ວັນອາທິດ, ວັນທີ 01 ທັນວາ 2024
ກອງປະຊຸມສຳມະນາແຜ່ນແພພື້ນເມືອງອາຊຽນ ຄັ້ງທີ 9 ອັດລົງດ້ວຍຜົນສຳເລັດຢ່າງຈົບງາມ
ເວລາອອກຂ່າວ: 2024-11-08 10:49:24 | ຜູ້ຂຽນ : admin3 | ຈຳນວນຄົນເຂົ້າຊົມ: 143 | ຄວາມນິຍົມ: 
ວັນ 6 ພະຈິກ 2024 ທີ່ໂຮງແຮມແລນມາກ ນະຄອນຫຼວງວຽງຈັນ, ກອງປະຊຸມສຳມະນາແຜ່ນແພພື້ນເມືອງອາຊຽນ ຄັ້ງທີ 9 ໄດ້ອັດລົງດ້ວຍຜົນສຳເລັດຢ່າງຈົບງາມ, ໂດຍມີ ທ່ານ ນາງ ນາລີ ສີສຸລິດ ພັນລະຍາຂອງທານ ທອງລຸນ ສີສຸລິດ ປະທານປະເທດ ແຫ່ງ ສປປ ລາວ, ທ່ານ ນາງ ຈີບີ ປາກູ່ ອາລຳ ປະທານສະມາ
ຄົມສິລະປະແຜ່ນແພພື້ນເມືອງ ແຫ່ງອາຊີຕາເວັນອອກສ່ຽງໃຕ້, ມີຄະນະທູຕານຸທູດ, ວິທະຍາກອນ ແລະ ແຂກຖືກເຊີນເຂົ້າຮ່ວມ.
ທ່ານ ນາງ ນາລີ ສີສຸລິດ ໄດ້ກ່່າວປິດກອງປະຊຸມວ່າ: ຜ່ານການປຶກສາແລກປ່ຽນຄວາມຮູ້ຂອງບັນດານັກຄົ້ນຄວ້າ ແລະ ຜູ້ເຂົ້າຮ່ວມໃນສອງວັນຜ່ານມາ, ກອງປະຊຸມສຳມະນາແຜ່ນແພພື້ນເມືອງອາຊຽນ ຄັ້ງທີ 9 ໄດ້ສະແດງໃຫ້ເຫັນວ່າ: ແຜ່ນແພພື້ນເມືອງ ມີບົດບາດສຳຄັນສຳລັບບັນດາປະເທດສະມາຊິກອາຊຽນ, ເປັນສັນຍະລັກທາງດ້ານວັດທະນະທຳທີ່ເປັນເອກະລັກສະເພາະຂອງແຕ່ລະປະເທດ, ເປັນການສ້າງລາຍຮັບໃຫ້ແກ່ຜູ້ຜະລິດ ແຕ່ຕ້ອງໄດ້ເຮັດໜ້າທີ່ປູກມອນລ້ຽງມ້ອນ ຈະໄດ້ເສັ້ນໄໝທີ່ງົດງາມ ເປັນການແລກປ່ຽນ ແລະ ເຊື່ອມໂຍງທາງດ້ານສິລະປະ, ວັດທະນະທຳ ແລະ ປະຫວັດສາດ ລະຫວ່າງບັນດາປະເທດອາຊຽນ ແລະ ພາກພື້ນອື່ນໆ.
ປັດຈຸບັນ, ເນື່ອງຈາກການຫັນປ່ຽນວິຖີຊີວິດແບບດັ້ງເດີມໄປສູ່ວິຖີຊີວິດທີ່ທັນສະໄໝ, ພວກເຮົາພວມປະເຊີນກັບສິ່ງທ້າທາຍໃນການປົກປັກຮັກສາວັດທະນະທຳການຜະລິດ ແລະ ການນຸ່ງຖືທີ່ນຳໃຊ້ແຜ່ນແພພື້ນເມືອງ ດັ່ງນັ້ນ, ຈຶ່ງມີຄວາມຈຳເປັນ ແລະ ມີຄວາມເລັ່ງທວງໃຫ້ແຕ່ລະປະເທດຄວນຖືເປັນບູລິມະສິດ ແລະ ມີນະໂຍບາຍທີ່ເໝາະສົມໃນການອະນຸລັກຮັກສາ ເເລະ ສົ່ງເສີມແຜ່ນເເພພື້ນເມືອງໃຫ້ສືບຕໍ່ຄົງຢູ່ກັບສັງຄົມພວກເຮົາ ຫວັງຢ່າງຍິ່ງວ່າພວກເຮົາຈະສາມາດສ້າງສັງຄົມຫຼືສະມາຄົມທີ່ອະນຸລັກຮັກສາ ເເລະ ສົ່ງເສີມເເຜ່ນເເພພື້ນເມືອງໃນອາຊຽນ ເເລະ ບັນດາປະເທດອ້ອມຂ້າງເຊັ່ນ: ສປ ຈີນ, ສ ເກົາຫຼີ, ຍີ່ປຸ່ນ, ອິນເດຍ ເເລະ ປະເທດອື່ນໆ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
