ວັນຈັນ, ວັນທີ 02 ທັນວາ 2024
ກອງບັນຊາການທະຫານຊາຍແດນ ແຂວງກ໋ວາງຈິ ສສ ຫວຽດນາມ ຢ້ຽມຢາມ ແລະ ອວຍພອນ ກອງພົນທີ 4
ເວລາອອກຂ່າວ: 2024-11-29 11:11:33 | ຜູ້ຂຽນ : admin2 | ຈຳນວນຄົນເຂົ້າຊົມ: 226 | ຄວາມນິຍົມ: 
ໃນວັນທີ 26 ພະຈິກ 2024 ນີ້, ສະຫາຍ ພັນເອກ ເຈິນຊວັນລ້ານ ຮອງຜູ້ບັນຊາການກອງບັນຊາການທະຫານຊາຍແດນ ແຂວງກ໋ວາງຈິ ສສ ຫວຽດ ພ້ອມດ້ວຍຄະນະ, ໄດ້ເຂົ້າຢ້ຽມຢາມ ແລະ ນຳເອົາຂອງຂັວນເຂົ້າອວຍພອນ ສະຫາຍ ພົນຈັດຕະວາ ສົມຈິດ ກິດຕິຍະລາດ ຫົວໜ້າການເມືອງ ກອງພົນທີ 4 ພ້ອມດ້ວຍຄະນະ. ເນື່ອງໃນໂອກາດວັນຊາດ ສປປ ລາວ ຄົບຮອບ 49 ປີ, ທີ່ໜູນວຽນມາບັນຈົບຄົບຮອບອີກວາລະໜຶ່ງ.
ໂອກາດດັ່ງກ່າວ ສະຫາຍ ພັນເອກ ເຈິນຊວັນລ້ານ ໄດ້ຕ່າງໜ້າໃຫ້ຄະນະກ່າວສະແດງຄວາມຮູ້ບຸນຄຸນ ຢ່າງສູງ ແລະ ຝາກຄວາມຢ້ຽມຢາມຖາມຂ່າວ, ຄໍາອວຍພອນໄຊອັນປະເສີດມາຍັງສະຫາຍໃນຄະນະພັກ-ຄະນະບັນຊາ ຕະຫຼອດພະນັກງານຫຼັກແຫຼ່ງໃນທົ່ວກອງພົນ ຈົ່ງມີສຸຂະພາບເຂັ້ມແຂງ, ມີຄວາມສຸກທັງຊິວິດສ່ວນຕົວ ແລະ ຄອບຄົວ, ພ້ອມກັນເຮັດສຳເລັດໃນໜ້າທີ່ການງານທຸກປະການ, ພ້ອມທັງກ່າວສະແດງຄວາມປີຕິຊົມຊື່ນ ແລະ ພາກພູມໃຈເປັນຢ່າງຍິ່ງໃນຕະຫຼອດໄລຍະ 49 ປີຜ່ານມາ, ພາຍໃຕ້ການນຳພາອັນສະຫຼາດສ່ອງໃສຂອງພັກປະຊາຊົນປະຕິວັດລາວ ດ້ວຍຈິດໃຈຮັກຊາດອັນດູດດີ່ມ ແລະ ມູນເຊື້ອອັນພິລະອາດຫານຂອງກຳລັງປະກອບອາວຸດກໍ່ຄືປະຊາຊົນຊົນລາວບັນດາເຜົ່າໄດ້ຜ່ານຄວາມຫຍຸ້ງຍາກ, ສິ່ງທ້າທາຍ ແລະ ບົດທົດສອບນາໆປະການຈົນສາມາດຍາດເອົາເອກະລາດແຫ່ງຊາດ ແລະ ກ່າວໄປເຖິງການທ້ອມໂຮມປະເທດຊາດໃຫ້ເປັນເອກະພາບຢ່າງສົມບູນ ເສີມຂະຫຍາຍສາຍພົວພັນມິດຕະພາບທີ່ຍິງໃຫຍ່, ຄວມສາມະຄີແບບພິເສດ ແລະ ການຮ່ວມມືຮອບດ້ານລະຫວ່າງສອງຊາດ, ສອງພັກ, ສອງລັດ ແລະ ສອງກອງທັບກໍ່ຄືປະຊາຊົນສອງຊາດລາວ-ຫວຽດນາມ ໄດ້ເພິ່ມທະວີເພິ່ມພູນຄູນສ້າງ, ເສີມຂະຫຍາຍເຂົ້າສູ່ລວງເລິກໃຫ້ນັບມື້ເປັນແກ່ນສານແໜ້ນແຟ້ນຂື້ນກວ່າເກົ່າ ແບບຫາໃສບໍ່ໄດ້ແລ້ວໃນໂລກ, ເວົ້າລວມ, ເວົ້າສະເພາະກໍ່ຄືກອງພົນທີ4 ກອງທັບປະຊາຊົນລາວ ກັບກອງບັນຊາການທະຫານຊາຍແດນແຂວາງກ໋ວາງຈິ ສສ ຫວຽດນາມ ໃຫ້ເພີ່ມທະວີສາຍພົວພັນຮັກແພງມິດຕະພາບແບບພິເສດ ແລະ ການຮ່ວມມືຮອບດ້ານໃຫ້ການອຸປະຖຳຊ່ວຍເຫຼືອເຊິ່ງກັນ ແລະ ກັນຕະຫຼອດໄປ.
ໂອກາດດຽວກັນນີ້ ສະຫາຍ ພົນຈັດຕະວາ ສົມຈິດ ກິດຕິຍະລາດ ຫົວໜ້າການເມືອງ ກອງພົນທີ 4 ໄດ້ສະແດງຄວາມຂອບໃຈຢ່າງເລິກເຊິ່ງມາຍັງການນໍາກອງບັນຊາການທະຫານຊາຍແດນ ແຂວາງກ໋ວາງຈິ ສສ ຫວຽດນາມ ພ້ອມດ້ວຍຄະນະ ທີ່ເຫັນໄດ້ເຖິງຄວາມໝາຍຄວາມສຳຄັນຂອງວັນຊາດ ສປປ ລາວຄົບຮອບ 49 ປີ ແລະ ພ້ອມທັງມາອວຍພອນໃຫ້ການນຳກອງບັນຊາການທະຫານແຂວາງກ໋ວາງຈິ ພ້ອມດ້ວຍຄະນະ ຈົ່ງມີແຕ່ຄວາມສຸກ, ມີສຸຂະພາບແຂງແຮງ, ທັງສ່ວນຕົວ ແລະ ຄອບຄົວເຮັດສຳເລັດໜ້າທີ ທີຂັ້ນເທິງມອບໝາຍໃຫ້, ຊີ້ນໍາ-ນໍາພາກົມກອງໃຫ້ມີບາດກ້າວຂະຫຍາຍຕົວຂື້ນເລື້ອຍໆ ພ້ອມທັງສືບຕໍ່ເສີມຂະຫຍາຍສາຍພົວພັນມິດຕະພາບ, ຄວາມສາມະຄີແບບພິເສດ ແລະ ການຮ່ວມມືໃນທຸກດ້ານໃຫ້ຈະເລີນງອກງາມ ແລະ ໜັ້ນຄົງຄະນົງແກ່ນຕະຫຼອດໄປ.
ຂ່າວ: ຮທ ໂພຄຳ ພອນປະເສີດ ກອງພົນທີ 4.
ພາບ: ຮທ ບົວຄຳ ມອງລັດສະໝີ ກອງພົນທີ 4
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
