ວັນອາທິດ, ວັນທີ 01 ທັນວາ 2024
ຫ້ອງການເມືອງ ກອງພົນທີ 1 ເປີດຂະບວນການແຂ່ງຂັນ “ຮັກຊາດ ແລະ ພັດທະນາ”
ເວລາອອກຂ່າວ: 2024-11-11 08:55:37 | ຜູ້ຂຽນ : admin1 | ຈຳນວນຄົນເຂົ້າຊົມ: 360 | ຄວາມນິຍົມ: 
ໃນວັນທີ 7 ພະຈິກ 2024, ຫ້ອງການເມືອງ ກອງພົນທີ 1 ໄດ້ເປີດຂະບວນການແຂ່ງຂັນ ພາຍໃຕ້ຄຳຂວັນ: “ຮັກຊາດ ແລະ ພັດທະນາ” ປະຈຳປີ 2024, ໂດຍເປັນປະທານຂອງ ສະຫາຍ ພັນເອກ ບຸນຂຸ້ມ ສີຄຳໄຊ ຫົວໜ້າ
ຫ້ອງການເມືອງ ກອງພົນທີ 1, ມີຄະນະພັກ-ຄະນະບັນຊາ ພະແນກການ ພ້ອມດ້ວຍ ພະນັກ ງານ-ນັກຮົບ ເຂົ້າຮ່ວມ.
ສະຫາຍ ພັນໂທ ໄມມອນ ລຸນວິລະພອນ ຮອງຫົວໜ້າພະແນກບໍລິຫານ ຫ້ອງການເມືອງ ກອງພົນທີ 1 ໄດ້ຜ່ານແຜນການແຂ່ງຂັນ ພາຍໃຕ້ຄຳຂວັນ: “ຮັກຊາດ ແລະ ພັດທະນາ” ເພື່ອຂ່ຳ ນັບຮັບຕ້ອນວັນສ້າງຕັ້ງກອງທັບປະຊາຊົນລາວ ຄົບຮອບ 76 ປີ, ວັນສ້າງຕັ້ງກອງພົນທີ 1 ຄົບຮອບ 40 ປີ ແລະ ກອງປະຊຸມຜູ້ແທນສະມາຊິກພັກ ຄັ້ງທີ VII ຂອງອົງຄະນະພັກ ກອງພົນທີ 1 ໃຫ້ມີຂະບວນການຟົດຟື້ນ ເບີກບານມ່ວນຊື່ນຢ່າງຕໍ່ເນື່ອງ, ແນໃສ່ສຶກສາອົບຮົມໃຫ້ພະນັກງານ-ນັກຮົບ ທົ່ວຫ້ອງການເມືອງມີຈິດໃຈຮັກຊາດ, ມີຄວາມຈົງຮັກພັກດີຕໍ່ອຸດົມການຂອງພັກ, ຍົກສູງສະຕິລະວັງຕົວຕໍ່ກົນອຸບາຍ ທຳລາຍມ້າງເພອິດທິປໍລະປັກ, ມີສະຕິຕໍ່ການຈັດຕັ້ງ, ປະຕິບັດລະບຽບເຂັ້ມງວດສາມາດເຮັດສຳເລັດໜ້າທີ່ໃນທຸກກໍລະນີ ທັງຖືເອົາບັ້ນແຂ່ງຂັນນີ້ ເປັນການຊຸກຍູ້ປັບປຸງກໍ່ສ້າງກົມກອງໃຫ້ເຂັ້ມແຂງຮອບດ້ານ ຕິດພັນກັບການສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ, ຂະບວນການສ້າງກອງປອດໃສ ປອດໄພ ປອດຄະດີ, ຂະບວນການສ້າງ ນັກຮົບ-ກົມກອງ ວັດທະນະທຳ, ຂະບວນການ 4 ປູກ, 4 ລ້ຽງ, ຂະບວນການ 4 ບຸກຂອງຊາວໜຸ່ມ, ຂະບວນການ 3 ດີຂອງສະຫະພັນແມ່ຍິງ ແລະ ຂະບວນການຈັດຕັ້ງ 7 ລະບອບ 18 ວຽກໃນມື້ໜຶ່ງຂອງກອງທັບ.
ໂດຍ: ຄຳພຸດ ພານຸວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
