POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 02 ທັນວາ 2024

ສ້າງເປັນຟາມລ້ຽງງົວຕົວແບບ ທີ່ທັນສະໄໝ ແລະ ມີຄຸນນະພາບ ເພື່ອສົ່ງເສີມໃຫ້ມີທ່າແຮງບົ່ມຊ້ອນ
ເວລາອອກຂ່າວ: 2024-11-11 09:03:16 | ຜູ້ຂຽນ : admin3 | ຈຳນວນຄົນເຂົ້າຊົມ: 112 | ຄວາມນິຍົມ:

ກົມຜະລິດ-ກະສິກຳ ກົມໃຫຍ່ພະລາທິການກອງທັບ, ບໍລິສັດ ສາງຈ່ຽງ ການລົງທຶນລາວ ຈຳກັດຜູ້ດຽວ ແລະ ບໍລິສັດ ຮ່ວມທຶນກະສິກຳຄົບວົງຈອນ ຈຳກັດ ໄດ້ເອົາໃຈໃສ່ສຸມທຸກສະຕິປັນຍາ, ເຫື່ອແຮງ, ຄວາມຮູ້ ຄວາມສາມາດ ເຂົ້າໃນວຽກງານການຜະລິດທີ່ຂັ້ນເທິງມອບໝາຍໃຫ້ມີໝາກຜົນສຳເລັດເປັນຢ່າງດີ ເພື່ອຮັບປະກັນໃຫ້ວຽກງານການສ້າງຟາມລ້ຽງງົວຕົວແບບໃຫ້ມີຄວາມທັນສະໄໝ ແລະ ໄດ້ຮັບປະສິດທິຜົນສູງ ແນໃສ່ຮັບປະກັນເປັນຟາມລ້ຽງງົວ ຕອບສະໜອງແນວພັນ ແລະ ສົ່ງອອກໃຫ້ແກ່ສັງຄົມ ແລະ ເປັນທີ່ຍອມຮັບຂອງສາກົນ. ທ່ານ ນາງ ຄອນສະຫວັນ ແສງວິໄລ ອຳນວຍການ ບໍລິສັດຮ່ວມທຶນກະສິກຳຄົບວົງຈອນ ຈຳກັດ ໄດ້ໃຫ້ຮູ້ວ່າ: ບໍລິສັດ ຮ່ວມທຶນກະສິກຳຄົບວົງຈອນ ຈຳກັດ ສ້າງຕັ້ງຂຶ້ນໃນປີ 2021, ບົນພື້ນຖານການຕົກລົງເຫັນດີ ລະຫວ່າງ ກົມຜະລິດ-ກະສິກຳ ກົມໃຫຍ່ພະລາທິການກອງທັບ ແລະ ບໍລິສັດ ສາງຈ່ຽງ ການລົງທຶນລາວ ຈຳກັດຜູ້ດຽວ. ພາຍໃຕ້ ຂອບການຮ່ວມທຶນລະຫວ່າງ ຝ່າຍກອງທັບ ແລະ ບໍລິສັດ ສາງຈ່ຽງ ການລົງທຶນລາວ ຈຳກັດຜູ້ດຽວ ເພື່ອດຳເນີນທຸລະກິດການຜະລິດງົວຂຸນສົ່ງອອກໄປ ສປ ຈີນ. ພາຍຫຼັງທີ່ໄດ້ລົງນາມສ້າງ ຕັ້ງບໍລິສັດ ໃນປີ 2021 ເຊິ່ງເປັນປີເລີ່ມຕົ້ນໃນການດຳເນີນທຸລະກິດການຜະລິດງົວເປັນສິນຄ້າ. ເພື່ອຮັບປະກັນດ້ານວຽກງານຕ່າງໆ ໃນໄລຍະໃໝ່, ໄດ້ມີການຄົ້ນຄວ້າປັບປຸງສັບຊ້ອນພະນັກງານ ວິຊາການ ຕັ້ງແຕ່ຂັ້ນໜ່ວຍງານ, ພະແນກການ ໂດຍອີງໃສ່ຄວາມຮູ້ ຄວາມສາມາດຂອງພະນັກງານວິຊາການ ແລະ ຢູ່ໃນໄລຍະຂອງການແຜ່ລະບາດພະຍາດ ໂຄວິດ-19 ໄດ້ສົ່ງຜົນກະທົບໂດຍກົງໃສ່ແຜນການດຳເນີນວຽກງານ ຂອງ ບໍລິສັດ ເຮັດໃຫ້ຂະບວນການດ້ານຕ່າງໆ ມີຂີດຈຳກັດໃນການເຄື່ອນໄຫວ, ແຕ່ກໍໄດ້ຮັບຄວາມເປັນຫ່ວງເປັນໃຍ ແລະ ການເອົາໃຈໃສ່ຕິດຕາມຊີ້ນຳຢ່າງໃກ້ຊິດຈາກກົມຜະລິດ-ກະສິກຳ ກົມໃຫຍ່ພະລາທິການກອງທັບ ເຮັດໃຫ້ແຜນການຮ່ວມດຳເນີນທຸລະກິດປະກົດຜົນເປັນຈິງ. ໃນເດືອນທັນວາ ປີ 2021 ບໍລິສັດ ໄດ້ຮັບການມອບໂອນພື້ນທີ່ ຈຳນວນ 87 ເຮັກຕາ ເຊິ່ງເປັນພື້ນຖານຟາມລ້ຽງງົວມາກ່ອນ ຕັ້ງຢູ່ເຂດບ້ານຖ້ຳ ເມືອງນາຊາຍທອງ ນະຄອນຫຼວງວຽງຈັນ. ພ້ອມດຽວກັນນັ້ນ, ຝ່າຍ ກອງທັບກໍໄດ້ຄົ້ນຄວ້າສັບຊ້ອນພະນັກງານທີ່ມີຄວາມຮູ້ຄວາມສາມາດ ຈຳນວນ 15 ສະຫາຍ ເຂົ້າຮ່ວມເຄື່ອນໄຫວວຽກງານໃນການບໍລິຫານ ແລະ ວຽກງານພາກສະໜາມ. ໄດ້ເລີ່ມກໍ່ສ້າງປັບປຸງພື້ນຖານໂຄງລ່າງໃຫ້ມີຄວາມຮັບປະກັນແໜ້ນໜາຖາວອນ ໃນການເຮັດໜ້າທີ່ວຽກງານ ເປັນຕົ້ນປັບປຸງຄອກງົວດ້ວຍການກໍ່ສ້າງຮາງເກືອງົວດ້ວຍຊີເມັນ ແລະ ປັບປຸງແບ່ງລ໋ອກຄອກງົວ ດ້ວຍໂຄງເຫຼັກ ໂດຍການກໍ່ຮາງເກືອງົວ ແລະ ຂະຫຍາຍພື້ນຄອກງົວຈຳນວນໜຶ່ງ ແລະ ທົດລອງປູກສາ ລີໃນເນື້ອທີ່ 2 ເຮັກຕາ. ດ້ານວຽກງານວິຊາສະເພາະ ໃນເບື້ອງຕົ້ນແມ່ນສຸມໃສ່ການປັບປຸງທົ່ງຫຍ້າ ໂດຍກຳນົດເອົາຫຍ້າເນເປຍ ເປັນພື້ນຖານໃຫ້ແກ່ການຂາຍຫຍາຍທົ່ງຫຍ້າ ເນື່ອງຈາກຫຍ້າພັນດັ່ງກ່າວໃຫ້ຜົນຜະລິດ ຕໍ່ເນື້ອທີ່ສູງກວ່າຫຍ້າປະເພດອື່ນໆ. ຜ່ານການປະຕິບັດຕົວຈິງ ສາມາດປູກຫຍ້າໄດ້ 13 ເຮັກຕາ, ຈັດຊື້ງົວ ຈຳນວນ 46 ໂຕ ແລະ ແກະ 35 ໂຕ ເຂົ້າມາລ້ຽງ ຢູ່ພາຍໃນຟາມ. ໃນປີ 2023 ໄດ້ຂະຫຍາຍ ການລົງທຶນ ໄດ້ຈັດຊື້ງົວໂຄງເຂົ້າມາລ້ຽງເພີ່ມເຕີມໃນ ຈຳນວນ 231 ໂຕ ແລະ ໃນເດືອນກັນຍາ ໄດ້ຈັດຊື້ງົວຂຸນຜູ້ໃຫຍ່ມາທົດລອງລ້ຽງ 