ວັນຈັນ, ວັນທີ 02 ທັນວາ 2024
ຮອງຫົວໜ້າຫ້ອງການເມືອງ ວພກ ເຄື່ອນໄຫວວຽກງານ ຢູ່ບ້ານອ່າງນ້ຳຫຸມ
ເວລາອອກຂ່າວ: 2024-11-14 09:00:07 | ຜູ້ຂຽນ : admin1 | ຈຳນວນຄົນເຂົ້າຊົມ: 351 | ຄວາມນິຍົມ: 
ໃນວັນທີ 8 ພະຈິກ 2024, ສະຫາຍ ພັນໂທ ອ້ອຍອາມິດ ສໍມີໄຊ ຮອງຫົວໜ້າຫ້ອງການເມືອງ ວິທະຍາຄານພະລາທິການກອງ ທັບ (ວພກ) ພ້ອມດ້ວຍຄະນະ ໄດ້ເຄື່ອນໄຫວວຽກງານ ຢູ່ຫ້ອງການປົກຄອງບ້ານອ່າງນ້ຳຫຸມ ເມືອງນາຊາຍທອງ ນະ ຄອນຫຼວງວຽງຈັນ ໂດຍມີອຳ ນາດການປົກຄອງທ້ອງຖິ່ນໃຫ້ ການຕ້ອນຮັບ.
ສະຫາຍ ພັນຕີ ອຳໄພ ພິມມະສີ ຊ່ວຍວຽກພະແນກກໍ່ສ້າງຮາກຖານ ຫ້ອງການເມືອງ ວພກ ໄດ້ກ່າວວ່າ: ເພື່ອປະຕິບັດຕາມທິດຊີ້ນຳ ຂອງເຈົ້າເມືອງ ເມືອງນາຊາຍທອງ ແລະ ຄະນະພັກ-ຄະນະອຳນວຍການ ວພກ ໃນການຫັນເອົາວຽກງານກໍ່ສ້າງຮາກຖານລົງສູ່ປະຊາຊົນ ໂດຍສະເພາະແມ່ນສ້າງບ້ານແຮກ ສ່ຽວ ຈຳນວນ 12 ບ້ານ ທີ່ຂຶ້ນກັບ ກຸ່ມ 4 ອີ່ໄລ ໃນນັ້ນ, ຫ້ອງການ ເມືອງ ວພກ ຮັບຜິດຊອບ 2 ບ້ານ: ບ້ານອ່າງນ້ຳຫຸມ ແລະ ບ້ານສີ ສະຫວາດ. ທັງສອງຝ່າຍໄດ້ລາຍ ງານສະພາບການເຄື່ອນໄຫວຈັດຕັ້ງປະຕິບັດວຽກງານໃນໄລຍະຜ່ານມາ, ເຊິ່ງມີຫຼາຍບັນຫາທີ່ຍັງຈະຕ້ອງຮ່ວມກັນແກ້ໄຂ ເປັນຕົ້ນແມ່ນກຸ່ມຄົນບໍ່ຫວັງດີ, ຂີ້ລັກງັດ ແງະ, ຄ້າຂາຍຢາເສບຕິດ, ຄ້າ ຂາຍເຖື່ອນທີ່ຜິດກົດໝາຍ, ໄພທຳມະຊາດ ແລະ ອື່ນໆ. ໂອກາດ ດຽວກັນນີ້, ທັງສອງຝ່າຍໄດ້ພ້ອມກັນລົງນາມບົດບັນທຶກຊ່ວຍຈຳຕາມແຜນທີ່ໄດ້ກຳນົດ ເພື່ອເຮັດໃຫ້ວຽກງານກໍ່ສ້າງຮາກຖານບ້ານແຮກສ່ຽວ ລົງເລິກສູ່ປະຊາຊົນ ໂດຍສະເພາະແມ່ນປະຕິບັດວຽກງານສາມສ້າງ ຂອງພັກ ແລະ ການສ້າງບ້ານປ້ອມໝັ້ນ, ກຸ່ມບ້ານສູ້ຮົບຕິດລຽນ ຕາມທິດນຳ ຂອງກະຊວງປ້ອງກັນປະເທດ.
ສະຫາຍ ພັນໂທ ອ້ອຍອາມິດ ສໍມີໄຊ ໄດ້ມີຄຳເຫັນເພີ່ມເຕີມບາງບັນຫາທີ່ຈະຕ້ອງໄດ້ພ້ອມກັນແກ້ໄຂໃນຕໍ່ໜ້າ ໂດຍສະເພາະແມ່ນວຽກງານປ້ອງກັນຊາດ-ປ້ອງກັນຄວາມສະຫງົບ ເພື່ອເຮັດໃຫ້ຂອບເຂດຮັບຜິດຊອບຂອງບ້ານ ກໍຄືຂອງ ວພກ ປາສະຈາກໄດ້ບັນດາປະກົດການຫຍໍ້ທໍ້ຕ່າງໆ, ກ້າວໄປສູ່ຄວາມສະຫງົບຮຽບຮ້ອຍທາງສັງຄົມ.
ໂດຍ: ສົມພອນ ນໍລະສິງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
