ວັນຈັນ, ວັນທີ 02 ທັນວາ 2024
ຫົວໜ້າ ກົມໃຫຍ່ເຕັກນິກກອງທັບ ລົງເຄື່ອນໄຫວເຮັດວຽກຢູ່ ໂຮງງານມິດຕະພາບລາວ-ຫວຽດນາມ
ເວລາອອກຂ່າວ: 2024-11-08 09:35:02 | ຜູ້ຂຽນ : admin2 | ຈຳນວນຄົນເຂົ້າຊົມ: 671 | ຄວາມນິຍົມ: 
ວັນທີ 07 ພະຈິກ 2024 ນີ້, ສະຫາຍ ພົນຈັດຕະວາ ຈອມເພັດ ໄຊຍະສຸກ ຫົວໜ້າກົມໃຫຍ່ເຕັກນິກກອງທັບ ໄດ້ລົງເຄື່ອນໄຫວເຮັດວຽກຢູ່ ໂຮງງານມິດຕະພາບລາວ-ຫວຽດນາມ, ໂດຍການຕ້ອນຮັບຂອງ ສະຫາຍ ພັນໂທ ບຸນໄທ ກອງປັນຍາ ຫົວໜ້າອໍານວຍການ ໂຮງງານມິດຕະພາບລາວ-ຫວຽດນາມ ພ້ອມດ້ວຍຄະນະ.
ສະຫາຍ ພັນໂທ ບຸນໄທ ກອງປັນຍາ ໄດ້ລາຍງານໂດຍຫຍໍ້ ໃນການຈັດຕັ້ງປະຕິບັດໜ້າທີ່ວຽກງານຂອງກົມກອງໃນໄລຍະຜ່ານມາ, ຄະນະພັກ-ຄະນະອໍານວຍການໄດ້ເອົາໃຈໃສ່ຊີ້ນໍາ-ນຳພາຢ່າງໃກ້ຊິດ ເພື່ອຮັບປະກັນເຮັດໃຫ້ພະນັກງານ-ນັກຮົບ ມີຄວາມໜັກແໜ້ນ, ເຂັ້ມແຂງທາງດ້ານການເມືອງ - ແນວຄິດ, ເຊິ່ງໄດ້ຖືເອົາວຽກງານສຶກສາອົບຮົມການເມືອງ-ນໍາພາແນວຄິດ ສອດຫ້ອຍເຂົ້າໃນທຸກຂົງເຂດວຽກງານ ເຮັດໃຫ້ພະນັກງານ - ນັກຮົບ ໄດ້ຮັບຮູ້ເຂົ້າໃຈ, ເຊື່ອມຊຶມ ແລະ ກໍາແໜ້ນຕໍ່ແນວທາງນະໂຍບາຍຂອງພັກ, ກົດໝາຍຂອງລັດ, ປະຕິບັດຂໍ້ກໍານົດກົດລະບຽບຂອງກອງທັບຢ່າງເຂັ້ມງວດ, ມີສະຕິຕໍ່ການຈັດຕັ້ງ, ເປັນແບບຢ່າງທາງດ້ານຄຸນທາດການເມືອງ, ຄຸນສົມບັດສິນທໍາປະຕິວັດ, ມີຄວາມສາມັກຄີພາຍໃນໝູ່ຄະນະ, ເຄື່ອນໄຫວເຮັດໃຫ້ສະພາບມີຄວາມສະຫງົບ ປະຕິບັດໜ້າທີ່ວິຊາສະເພາະ ຕາມທິດທາງແຜນການຈັດຕັ້ງປະຕິບັດ ວຽກງານຂອງກົມໃຫຍ່ເຕັກນິກກອງທັບວາງອອກ, ເພື່ອເປັນການກວດກາ ແລະ ປັບປຸງກຳລັງເຕັກນິກຂອງກົມກອງໃຫ້ມີຄວາມເຂັ້ມແຂງ, ມີແບບແຜນທັນສະໄໝ.
ສະຫາຍ ພົນຈັດຕະວາ ຈອມເພັດ ໄຊຍະສຸກ ໄດ້ເນັ້ນໃຫ້ຄະນະພັກ-ຄະນະບັນຊາ ເອົາໃຈໃສ່ຍົກສູງພາລະບົດບາດໃນການຊີ້ນຳ - ນໍາພາ ສຶບຕໍ່ສຶກສາອົບຮົມການເມືອງ - ແນວຄິດໃຫ້ເປັນປົກກະຕິ, ຊີ້ນໍາການປະຕິບັດໜ້າທີ່ວຽກງານວິຊາສະເພາະ, ຂອງຕົນໃຫ້ສາມາດຮັບປະກັນໄດ້ຕາມຄາດໝາຍທີ່ວາງໄວ້, ຮັບປະກັນຄວາມປອດໄພຮອບດ້ານ ສ້າງກົມກອງໃຫ້ມີຄວາມໜັກແໜ້ນທາງດ້ານການເມືອງ-ແນວຄິດ, ເຂັ້ມແຂງທາງດ້ານການຈັດຕັ້ງ, ມືອາຊີບທາງດ້ານວິຊາສະເພາະ ໄປພ້ອມໆກັບການສ້າງຜົນງານ ສ້າງຂະບວນການຕ້ອນຮັບວັນຊາດທີ່ 2 ທັນວາ ຄົບຮອບ 49 ປີ, ວັນສ້າງຕັ້ງກອງທັບ ຄົບຮອບ 76 ປີ ໃຫ້ເປັນຂະບວນການຟົດຟື້ນຢ່າງກ້ວາງຂວາງ.
ພາບ-ຂ່າວໂດຍ: ກາວີ ສຸກກະເສີມ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