23 ໂຕ ລວມຈຳນວນງົວທັງໝົດ 312 ໂຕ. ການລ້ຽງງົວຂຸນ ໄດ້ນຳໃຊ້ສ່ວນປະສົມອາຫານປະເພດຕ່າງໆ ຕາມສູດອາຫານ TMR ແລະ ເກັບກຳຂໍ້ມູນການເກືອ, ການເພີ່ມນ້ຳໜັກຂອງງົວທີ່ເພີ່ມຂຶ້ນໃນແຕ່ລະເດືອນ ພ້ອມທັງປະເມີນການຄິດໄລ່ຕົ້ນທຶນໃນແຕ່ລະເດືອນ. ມາຮອດປັດຈຸບັນ ຄຽງຄູ່ກັບວຽກງານການລ້ຽງງົວແລ້ວ, ບໍລິສັດໄດ້ເລັ່ງໃສ່ການພັດທະນາລະບົບການຕະຫຼາດ ແລະ ການຊອກຊ່ອງທາງຈຳໜ່າຍຜະລິດຕະພັນງົວ ດ້ວຍຫຼາຍຮູບແບບ. ເຊິ່ງເລີ່ມຕົ້ນຈາກການລົງສຶກສາ ການຈຳໜ່າຍຜະລິດຕະພັນຊີ້ນຢູ່ຕະຫຼາດພາຍໃນ ແລະ ເຫັນວ່າຕະຫຼາດຊີ້ນປະເພດຄຸນນະພາບ ທີ່ວາງຈຳໜ່າຍ ກວມມູນຄ່າສູງ ສົມຄວນ ແລະ ຊີ້ນປະເພດນີ້ ມີລາຄາສູງ ເຊິ່ງນຳເຂົ້າຈາກຕ່າງປະເທດ 100% ສະນັ້ນ, ບໍລິສັດຈຶ່ງໄດ້ທົດລອງການພັດທະນາຜະລິດຕະພັນຊີ້ນງົວທີ່ມີຄຸນນະພາບ ຕາມມາດຕະຖານສາກົນ, ມີເຄື່ອງໝາຍການຄ້າເປັນຂອງຕົນເອງ. ສະຫາຍ ພັນໂທ ມີໄຊ ພິມ ມະສອນ ຮອງອຳນວຍການບໍລິ ສັດຮ່ວມທຶນກະສິກຳຄົບວົງ ຈອນ ຈຳກັດ ໃຫ້ຮູ້ຕື່ມອີກວ່າ: ນອກຈາກ, ການຊີ້ນຳດ້ານວຽກງານວິຊາສະເພາະແລ້ວ ເພື່ອປັບກັບສະພາບການຜັນພວນ ທາງດ້ານເສດຖະກິດ ແລະ ອັດ ຕາເງິນເຟີ້ ອັນໄດ້ສົ່ງຜົນກະທົບ ຕໍ່ຊີວິດການເປັນຢູ່ຂອງພະນັກງານ-ວິຊາການ ຄະນະອຳນວຍ ການບໍລິສັດ ໄດ້ຕົກລົງປັບປຸງ ລະບົບເງິນເດືອນໃຫ້ແກ່ພະນັກ ງານ-ວິຊາການ ເພື່ອແນໃສ່ຍົກລະດັບຊີວິດການເປັນຢູ່ໃຫ້ດີຂຶ້ນກວ່າເກົ່າ ແລະ ໄດ້ດຳເນີນການປຸກລະດົມດ້ານການເມືອງ-ແນວຄິດ ໃຫ້ພະນັກງານ-ວິຊາການຢ່າງສະໝໍ່າສະເໝີ ຍົກໃຫ້ ເຫັນຄວາມໝາຍຄວາມສຳຄັນ ໃນໜ້າທີ່ວຽກງານທີ່ໄດ້ຮັບການ ມອບໝາຍ ແລະ ພ້ອມກັນຕັ້ງ ໜ້າປະຕິບັດວຽກງານ ສ້າງໃຫ້ເປັນຟາມລ້ຽງຕົວແບບໃນການຜະລິດທີ່ທັນສະໄໝ ແລະ ໄດ້ມາດຕະຖານສາກົນ.

news to day and hot news