້ເຂົ້າໃຈ ໃຫ້ພະນັກງານທີ່ເຂົ້າມາອົບຮົມບຳລຸງ ກໍໄດ້ພື້ນຖານທົດສະດີ ທາງດ້ານການເມືອງ, ທິດສະດີຫຼັກການ ຂອງວຽກງານກວດກາ ແລະ ວຽກງານໄອຍາການທະ ຫານ ເພື່ອຍົກລະດັບໃຫພະນັກງານວິຊາການ ມີແນວຄິດການເມືອງໜັກແໜ້ນ ແລະ ມີຄວາມຮູ້ , ຄວາມສາມາດ ທາງດ້ານວິຊາສະເພາະ ຢ່າງເລິກເຊິ່ງ ຮູ້ໝູນໃຊ້ທິດສະດີເຂົ້າໃນວຽກງານຕົວຈິງ ຢ່າງມີຫົວຄິດປະດິດສ້າງ ຜ່ານໄລຍະການເຝິກອົບຮົມຕົວຈິງ ເຫັນວ່າຄູ-ອາຈານແຕ່ລະສະຫາຍແມ່ນໄດ້ເອົາໃຈໃສ່ຝ່າຍທອດຄວາມຄວາມສາມາດຕາມລະບົບຂອງການຮຽນ-ການສອນ, ສ່ວນນັກສຶກສາແຕ່ລະສະຫາຍ ນັກສຶກສາທຸກສະຫາຍໄດ້ຕັ້ງໃຈຄົ້ນຄວ້າຮໍ່າຮຽນຢ່າງຕັ້ງໜ້າ, ເປັນລະບົບ, ສາມາດຮັບ ຮູ້ ແລະ ເຂົ້າໃຈຢ່າງເລິກເຊິ່ງຕໍ່ກັບບົດຮຽນ, ເປັນຕົ້ນແມ່ນທາງດ້ານພື້ນຖານທິດສະດີ, ຫຼັກການ ວິຊາສະເພາະ ເພື່ອເປັນພື້ນຖານໃຫ້ແກ່ການຄົ້ນຄວ້າຮໍ່າຮຽນ ການເຄື່ອນໄຫວນໍາພາ, ຄຸ້ມຄອງ ແລະ ແກ້ໄຂບັນດາບັນຫາ, ກຳແໜ້ນບາດກ້າວດໍາເນີນວຽກງານກວດກາ, ວຽກງານໄອຍາການ ເພື່ອນໍາໄປໝູນໃຊ້ເຂົ້າໃນໜ້າທີ່ວຽກງານ ຢູ່ກົມກອງຕົວຈິງ, ຜ່ານການກວດກາຕົວຈິງຂອງ 2 ວຽກງານສາມາດສະຫຼຸບຕິລາຄາໄດ້ຄື: ໄດ້ເກຣດ A ຈໍານວນ 11 ສະຫາຍ,ໄດ້ເກຣດ B+ ຈໍານວນ 40 ສະຫາຍ ແລະ ເກຣດ B ຈໍານວນ 9 ສະຫາຍ. ພ້ອມດຽວກັນນີ້ກໍ້ໄດ້ຈັດຕັງພິທີມອບໃບຢັ້ງຢືມໃຫ້ນັກເຝິກອົບຮົມທັງ 2 ວຽກຢ່າງສົມກຽດ. ໂອກາດດຽວກັນນີ້ ສະຫາຍ ພົນຈັດຕະວາ ວົງສອນ ອິນປານພິມ ກໍໄດ້ເນັ້ນໜັກໃຫ້ໍແຕ່ລະພາກສ່ວນ ເພີ່ມທະວີການສຶກສາອົບຮົມການເມືອງ-ນໍາພາແນວຄິດໃຫ້ພະນັກງານ-ນັກຮົບ ມີຄວາມຮັບຜິດຊອບສູງຕໍ່ໜ້າທີ່ການເມືອງຂອງຕົນ, ເພີ່ມທະວີການນໍາພາ, ຄຸ້ມຄອງທຸກຂະແໜງການທີ່ພົວພັນເຖິງວຽກງານອົບຮົມ-ກໍ່ສ້າງ ເພື່ອເຮັດໃຫ້ວຽກງານອົບຮົມດໍາເນີນໄປຕາມລະບຽບການ, ປັບປຸງບັນດາເອກະສານຮັບໃຊ້ການຮຽນ-ການສອນ ໃຫ້ເປັນລະບົບຄົບຊຸດ, ມີເນື້ອໃນຄົບຖ້ວນ. ສ່ວນນັກສຶກສາພາຍຫຼັງກັບຄືນກົມກອງ ຕ້ອງສືບຕໍ່ຄົ້ນຄວ້າຮໍ່າຮຽນ ແລະ ນໍາເອົາທິດສະດີ, ຫຼັກການ, ບັນດາບົດຮຽນທີ່ໄດ້ຮຽນມາໄປຈັດຕັ້ງຜັນຂະຫຍາຍເຂົ້າໃນວຽກງານຕົວຈິງຂອງຕົນ ແລະ ກົມກອງໃຫ້ເກີດດອກອອກຜົນ, ເອົາໃຈໃສໃນການຝຶກຝົນຫຼໍ່ຫຼອມຕົນເອງປະກອບສ່ວນເຂົ້າໃນວຽກງານການປັບປຸງກົມກອງໃຫ້ມີໃບໜ້າອັນ ໃໝ່ ແລະ ມີຄວາມເຂັ້ມແຂງໜັກແໜ້ນໃນທຸກດ້ານ.

news to day and hot news