ວັນຈັນ, ວັນທີ 02 ທັນວາ 2024
ກອງຮ້ອຍ 15 ທະຫານແຂວງອຸດົມໄຊ ປິດຊຸດອົບຮົມ-ຫັດແອບ ປະຈຳປີ 2024
ເວລາອອກຂ່າວ: 2024-11-13 09:19:14 | ຜູ້ຂຽນ : admin1 | ຈຳນວນຄົນເຂົ້າຊົມ: 613 | ຄວາມນິຍົມ: 
ໃນວັນທີ 5 ພະຈິກ 2024 ນີ້, ກອງຮ້ອຍ 15 ທະຫານແຂວງອຸດົມໄຊ ໄດ້ປິດຊຸດອົບຮົມ-ຫັດແອບ ວຽກງານການເມືອງ, ການທະຫານ, ພະລາທິການ, ເຕັກນິກ ແລະ ວິຊາສະເພາະ ໂດຍການເປັນປະທານ ຂອງສະຫາຍ ພັນໂທ ບຸນທອງ ແກ້ວປັນຍາ ຮອງຫົວໜ້າຫ້ອງເສນາທິການ ກອງບັນຊາການທະຫານແຂວງ ອຸດົມໄຊ, ມີຜູ້ຕາງໜ້າພະແນກການທີ່ກ່ຽວຂ້ອງ, ຄະນະພັກ-ຄະນະບັນຊາ ຕະຫຼອດຮອດພະນັກງານ-ນັກຮົບ ເຂົ້າຮ່ວມ.
ສະຫາຍ ພັນຕີ ຄອມ ເຄືອງວິໄລ ຫົວໜ້າການທະຫານ ກອງຮ້ອຍ 15 ໄດ້ລາຍງານຜົນສຳເລັດຂອງການອົບຮົມ-ຫັດແອບ ວຽກງານການເມືອງ, ການທະຫານ, ພະລາທິການ, ເຕັກນິກ ແລະ ວິຊາສະເພາະ ປະຈຳປີ 2024 ຕະຫຼອດໄລຍະ 145 ວັນຜ່ານມາ, ເຊິ່ງມີຈຳນວນພົນເຂົ້າຮ່ວມອົບຮົມທັງໝົດ 53 ສະຫາຍ, ໃນໄລຍະການອົບຮົມ-ຫັດແອບ ເຫັນວ່າ: ຄະນະພັກ-ຄະນະບັນ ຊາໄດ້ເອົາໃຈໃສ່ຊຸກຍູ້, ຊີ້ນຳການເຝິກແອບຮໍ່າຮຽນຢ່າງໃກ້ ຊິດ, ຄູ-ອາຈານ ຕະ ຫຼອດຮອດພະນັກງານ-ນັກຮົບ ໄດ້ພ້ອມກັນອົດທົນຜ່ານຜ່າຄວາມຫຍຸ້ງຍາກດ້ານຕ່າງໆ, ເອົາໃຈໃສ່ເຝິກແອບຮໍ່າຮຽນຢ່າງຕັ້ງໜ້າ ແລະ ຮັກສາໄດ້ຄວາມສາມັກຄີຢ່າງແໜ້ນແຟ້ນ ເຮັດໃຫ້ບັ້ນອົບຮົມ-ຫັດແອບຄັ້ງນີ້ ບັນລຸໄດ້ຕາມແຜນ ການທີ່ວາງໄວ້. ຜ່ານການອົບ ຮົມ-ຫັດແອບຕົວຈິງ ຕີລາຄາຜົນໄດ້ຮັບຄື: ພາກການເມືອງ ຂັ້ນເກັ່ງ ມີ 26 ສະຫາຍ, ກາງ 11 ສະຫາຍ, ຄາດໝາຍ 13 ສະຫາຍ, ພາກສິລະປະຍຸດ ຂັ້ນເກັ່ງ ມີ 18 ສະຫາຍ, ກາງ 22 ສະຫາຍ, ຄາດໝາຍ 8 ສະຫາຍ, ພາກຍຸດທະວິທີ ຂັ້ນເກັ່ງ ມີ 17 ສະຫາຍ, ກາງ 22 ສະຫາຍ, ຄາດໝາຍ 10 ສະຫາຍ, ພາກພະລາທິການ ຂັ້ນເກັ່ງ ມີ 23 ສະຫາຍ, ກາງ 20 ສະຫາຍ, ຄາດໝາຍ 7 ສະຫາຍ, ພາກເຕັກນິກ ຂັ້ນເກັ່ງ 21 ສະຫາຍ, ກາງ 24 ສະຫາຍ, ຄາດໝາຍ 5 ສະຫາຍ, ພາກຄວາມຮູ້ທົ່ວໄປ ຂັ້ນເກັ່ງ ມີ 23 ສະຫາຍ, ກາງ 13 ສະຫາຍ, ຄາດໝາຍ 12 ສະ ຫາຍ ແລະ ຕີລາຄາຜົນໄດ້ຮັບລວມ ເທົ່າກັບ 94,85%.
ສະຫາຍ ພັນໂທ ບຸນທອງ ແກ້ວປັນຍາ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນສຳເລັດຂອງບັ້ນອົບຮົມ-ຫັດແອບຄັ້ງນີ້ ພ້ອມທັງ ເນັ້ນໜັກໃຫ້ຄະນະພັກ-ຄະນະບັນຊາ ຕະຫຼອດຮອດພະນັກງານ-ນັກຮົບ ກອງຮ້ອຍ 15 ຈົ່ງສືບຕໍ່ເອົາໃຈໃສ່ອົບຮົມ-ຫັດແອບ ເປັນ ວຽກງານສຳຄັນ ເພື່ອແນໃສ່ ເຮັດໃຫ້ພະນັກງານ-ນັກຮົບມີ ຄວາມຮູ້ ຄວາມສາມາດ, ມີຄວາມ ຊຳນານຄ່ອງແຄ່ວທາງດ້ານສິ ລະປະຍຸດ-ຍຸດທະວິທີ, ປະຕິບັດ ຂໍ້ກຳນົດ, ກົດລະບຽບຂອງກອງ ທັບ, ມະຕິ, ຄຳສັ່ງຂອງຂັ້ນເທິງໃຫ້ເຂັ້ມງວດ, ເອົາໃຈໃສ່ເຄື່ອນໄຫວປ້ອງກັນເວນຍາມຂອບເຂດກົມກອງຮັບຜິດຊອບໃຫ້ມີຄວາມສະຫງົບປອດໄພ, ເປັນເຈົ້າການຕ້ານ, ສະກັດກັ້ນ ແລະ ແກ້ໄຂບັນຫາປະກົດການຍໍ້ທໍ້ຕ່າງໆ ໃຫ້ທັນເວລາ ແລະ ພ້ອມກັນນຳເອົາເນື້ອໃນຈິດຂອງບັ້ນອົບຮົມ-ຫັດແອບຄັ້ງນີ້ ໄປຈັດຕັ້ງຜັນຂະຫຍາຍເຂົ້າສູ່ວຽກງານຕົວຈິງໃຫ້ມີປະສິດທິຜົນສູງ.
ໂດຍ: ສັນໂສພີ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
