ວັນຈັນ, ວັນທີ 02 ທັນວາ 2024
ກົມໃຫຍ່ການເມືອງກອງທັບ ເປີດອົບຮົມ-ຫັດແອບ ປະຈຳປີ 2024
ເວລາອອກຂ່າວ: 2024-11-28 14:40:18 | ຜູ້ຂຽນ : admin2 | ຈຳນວນຄົນເຂົ້າຊົມ: 827 | ຄວາມນິຍົມ: 
ວັນທີ 28 ພະຈິກ 2024 ນີ້, ກົມໃຫຍ່ການເມືອງກອງທັບ ໄດ້ເປີດອົບຮົມ-ຫັດແອບ ການທະຫານ-ການເມືອງ, ປັບປຸງລະບຽບແບບແຜນ, ເຝິກຝົນກຳລັງແຮງກາຍ, ກິລາ ແລະ ຍິງລູກເປົ້າໝາຍດ້ວຍປືນແທ້ ປະຈຳປີ 2024, ໂດຍການເປັນປະທານຂອງ ສະຫາຍ ພັນເອກ ໄມທອນ ແກ້ວລໍວັນເຮືອງ ຫົວໜ້າຫ້ອງການບໍລິຫານ ກົມໃຫຍ່ການເມືອງກອງທັບ, ມີຄະນະພັກ-ຄະນະບັນຊາ ບັນດາກົມ, ຫ້ອງການ, ກອງ ແລະ ພະນັກງານ-ນັກຮົບ ເຂົ້າຮ່ວມ.
ສະຫາຍ ພັນໂທ ສຸກສົມບັດ ລັດຖະຈັກ ຮອງຫົວໜ້າຫ້ອງການບໍລິຫານ ກົມໃຫຍ່ການເມືອງກອງທັບ ໄດ້ຜ່ານແຜນການອົບຮົມ-ຫັດແອບ ປະຈຳປີ 2024. ຈຸດປະສົງ, ເພື່ອຈັດຕັ້ງຜັນຂະຫຍາຍ ຄຳສັ່ງອົບຮົມ-ຫັດແອບ ປະຈຳປີ 2024 ຂອງກົມໃຫຍ່ເສນາທິການກອງທັບວາງອອກ ໃຫ້ມີຜົນສຳເລັດ, ນຳເອົາເນື້ອໃນຈິດໃຈຂອງຄຳສັ່ງ ໄປຈັດຕັ້ງປະຕິບັດຕົວຈິງຢູ່ກົມກອງຮາກຖານໃຫ້ຖືກຕ້ອງ, ຄົບຖ້ວນ ແລະ ມີຄຸນນະພາບ ເພື່ອຍົກລະດັບຄວາມຮູ້, ຄວາມສາມາດທາງດ້ານສິລະປະຍຸດ-ຍຸດທະວິທີໃຫ້ນາຍ ແລະ ພົນທະຫານ ມີຄວາມຊຳນິຊຳນານ, ມີພິກໄຫວຄ່ອງແຄ້ວ ເພື່ອຮັບປະກັນການກຽມພ້ອມສູ້ຮົບ ແລະ ສູ້ຮົບໃນທຸກເງື່ອນໄຂ. ສຳລັບເນື້ອໃນທີ່ນຳມາອົບຮົມ-ຫັດແອບ ມີ ພາກທິດສະດີການເມືອງ ຈະໄດ້ອົບຮົມ ກຽດສັກສີ ແລະ ຄວາມຮັບຜິດຊອບຂອງພະນັກງານ-ນັກຮົບ ໃນກອງທັບປະຊາຊົນລາວ, ບຳລຸງຄືນບັນດາຂໍ້ກຳນົດ, ກົດລະບຽບຕ່າງໆ ຂອງກອງທັບ ພ້ອມທັງປະຕິບັດໃຫ້ຖືກຕ້ອງ ແລະ ເຂັ້ມງວດ ເຊັ່ນ: ຂໍ້ກຳນົດ 7 ລະບອບ 18 ວຽກ, ຂໍ້ກຳນົດການນຸ່ງຖື ແລະ ເຄື່ອງປະດັບຂອງກອງທັບ, ອົບຮົມ ວຽກງານ 5 ເຕັກນິກການແພດ, ຫັດແອບລະບຽບຮູບແຖວມືເປົ່າຄົງທີ່-ເຄື່ອນທີ່, ຫັດແອບລະບຽບຮູບແຖວຂັ້ນໝູ່, ໝວດ, ກອງພັນ, ຫັດແອບຮູບແຖວເຄົາລົບທຸງຊາດ, ຫັດກາຍ 2 ບົດ 24 ຈັງຫວະ, ຫັດແອບຈັງຫວະເລັ່ງເປົ້າໝາຍ ແລະ ໝູນໃຊ້ທ່າຈັງຫວະ, ຫັດແອບວິທີຍິງປືນເຫຼັກສັ້ນ ແລະ ປືນເຫຼັກຍາວ. ກຳນົດເວລາອົບຮົມທັງໝົດ 13 ວັນ.
ໂດຍ: ນາງ ໜູແດງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
