ວັນອາທິດ, ວັນທີ 01 ທັນວາ 2024
ກອງພັນໃຫຍ່ 11 ຕ້ອນຮັບການຢ້ຽມຢາມ ຂອງຄະນະ ຄອບຄົວນາຍທະຫານຂັ້ນສູງ ກອງທັບປະຊາຊົນຫວຽດນາມ
ເວລາອອກຂ່າວ: 2024-11-14 09:07:10 | ຜູ້ຂຽນ : admin1 | ຈຳນວນຄົນເຂົ້າຊົມ: 366 | ຄວາມນິຍົມ: 
ວັນທີ 12 ພະຈິກ 2024 ນີ້, ສະຫາຍ ພັນເອກ ພອນມີໄຊ ສີວົງຊຳ ເລຂາຄະນະພັກ, ຫົວໜ້າການເມືອງ ກອງພັນໃຫຍ່ 11 ພ້ອມດ້ວຍຄະນະ ໄດ້ຕ້ອນຮັບຄະນະຄອບຄົວນາຍທະຫານຂັ້ນສູງ ກອງທັບປະຊາຊົນຫວຽດນາມ ທີ່ເດີນທາງຢ້ຽມຢາມ ກອງພັນໃຫຍ່ 11 ນຳໂດຍສະຫາຍ ພັນເອກ ພິເສດ ຟາມຊວນຮຶງ ອະດີດຮອງຫົວໜ້າກອງບັນຊາການເຫຼົ່າຮົບເຄມີສາດ ກອງທັບປະຊາຊົນຫວຽດນາມ ພ້ອມດ້ວຍຄະນະ.
ໂອກາດນີ້, ສະຫາຍ ພັນເອກ ພອນມີໄຊ ສີວົງຊຳ ໄດ້ລາຍງານ
ສະພາບ, ຈຸດພິເສດ, ທີ່ຕັ້ງ, ພາລະບົດບາດໜ້າທີ່, ການເຕີບໃຫຍ່ຂະຫຍາຍຕົວ, ຜົນງານທີ່ສ້າງໄດ້ໃນໄລຍະຜ່ານມາ ໃຫ້ຄະນະໄດ້ຮັບຊາບ ພ້ອມທັງຕີລາ
ຄາສູງຕໍ່ສາຍພົວພັນ ລະຫວ່າງ ສອງຊາດ, ສອງກອງທັບ ເຊິ່ງມີຄວາມສາມັກຄີອັນພິເສດ ແລະ ການຮ່ວມມືຮອບດ້ານທີ່ມີມູນເຊື້ອໃນການຊ່ວຍເຫຼືອເຊິ່ງກັນ
ແລະ ກັນ ມາແຕ່ດົນນານ ໂດຍສະເພາະໃນໄລຍະການຕໍ່ສູ້ກູ້ຊາດຕ້ານພວກຈັກກະພັດທີ່ເຂົ້າມາຮຸກຮານ ສອງຊາດ ລາວ-ຫວຽດນາມ ໃນເມື່ອກ່ອນ ຜ່ານ
ມາສອງກອງທັບ ລາວ-ຫວຽດນາມ ໄດ້ຮ່ວມແຮງຮ່ວມໃຈກັນຕໍ່ສູ້ຕີສັດຕູໂຕດຽວກັນຢ່າງລະອິດລະອ້ຽວ ຈົນສາມາດຍາດເອົາໄຊຊະນະອັນຍິ່ງໃຫຍ່ ແລະ ຄວາມອຸດົມສົມບູນຄູນສຸກ ທັງສອງປະເທດຈົນເຖິງປັດຈຸບັນ.
ໂອກາດດັ່ງກ່າວ, ສະຫາຍ ພັນເອກ ພິເສດ ຟາມຊວນຮຶງ ໄດ້ຕາງໜ້າໃຫ້ຄະນະ ສະແດງຄວາມຂອບໃຈ ຄະນະພັກ-ຄະນະບັນຊາ ກອງພັນໃຫຍ່ 11 ທີ່ໄດ້ໃຫ້ການຕ້ອນຮັບຢ່າງອົບອຸ່ນ ພ້ອມທັງອວຍພອນໄຊອັນປະເສີດ ໃຫ້ຄະນະພັກ-ຄະນະບັນຊາ ຕະຫຼອດຮອດ ພະນັກງານ-ນັກຮົບ ທົ່ວກອງພັນໃຫຍ່ 11 ຈົ່ງມີສຸຂະພາບເຂັ້ມແຂງເຮັດສຳເລັດໜ້າທີ່ການເມືອງຂອງຕົນ ສືບຕໍ່ປົກປັກຮັກສາ ແລະ ເສີມຂະຫຍາຍ ຄວາມສາມັກຄີແບບພິເສດ, ການຮ່ວມມືຮອບດ້ານ ລະ
ຫວ່າງສອງຊາດ ລາວ-ຫວຽດນາມ, ຫວຽດນາມ-ລາວ ໃຫ້ໝັ້ນຄົງທະນົງແກ່ນຕະຫຼອດໄປ. ຈາກນັ້ນ, ໄດ້ມອບຂອງຂວັນຈຳນວນໜຶ່ງ ໃຫ້ເຊິ່ງກັນ ແລະ ກັນ ພ້ອມຖ່າຍຮູບຮ່ວມກັນ ເປັນທີ່ລະລຶກ ພ້ອມດຽວກັນນີ້, ກໍໄດ້ນຳພາຄະນະທ່ຽວຊົມຂອບເຂດເຕັກນິກ ກອງພັນ 705 ຕື່ມອີກ.
ໂດຍ: ອີນກອງ ສຸກໄຊຍະ + ວິລັດ ມົນດວງສິງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
