ວັນອາທິດ, ວັນທີ 01 ທັນວາ 2024
2 ບໍລິສັດເຂົ້າອອຍພອນ ແລະ ຊຸກຍູ້ວັດຖຸປັດໃຈໃຫ້ ກອງພົນທີ 4
ເວລາອອກຂ່າວ: 2024-11-14 10:48:24 | ຜູ້ຂຽນ : admin2 | ຈຳນວນຄົນເຂົ້າຊົມ: 586 | ຄວາມນິຍົມ: 
ເນື່ອງໃນໂອກາດວັນສ້າງຕັ້ງ ກອງພົນທີ 4 ຄົບຮອບ 42 ປີ, ໃນວັນທີ 14 ພະຈິກ 2024 ນີ້, ບໍລິສັດ ລັດວິສາຫະກິດກໍ່ສ້າງຂົວທາງ ແລະ ຕິດຕັ້ງໄຟຟ້າຄົບວົງຈອນ ໄຊສົມບູນ ຈຳກັດ ແລະ ບໍລິສັດຂົນສົ່ງສາຍສະໝອນ ແຂວງສະຫວັນນະເຂດ ໄດ້ອອຍພອນ ແລະ ນໍາເອົາວັດຖຸປັດໃຈ ຈຳນວນໜຶ່ງ ໄປມອບປະກອບສ່ວນຊຸກຍູ້ເຂົ້າໃນການສ້າງຂະບວນການສະເຫຼີມສະຫຼອງວັນສ້າງຕັ້ງກອງພົນທີ 4 ໂດຍເປັນກຽດກ່າວຮັບຂອງ ສະຫາຍ ພົນຈັດຕະວາ ຂັນທີ ສະໜາມອຸ່ນ ຫົວໜ້າການທະຫານ ກອງພົນທີ 4, ພ້ອມດ້ວຍຄະນະເຂົ້າຮ່ວມ.
ໃນໂອກາດດັ່ງກ່າວ, ສະຫາຍ ສາຍສະໝອນ ສິນນະສອນ ປະທານບໍລິສັດ ຂົນສົ່ງສາຍສະໝອນ ແຂວງສະຫວັນນະເຂດ ແລະ ຕາງໜ້າບໍລິສັດ ບໍລິສັດລັດວິສາຫະກິດກໍ່ສ້າງຂົວທາງ ແລະ ຕິດຕັ້ງໄຟຟ້າຄົບສົງຈອນ ໄຊສົມບູນ ຈຳກັດ ໄດ້ກ່າວສະແດງຄວາມຍ້ອງຍໍຊົມເຊີຍ ແລະ ຮູ້ບຸນຄຸນຢ່າງສູງຕໍ່ບັນດາຜົນງານທີ່ເຮັດສຳເລັດການເມືອງຂອງຕົນໃນໄລຍະຜ່ານມາ, ພ້ອມທັງໄດ້ມອບເງິນ ຈໍານວນ 10 ລ້ານກີບ ໃຫ້ແກ່ກົມກອງເພື່ອປະກອບເຂົ້າໃນວຽກລວມຂອງກົມກອງໃຫ້ເກີດປະໂຫຍດສຸງສູດ.
ສະຫາຍ ພົນຈັດຕະວາ ຂັນທີ ສະໜາມອຸ່ນ ຕາງໜ້າໃຫ້ຄະນະພັກ-ຄະນະບັນຊາກອງພົນ ໄດ້ກ່າວສະແດງຄວາມຂອບໃຈຕໍ່ທັງສອງບໍລິສັດ ທີ່ຍາມໃດເວລາໃດກໍ່ເຫັນໄດ້ເຖິງຄວາມໝາຍຄວາມສຳຄັນຂອງວຽກງານດັ່ງກ່າວ ພ້ອມທັງນຳເອົາວັດຖຸປັດໃຈ ມາປະກອບສ່ວນຊຸກຍູ້ເຂົ້າໃນວຽກງານລວມຂອງກອງພົນ ແລະ ຫວັງຢ່າງຍິ່ງວ່າໂອກາດໜ້າຈະໄດ້ຮັບການອຸ້ມຊູຊ່ວຍເຫຼືອໃນຄັ້ງຕໍ່ໜ້າ.
ໂດຍ: ໂພຄຳ ພອນປະເສີດ ກອງພົນທີ 4
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
