POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 02 ທັນວາ 2024

ຄະນະກຳມະບານ ກອງທັບປະຊາຊົນລາວ ສໍາເລັດການເຝິກອົບຮົມວຽກງານວິຊາສະເພາະ ຢູ່ ສສ ຫວຽດນາມ.
ເວລາອອກຂ່າວ: 2024-11-29 12:56:02 | ຜູ້ຂຽນ : admin2 | ຈຳນວນຄົນເຂົ້າຊົມ: 349 | ຄວາມນິຍົມ:

ພິທີປິດຊຸດອົບຮົມວຽກງານກຳມະບານໃຫ້ແກ່ພະນັກງານ, ສະມາຊິກຳມະບານກອງທັບປະຊາຊົນລາວ ໄດ້ຈັດຂຶ້ນໃນວັນທີ 27 ພະຈິກ 2024 ຢູ່ທີ່ສູນ 871 ກົມໃຫຍ່ການເມືອງກອງທັບປະຊາຊົນຫວຽດນາມ. ໂດຍການເຂົ້າຮ່ວມຂອງ ສະຫາຍ ພັນເອກ ພິເສດ ຫງຽນດິງດຶກ ຄະນະປະທານບໍລິຫານງານສະຫະພັນໃຫຍ່ແຮງງານຫວຽດນາມ, ຫົວໜ້າພະແນກກຳມະບານປ້ອງກັນຊາດກອງທັບປະຊາຊົນຫວຽດນາມ, ມີສະຫາຍ ພັນເອກ ພິເສດ ວູ໋ກວັກຮຸຍ ຮອງຫົວໜ້າສູນ 871 ແລະ ສະຫາຍ ພັນເອກ ບຸນຄ່ອງ ອຸດທະຈັນດີ ຫົວໜ້າຫ້ອງການກຳມະບານກອງທັບ, ຫົວໜ້າຄະນະກຳມະບານກອງທັບປະຊາຊົນລາວ, ພ້ອມດ້ວຍ ພະນັກງານ, ຄູ-ອາຈານ, ນັກເຝິກອົບຮົມ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ. ສະຫາຍ ພັນເອກ ພິເສດ ຫງຽນດິງດຶກ ໄດ້ສະຫຼຸບຕີລາຄາຄືນເຖິງຜົນສໍາເລັດໃນຫຼາຍດ້ານທີ່ພົ້ນເດັ່ນ ຂອງຄະນະຮັບຊອບການເຝິກອົບຮົມ, ພະນັກງານ, ຄູ-ອາຈານ ແລະ ນັກເຝິກອົບຮົມທີ່ຍາດມາໄດ້ ໃນຕະຫຼອດໄລຍະຂອງການເຄື່ອນໄຫວຈັດຕັ້ງປະຕິບັດແຜນການເຝິກອົບຮົມໃນໄລຍະ 1 ເດືອນຜ່ານມາ ເຮັດໃຫ້ບັ້ນເຝິກອົບຮົມໃນຄັ້ງນີ້ ມີຜົນສໍາເລັດຢ່າງຈົບງາມ, ຜ່ານການແລກປ່ຽນບົດຮຽນ ເຊິ່ງກັນ ແລະ ກັນ ເຮັດໃຫ້ນັກເຝິກອົບຮົມມີຄວາມຮັບຮູ້ ແລະ ເຂົ້າໃຈຕື່ມກ່ຽວກັບວຽກງານກຳມະບານໂດຍສະເພາະແມ່ນວຽກງານປົກປ້ອງຄວາມປອດໄພແຮງານ, ວຽກງານໂຄສະນາສຶກສາອົບຮົມໃຫ້ແກ່ສະມາຊິກຳມະບານ, ກໍາມະກອນ, ວຽກງານຂະບວນການກຳມະບານ, ວຽກງານການເງິນ. ນອກຈາກນີ້ສູນ 871 ສົມທົບກັບພະແນກກຳມະບານປ້ອງກັນຊາດກອງທັບປະຊາຊົນຫວຽດນາມໄດ້ສ້າງແຜນການ ແລະ ເອື້ຍອໍານວຍຄວາມສະດວກໃຫ້ຄະນະນັກເຝິກອົບຮົມໄດ້ເຄື່ອນໄຫວຕາມແຜນການ ເປັນຕົ້ນແມ່ນການໄປເຄື່ອນໄຫວພົບປະແລກປ່ຽນບົດຮຽນວຽກງານຕົວຈິງຢູ່ບັນດາກົມກອງ ແລະ ໄປທັດສະນະສຶກສາຢູ່ສະຖານທີ່ສໍາຄັນຕ່າງໆ. ໃນຕອນທ້າຍ ສະຫາຍ ພັນເອກ ບຸນຄ່ອງ ອຸດທະຈັນດີ ໄດ້ມີຄໍາເຫັນວ່າ: ໃນຕະຫຼອດໄລຍະເວລາຂອງການເຝິກອົບຮົມແມ່ນເຕັມໄປດ້ວຍຄວາມສາມັກຄີຮັກແພງອັນດູດດື່ມ, ພະນັກງານ, ຄູ-ອາຈານ, ນັກເຝິກອົບຮົມ ໄດ້ຈິງໃຈແລກປ່ຽນບົດຮຽນ, ປະສົບການກັບຄູ-ອາຈານຊືງຊ່ວຍເຮັດໃຫ້ນັກເຝິກອົບຮົມມີຄວາມເຂົ້າໃຈ ແລະ ກຳໄດ້ແໜ້ນເຖິງບັນດາເນື້ອໃນບົດຮຽນວຽກງານກຳມະບານທີ່ສຳຄັນເພື່ອນຳໄປໝູນໃຊ້ກັບສະພາບຕົວຈິງໃນແຕ່ລະກົມກອງ ຈາກນັ້ນໃນພິທີຍັງໄດ້ມອບໃບຢັ້ງຢືນໃຫ້ນັກເຝິກອົບຮົມວຽກງານກຳມະບານ ຈໍານວນ 20 ສະຫາຍ ແລະ ຄະນະນັກເຝິກອົບຮົມກໍ່ມອບຂອງທີ່ລະນຶກໃຫ້ ສູນ 871 ເພື່ອເປັນການຮັດ ແໜ້ນຄວາມສາມັກຄີຮັກແພງ ເຊິ່ງກັນ ແລະ ກັນໃຫ້ແໜ້ນແຟ້ນຍິ່ງຂຶ້ນ.

news to day and hot news