ວັນຈັນ, ວັນທີ 02 ທັນວາ 2024
ສະຫະພັນນັກຮົບເກົ່າກອງພົນ 968 ແຂວງກ໋ວາງຈິ ຢ້ຽມຢາມ ແລະ ອວຍພອນ ກອງພົນທີ 4
ເວລາອອກຂ່າວ: 2024-11-29 11:12:56 | ຜູ້ຂຽນ : admin2 | ຈຳນວນຄົນເຂົ້າຊົມ: 262 | ຄວາມນິຍົມ: 
ໃນວັນທີ 27 ພະຈິກ 2024 ນີ້, ສະຫາຍ ພັນໂທ ດິງແທັງນຽນ ຫົວໜ້າພະແນກປະສານງານສະຫະພັນນັກຮົບເກົ່າ ກອງພົນ 968 ແຂວງກວາງຈິ ກອງທັບປະຊາຊົນຫວຽດນາມ, ພ້ອມດ້ວຍຄະນະ ໄດ້ເຂົ້າຢ້ຽມຢາມ ແລະ ນຳເອົາຮູບພາບທີ່ລະນຶກເຂົ້າອວຍພອນ ສະຫາຍ ພົນຈັດຕະວາ ສົມຈິດ ກິດຕິຍະລາດ ຫົວໜ້າການເມືອງກອງພົນທີ 4 ພ້ອມດ້ວຍຄະນະ ເນື່ອງໃນໂອກາດວັນຊາດ ສປປ ລາວ ຄົບຮອບ 49 ປີ, ທີ່ໜູນວຽນມາບັນຈົບຄົບຮອບອືກວາລະໜຶ່ງ.
ໂອກາດດັ່ງກ່າວ ສະຫາຍ ພັນໂທ ດິງແທັງນຽນ ໄດ້ຕ່າງໜ້າໃຫ້ຄະນະກ່າວສະແດງຄວາມຮູ້ບຸນຄຸນຢ່າງສູງ ແລະ ຝາກຄວາມຢ້ຽມຢາມຖາມຂ່າວ, ຄໍາອວຍພອນໄຊອັນປະເສີດມາຍັງສະຫາຍໃນຄະນະພັກ-ຄະນະບັນຊາ ຕະຫຼອດພະນັກງານຫຼັກແຫຼ່ງໃນທົ່ວກອງພົນ ພ້ອມທັງກ່າວສະແດງຄວາມປີຕິຊົມຊື່ນ ແລະ ພາກພູມໃຈເປັນຢ່າງຍິ່ງໃນຕະຫຼອດໄລຍະ 49 ປີຜ່ານມາ, ພາຍໃຕ້ການນຳພາອັນສະຫຼາດສ່ອງໃສຂອງພັກປະຊາຊົນປະຕິວັດລາວ ດ້ວຍຈິດໃຈຮັກຊາດອັນດູດດື່ມ ແລະ ມູນເຊື້ອອັນພິລະອາດຫານຂອງກຳລັງປະກອບອາວຸດກໍ່ຄືປະຊາຊົນຊົນລາວບັນດາເຜົ່າໄດ້ຜ່ານຄວາມຫຍຸ້ງຍາກ, ສິ່ງທ້າທາຍ ແລະ ການທົດສອບນາໆປະການຈົນສາມາດຍາດເອົາເອກະລາດແຫ່ງຊາດ ແລະ ກ້າວໄປເຖິງການທ້ອນໂຮມປະເທດຊາດໃຫ້ເປັນເອກະພາບຢ່າງສົມບູນ ໄປຄວບຄູ່ກັບການເສີມຂະຫຍາຍສາຍພົວພັນມິດຕະພາບທີ່ຍິ່ງໃຫຍ່, ຄວມສາມະຄີແບບພິເສດ ແລະ ການຮ່ວມມືຮອບດ້ານລະຫວ່າງສອງຊາດ, ສອງພັກ, ສອງລັດ ແລະ ສອງກອງທັບກໍ່ຄືປະຊາຊົນສອງຊາດລາວ-ຫວຽດນາມ ໄດ້ເພິ່ມທະວີເພິ່ມພູນຄູນສ້າງ, ເສີມຂະຫຍາຍເຂົ້າສູ່ລວງເລິກໃຫ້ນັບມື້ເປັນແກ່ນສານແໜ້ນແຟ້ນຂື້ນກວ່າເກົ່າ, ເວົ້າລວມ, ເວົ້າສະເພາະກໍ່ຄືກອງພົນທະຫານຮາບທີ 4 ກັບ ສະຫະພັນນັກຮົບເກົ່າ ກອງພົນ 968 ແຂວາງກວາງຈິ, ກອງທັບປະຊາຊົນຫວຽດນາມ ໃຫ້ຂຽວສົດງົດງາມຕະຫຼອດໄປ.
ໂອກາດນີ້, ສະຫາຍ ພົນຈັດຕະວາ ສົມຈິດ ກິດຕິຍະລາດ ກໍ່ໄດ້ສະແດງຄວາມຂອບອົກຂອບໃຈອັນລົ້ນເຫຼືອມາຍັງສະຫະພັນນັກຮົບເກົ່າ ກອງພົນ 968 ແຂວາງກ໋ວາງຈິ, ກອງທັບປະຊາຊົນຫວຽດນາມ ພ້ອມດ້ວຍຄະນະ ທີ່ເຫັນໄດ້ເຖິງຄວາມໝາຍຄວາມສຳຄັນຂອງວັນຊາດ ສປປ ລາວຄົບຮອບ 49 ປີ ແລະ ພ້ອມທັງນຳເອົາຄຳອວຍພອນໄຊອັນປະເສີດມາອວຍພອນໃນຄັ້ງນີ້ ພ້ອມທັງອວຍພອນໃຫ້ສາຍພົວພັນມິດຕະພາບ, ຄວາມສາມະຄີແບບພິເສດ ແລະ ການຮ່ວມມືໃນທຸກດ້ານລະຫວ່າງສອງກອງທັບລາວ-ຫວຽດນາມໃຫ້ຈະເລີນງອກງາມ ແລະ ໜັ້ນຄົງຄະນົງແກ່ນຈົນຊົ່ວກາລະນານ.
ຂ່າວ: ຮທ ໂພຄຳ ພອນປະເສີດ ກອງພົນທີ 4.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
