ວັນຈັນ, ວັນທີ 02 ທັນວາ 2024
ສະເຫຼີມສະຫຼອງວັນວິຈິດສິນແຫ່ງຊາດລາວ ຄົບຮອບ 65 ປີ
ເວລາອອກຂ່າວ: 2024-11-11 09:00:54 | ຜູ້ຂຽນ : admin3 | ຈຳນວນຄົນເຂົ້າຊົມ: 92 | ຄວາມນິຍົມ: 
ສະຖາບັນວິຈິດສິນແຫ່ງຊາດລາວ ໄດ້ເປີດງານຕະຫຼາດ ເພື່ອສະເຫຼີມສະຫຼອງວັນວິຈິດສິນແຫ່ງຊາດລາວ ຄົບຮອບ 65 ປີ ໃນວັນທີ 6 ພະຈິກ 2024, ໂດຍບັນດາ ນັກສິລະປິນ ໄດ້ນຳເອົາຜົນງານ ວິຈິດສິນມາຮ່ວມວາງສະແດງ ທັງໝົດ 1.790 ກວ່າຜົນງານ.
ທ່ານ ຄຳສຸກ ແກ້ວວົງຊາຍ ຜູ້ອຳນວຍການ ສະຖາບັນວິຈິດ ສິນແຫ່ງຊາດ ໃຫ້ຮູ້ວ່າ: ຕະຫຼາດ ນັດວິຈິດສິນໃນຄັ້ງນີ້, ຈັດຂຶ້ນເປັນ ຄັ້ງທີ 3 ເນື່ອງໃນວັນສ້າງ ຕັ້ງສະຖາບັນວິຈິດສິນແຫ່ງຊາດ ກໍຄືວັນວິຈິດສິນແຫ່ງຊາດລາວ ຄົບຮອບ 65 ປີ ເພື່ອເປັນການສົ່ງເສີມໃຫ້ມີການສ້າງຜະລິດຕະພັນທາງດ້ານວິຈິດສິນໃຫ້ຫຼາກຫຼາຍ ທັງເປັນການໂຄສະນາເຜີຍແຜ່ວຽກງານວິຈິດສິນ ເຮັດໃຫ້ສັງຄົມຮັບຮູ້ ແລະ ສະ ໜັບສະໜູນວຽກງານວິຈິດສິນ ໃຫ້ມີການພັດທະນານັບມື້ນັບຫຼາຍຂຶ້ນ.
ທ່ານ ສາຍສະໝອນ ໂພທະລິນ ຮອງຜູ້ອຳນວຍການສະຖາບັນວິຈິດສິນແຫ່ງຊາດ ໄດ້ຍົກໃຫ້ເຫັນປະຫວັດຄວາມເປັນມາຂອງສະຖາບັນວິຈິດສິນແຫ່ງຊາດ ເຊິ່ງໃນເມື່ອກ່ອນມີຊື່ວ່າ ໂຮງຮຽນສິລະປະກຳແຫ່ງຊາດ ສ້າງຕັ້ງຂຶ້ນໃນປີ 1932. ມາຮອດປັດຈຸບັນໄດ້ເປີດການຮຽນ-ການສອນ ຫຼັກສູດຊັ້ນສູງ, ຫຼັກສູດປະລິນຍາຕີ ແລະ ຫຼັກສູດປະລິນຍາໂທ ແລະ ໄດ້ມີການ ເຕີບໃຫຍ່ຂະຫຍາຍຕົວຢ່າງຕໍ່ ເນື່ອງໃນແຕ່ລະໄລຍະ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
