ວັນຈັນ, ວັນທີ 02 ທັນວາ 2024
ປະກາດການແຕ່ງຕັ້ງສະພາວິທະຍາສາດ-ປະຫວັດສາດການທະຫານ ຂັ້ນຮາກຖານ
ເວລາອອກຂ່າວ: 2024-11-14 15:49:05 | ຜູ້ຂຽນ : admin2 | ຈຳນວນຄົນເຂົ້າຊົມ: 951 | ຄວາມນິຍົມ: 
ການປະກາດການແຕ່ງຕັ້ງສະພາວິທະຍາສາດ-ປະຫວັດສາດການທະຫານ ຂັ້ນຮາກຖານ ຢູ່ກອງບັນຊາການທະຫານແຂວງຊຽງຂວາງ ໄດ້ຈັດຂຶ້ນໃນວັນທີ 14 ພະຈິກ 2024 ນີ້, ໂດຍການເປັນປະທານຂອງ ສະຫາຍ ພົນຈັດຕະວາ ວຽງໄຊ ສົມວິຈິດ ຫົວໜ້າກົມວິທະຍາສາດ-ປະຫວັດສາດການທະຫານ, ມີ ສະຫາຍ ພັນເອກ ບຸນຊູ ໄຊລາສີ ຫົວໜ້າການທະຫານ ກອງບັນຊາການທະຫານແຂວງຊຽງຂວາງ, ມີບັນດາຄະນະພັກກອງບັນຊາການ, ຄະນະພັກ-ຄະນະບັນຊາອົງການ 5 ຫ້ອງ, ຫົວໜ້າພະແນກ, ຮອງພະແນກ ແລະ ຫົວໜ້າກອງຮ້ອຍ 157 ເຂົ້າຮ່ວມ.
ສະຫາຍ ພັນໂທ ອຸເທບ ພົມມະເທດ ຫົວໜ້າພະແນກການເມືອງ ກົມວິທະຍາສາດ-ປະຫວັດສາດການທະຫານ ໄດ້ຂຶ້ນຜ່ານຂໍ້ຕົກລົງວ່າດ້ວຍການແຕ່ງຕັ້ງສະພາວິທະຍາສາດ-ປະຫວັດສາດການທະຫານ ຂັ້ນຮາກຖານ ຢູ່ກອງບັນຊາການທະຫານແຂວງຊຽງຂວາງ,ໂດຍອີງຕາມກົດໝາຍນາຍທະຫານກອງທັບປະຊາຊົນລາວ ວ່າດ້ວຍການແຕ່ງຕັ້ງ, ຍົກຍ້າຍນາຍທະຫານ, ອີງຕາມທິດທາງກ່ຽວກັບການປັບປຸງບູລະນະກົງຈັກການຈັດຕັ້ງນຳພາ-ບັນຊາ ໃນກຳລັງປະກອບອາວຸດໃຫ້ເຂັ້ມແຂງ, ໜັກແໜ້ນຮອບດ້ານ ເພື່ອເຮັດສຳເລັດໜ້າທີ່ປົກປັກຮັກສາ ແລະ ພັດທະນາປະເທດຊາດ, ກະຊວງປ້ອງກັນປະເທດຕົກລົງ ແຕ່ງຕັ້ງ ສະຫາຍ ພັນເອກ ບຸນຊູ ໄຊລາສີ ຫົວໜ້າການທະຫານກອງບັນຊາການທະຫານແຂວງຊຽງຂວາງ ເປັນປະທານ, ສະຫາຍ ພັນເອກ ວົງສອນ ຢ່າຈົງຕົວ ຮອງຫົວໜ້າການເມືອງ ເປັນຮອງປະທານ, ສະຫາຍ ພັນໂທ ວິໄລເງິນ ສອນເພັດພະຈັນ ຫົວໜ້າພະແນກວິທະຍາສາດ-ປະຫວັດສາດການທະຫານ ເປັນຜູ້ປະຈຳການ, ພ້ອມນີ້ ກໍໄດ້ແຕ່ງຕັ້ງບັນດາສະຫາຍ ຮອງຫົວໜ້າການທະຫານ, ຮອງກອງບັນຊາການ, ຮອງຫົວໜ້າຫ້ອງ ແລະ ຫົວໜ້າພະແນກການທີ່ກ່ຽວຂ້ອງ ເປັນຄະນະ.
ໃນໂອກາດນີ້ ສະຫາຍ ພົນຈັດຕະວາ ວຽງໄຊ ສົມວິຈິດ ກໍໄດ້ເນັ້ນໜັກໃຫ້ບັນດາສະຫາຍທີ່ຖືກແຕ່ງຕັ້ງ ຈົ່ງພ້ອມກັນເປັນເຈົ້າການອົບຮົບການເມືອງ-ແນວຄິດໃຫ້ເລິກເຊິ່ງ, ມີສະຕິລະວັງຕົວຕໍ່ທຸກກົນອຸບາຍມ້າງເພທໍາລາຍຂອງອິດທິກໍາລັງປໍລະປັກ ແລະ ກຸ່ມຄົນບໍ່ຫວັງດີ, ຕັ້ງໜ້າປັບປຸງກໍ່ສ້າງກົມກອງ, ໃຫ້ມີຄວາມເຂັ້ມແຂງໜັກແໜ້ນຮອບດ້ານ, ຍົກສູງພາລະບົດບາດ, ສິດ ແລະ ໜ້າທີ່ ໃນການຊີ້ນໍານຳພາຂົງເຂດວຽກງານຮັບຜິດຊອບ, ເອົາໃຈໃສ່ສ້າງແບບແຜນວິທີເຮັດວຽກຕາມຫຼັກການລວມສູນປະຊາທິປະໄຕ, ແບບແຜນຊີ້ນໍາ-ນຳພາເປັນໝູ່ຄະນະ, ແບ່ງຄວາມຮັບຜິດຊອບໃນແຕ່ລະຂັ້ນໃຫ້ຈະແຈ້ງ, ມີຄວາມໜັກແໜ້ນທາງດ້ານການເມືອງ-ແນວຄິດ ແລະ ເຂັ້ມແຂງທາງດ້ານການຈັດຕັ້ງ, ຕັ້ງໜ້າເສີມຂະຫຍາຍບົດບາດການນໍາພາ, ແນວທາງແຜນນະໂຍບາຍຂອງພັກ-ລັດ ໃຫ້ກວ້າງຂວາງເລິກເຊິ່ງ, ປະຕິບັດບັນດາກົດລະບຽບຂອງພັກ, ກົດໝາຍຂອງລັດໃຫ້ເຂັ້ມງວດ, ເພີ່ມທະວີຄວາມສາມັກຄີພາຍໃນໃຫ້ເປັນປຶກແຜ່ນແໜ້ນໜາ ເພື່ອພ້ອມກັນສ້າງສາພັດທະນາກົມກອງ ໃຫ້ມີຄວາມເຕີບໃຫຍ່ຂະຫຍາຍຕົວຂຶ້ນເລື່ອຍໆ
ຂ່າວ: ສົມຮັກ ຈັນທະວົງສາ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
