POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 02 ທັນວາ 2024

ປະກາດການຮັບຮອງເອົາຄະນະບໍລິຫານງານພັກ ໂຮງຮຽນວັດທະນະທໍາຊົນເຜົ່າກອງທັບ ສະໄໝທີ I
ເວລາອອກຂ່າວ: 2024-11-14 15:36:14 | ຜູ້ຂຽນ : admin2 | ຈຳນວນຄົນເຂົ້າຊົມ: 964 | ຄວາມນິຍົມ:

ໃນວັນທີ 14 ພະຈິກ 2024 ນີ້, ຢູ່ທີ່ໂຮງຮຽນວັດທະນະທຳຊົນເຜົ່າກອງທັບ ໄດ້ຈັດຕັ້ງພິທີປະກາດການຮັບຮອງເອົາຄະນະບໍລິຫານງານພັກ ໂຮງຮຽນວັດທະນະທໍາຊົນເຜົ່າກອງທັບ ສະໄໝທີ I. ໂດຍການເປັນປະທານ ຂອງສະຫາຍ ພົນຈັດຕະວາ ພູມີ ດາລາເພັດ ກຳມະການຄະນະພັກ ກະຊວງປ້ອງກັນປະເທດ, ຮອງຫົວໜ້າກົມໃຫຍ່ການເມືອງກອງທັບ, ມີຜູ້ຕາງໜ້າຈາກກົມຈັດຕັ້ງພັກ, ຄະນະພັກ-ຄະນະອຳນວຍການໂຮງຮຽນວັດທະນະທຳຊົນເຜົ່າກອງທັບ, ຄະນະໜ່ວຍພັກຕະຫຼອດຮອດພະນັກງານຫຼັກແຫຼ່ງ ທົ່ວໂຮງຮຽນວັດທະນະທຳຊົນເຜົ່າກອງທັບ ເຂົ້າຮ່ວມ. ສະຫາຍ ພົນຈັດຕະວາ ຈັນທາ ບຸນນະວົງ ກໍາມະການຄະນະພັກກົມໃຫຍ່ ຫົວໜ້າກົມຈັດຕັ້ງພັກ ກົມໃຫຍ່ການເມືອງກອງທັບ ໄດ້ຜ່ານມະຕິຕົກລົງ ຂອງຄະນະພັກກະຊວງປ້ອງກັນປະເທດ ວ່າດ້ວຍການຮັບຮອງເອົາຄະນະບໍລິຫານງານພັກ ໂຮງຮຽນວັດທະນະທໍາຊົນເຜົ່າກອງທັບ ສະໄໝທີ I ໂດຍອີງຕາມກົດລະບຽບ ຂອງພັກປະຊາຊົນປະຕິວັດລາວ, ອີງຕາມ ຜົນສໍາເລັດກອງປະຊຸມໃຫຍ່ຜູ້ແທນສະມາຊິກພັກ ຄັ້ງວັນທີ 17 ຕຸລາ 2024 ເລືອກຕັ້ງເອົາຄະນະບໍລິຫານງານພັກ ໂຮງຮຽນວັດທະນະທໍາຊົນເຜົ່າກອງທັບ ສະໄໝທີ I. ອີງຕາມ ໜັງສືສະເໜີ ຂອງກົມໃຫຍ່ການເມືອງກອງທັບ ໄດ້ຮັບຮອງເອົາຄະນະບໍລິຫານງານພັກ ໂຮງຮຽນວັດທະນະທໍາຊົນເຜົ່າກອງທັບ ສະໄໝທີ I ຈຳນວນ 11 ສະຫາຍ ດັ່ງນີ້: ສະຫາຍ ພັນເອກ ປອ ສະແຫວງ ແດນນາມົນ ເປັນເລຂາຄະນະບໍລິຫານງານພັກ, ສະຫາຍ ພັນເອກ ເພັດສະໝອນ ວິລະວອນ ເປັນຮອງເລຂາຄະນະບໍລິຫານງານພັກ, ສະຫາຍ ພັນເອກ ສັງທອງ ສຸກສີສະຫວາດ ເປັນປະທານກວດກາ, ກໍາມະການຄະນະປະຈໍາພັກ, ສະຫາຍ ພັນເອກ ວັນໄຊ ວົງປັນຍາ, ສະຫາຍ ພັນໂທ ຄໍາສິງ ບຸດຈັນແພງ, ສະຫາຍ ພັນໂທ ວີຄໍາ ສັງໂຄມະລາດ, ສະຫາຍ ພັນໂທ ຄຳພູວິກ ດາລາເພັດ, ສະຫາຍ ພັນໂທ ປົວຄິດ ດາລາວົງ, ສະຫາຍ ພັນໂທ ມີໄຊ ວົງພະຈັນ, ສະຫາຍ ພັນຕີ ອຸໄລກອນ ກົມມະເມືອງ ແລະ ສະຫາຍ ພັນໂທ ແກ້ວມະນີ ພິມມະສອນ ເປັນກຳມະການຄະນະບໍລິຫານງານພັກ. ພ້ອມດຽວກັນນີ້, ຍັງໄດ້ປະກາດການຮັບຮອງເອົາປະທານ, ຮອງປະທານຄະນະກວດກາພັກ ໂຮງຮຽນວັດທະນະທຳຊົນເຜົ່າກອງທັບ ສະໄໝທີ I ດັ່ງນີ້: ສະຫາຍ ພັນເອກ ສັງທອງ ສຸກສີສະຫວາດ ເປັນປະທານຄະນະກວດກາພັກ, ສະຫາຍ ພັນຕີ ບົວລອຍ ພົມມະວົງສາ ແລະ ສະຫາຍ ພັນຕີ ບູລຽມ ຄໍາໄຊ ເປັນຮອງປະທານຄະນະກວດກາພັກ. ໂອກາດນີ້, ສະຫາຍ ພົນຈັດຕະວາ ພູມີ ດາລາເພັດ ໄດ້ມີຄໍາເຫັນໂອ້ລົມຫຼາຍບັນຫາສໍາຄັນ ພ້ອມທັງເນັ້ນໜັກໃຫ້ ຄະນະບໍລິຫານງານພັກ ຊຸດໃໝ່ ສືບຕໍ່ເຝິກຝົນຫຼໍ່ຫຼອມຕົນເອງຢ່າງຮອບດ້ານ, ເປັນແບບຢ່າງນໍາໜ້າໃຫ້ແກ່ມະຫາຊົນ, ມີຄວາມຈົງຮັກພັກດີ ແລະ ສັດຊື່ບໍລິສຸດ ຕໍ່ອຸດົມການຂອງພັກ, ຕໍ່ປະເທດຊາດ, ມີຄວາມສາມັກຄີຮັກແພງ, ຈິງໃຈຕໍ່ໝູ່ຄະນະ, ດໍາລົງຊີວິດປອດໃສຂາວສະອາດ, ຕັ້ງໜ້າຄົ້ນຄວ້າຮໍ່າຮຽນ, ຍົກລະດັບຄວາມຮູ້, ຄວາມສາມາດ ໃຫ້ສູງຂຶ້ນຢ່າງບໍ່ຢຸດຢັ້ງ, ຮັດແໜ້ນຄວາມສາມັກຄີເປັນເອກະພາບ ພາຍໃນຄະນະພັກ ກໍຄືພາຍໃນໂຮງຮຽນວັດທະນະທຳຊົນເຜົ່າກອງທັບ, ປະຕິບັດຫຼັກການລວມສູນ ປະຊາທິປະໄຕຂອງພັກ ພ້ອມກັນນໍາເອົາເນື້ອໃນຈິດໃຈມະຕິກອງປະຊຸມໃຫຍ່ຄັ້ງນີ້ ໄປຈັດຕັ້ງຜັນຂະຫຍາຍ ໃຫ້ປະກົດຜົນເປັນຈິງ ເພື່ອສ້າງໃຫ້ໄດ້ຜົນງານ ແລະ ໄຊຊະນະອັນໃໝ່ໃຫຍ່ຫຼວງກວ່າເກົ່າ ເພື່ອນຳພາ ໂຮງຮຽນວັດທະນະທໍາຊົນເຜົ່າກອງທັບ ໃຫ້ມີຄວາມກ້າວໜ້າຢ່າງບໍ່ຢຸດຢັ້ງ. ໂດຍ: ອາຫວຸ້ນ ອິນຫຼວງເຮືອງ

news to day and hot news