POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 02 ທັນວາ 2024

ເທດສະການຮູບເງົາດີເດັ່ນ ລາວ-ຈີນ 2024 ຈັດຂຶ້ນຢ່າງຍິ່ງໃຫຍ່
ເວລາອອກຂ່າວ: 2024-11-07 08:53:36 | ຜູ້ຂຽນ : admin3 | ຈຳນວນຄົນເຂົ້າຊົມ: 171 | ຄວາມນິຍົມ:

ວັນທີ 5 ພະຈິກ 2024 ນີ້, ພິທີສາຍຮູບເງົາຮອບປະຖົມມະເລີກ ຂອງເທດສະການຮູບເງົາດີເດັ່ນ ລາວ-ຈີນ 2024 ທີ່ຮ່ວມຈັດຂຶ້ນໂດຍ ວິທະຍຸໂທລະພາບສູນກາງຈີນ ຫຼື CMG ປະຈຳລາວ, ກົມຮູບເງົາ ກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວລາວ ແລະ ບໍລິສັດຕາຂ່າຍໄຟຟ້າພາກໃຕ້ຈີນຈຳກັດ ໄດ້ຈັດຂຶ້ນຢູ່ຫໍວັດທະນະທຳແຫ່ງຊາດລາວ, ນະຄອນຫຼວງວຽງຈັນ, ໂດຍມີ ທ່ານ ສິນລະວົງ ຄຸດໄພທູດ ປະທານສູນກາງແນວລາວສ້າງຊາດ, ທ່ານນາງ ຟ່າງຮົງ ເອກອັກຄະລັດຖະທູດຈີນປະຈຳລາວ, ຜູ້ຕາງໜ້າຈາກກະຊວງຕ່າງໆ ຂອງລາວ, ບຸກຄົນໃນວົງການຕ່າງໆ ຂອງລາວ, ຜູ້ຕາງໜ້າບໍລິສັດຈີນ ປະຈຳລາວ ພ້ອມດ້ວຍແຂກຖືກເຊີນເຂົ້າຮ່ວມຢ່າງຫຼວງຫຼາຍ. ໃນພິທີ ໄດ້ຮ່ວມຊົມຮູບເງົາເລື່ອງ “ສິງໜຸ່ມໄວໄຟ” ທີ່ແປ ແລະ ພາກເປັນພາສາລາວໂດຍ CMG. ທ່ານນາງ ຟ່າງຮົງ ໄດ້ຕີລາຄາສູງຕໍ່ເທດສະການຮູບ ເງົາດີເດັ່ນ ລາວ-ຈີນ ທີ່ໄດ້ປະກອບສ່ວນເຂົ້າໃນການແລກປ່ຽນວັດທະນະທຳ ຈີນ-ລາວ ໃນຫຼາຍປີຜ່ານມາ ໂດຍກ່າວວ່າ: ຮູບເງົາແມ່ນສິລະປະແຫ່ງແສງ ແລະ ເງົາ ເຊິ່ງໄດ້ຮັບຄວາມນິຍົມຊົມຊອບຈາກປະຊາຊົນ ແລະ ໄດ້ເສີມຂະຫຍາຍບົດບາດທີ່ສຳຄັນເຂົ້າໃນການແລກປ່ຽນ ແລະ ຖອດຖອນບົດຮຽນເຊິ່ງກັນ ແລະ ກັນລະຫວ່າງ ອະລິຍະທຳທີ່ແຕກຕ່າງກັນ. ການແລກປ່ຽນດ້ານຮູບເງົາ ເປັນພາກສ່ວນໜຶ່ງຂອງການເພີ່ມທະວີການແລກປ່ຽນດ້ານວັດທະນະທຳລະຫວ່າງ ຈີນ-ລາວ. ຫວັງວ່າ ກິດຈະກຳແລກປ່ຽນດ້ານວັດທະນະທຳທີ່ມີ “ເທດສະການຮູບເງົາດີເດັ່ນ” ເປັນຕົວແທນນັ້ນ ຈະສາມາດເພີ່ມທະວີມິດຕະພາບ ແລະ ຄວາມເຂົ້າໃຈເຊິ່ງກັນ ແລະ ກັນລະຫວ່າງປະຊາຊົນສອງຊາດ, ຊຸກຍູ້ການແລກປ່ຽນ ແລະ ຖອດຖອນບົດຮຽນເຊິ່ງກັນ ແລະ ກັນໃນດ້ານວັດທະນະທຳ ພ້ອມທັງສ້າງບັນຍາກາດດ້ານວັດທະນະທຳທີ່ດີໃຫ້ແກ່ການສ້າງຄູ່ຮ່ວມຊາຕາກຳ ຈີນ-ລາວ. ທ່ານ ວັນສີ ກົ່ວມົວ ຮອງລັດຖະມົນຕີກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວລາວ ກ່າວວ່າ: ເທດສະການຄັ້ງນີ້ ເປັນຂີດໝາຍອັນສຳຄັນຂອງສາຍພົວພັນມິດຕະພາບ ລາວ-ຈີນ ທີ່ມີການຮ່ວມມື ແລະ ຊ່ວຍເຫຼືອກັນມາຍາວນານ ແລະ ນັບມື້ນັບເຕີບໃຫຍ່ຂະຫຍາຍຕົວ. ຜ່ານການຮ່ວມມືອັນດີລະຫວ່າງ ວິທະຍຸໂທລະພາບສູນກາງຈີນ (CMG) ແລະ ກົມຮູບເງົາ ລາວ ຕະຫຼອດ 7 ປີທີ່ຜ່ານມາ, ພວກເຮົາໄດ້ນຳເອົາຮູບເງົາດີເດັ່ນຂອງຈີນຫຼາກຫຼາຍປະເພດ ທັງເລື່ອງຕະຫຼົກ, ກັງຟູ, ກາຕູນ ແລະ ສາລະຄະດີ ໄປສູ່ປະຊາຊົນລາວໃນທົ່ວທຸກພາກຂອງປະເທດ. ທຸກເລື່ອງລ້ວນໄດ້ຮັບການແປເປັນພາສາລາວຢ່າງປະນີດ, ສ້າງຄວາມມ່ວນຊື່ນ ແລະ ເປີດໂລກະທັດໃຫ້ຜູ້ຊົມ. ນີ້ເປັນຂົວຕໍ່ທາງຈິດໃຈອັນແໜ້ນແຟ້ນລະຫວ່າງປະຊາຊົນສອງຊາດ. ປີ 2024 ນີ້ ເປັນປີເລີ່ມຕົ້ນຂອງແຜນແມ່ບົດການສ້າງຄູ່ຮ່ວມຊາຕາກຳ ລາວ-ຈີນ (2024-2028). ນັບແຕ່ວັນທີ 6 ພະຈິກ 2024 ເປັນຕົ້ນໄປ, ເທດສະການຮູບເງົາດີເດັ່ນ ລາວ-ຈີນ ຈະນຳເອົາຮູບເງົາຈີນເລື່ອງເດັ່ນເລື່ອງດັງ ຫຼາກຫຼາຍສີສັນທີ່ພາກສຽງເປັນພາສາລາວໄປລາດຕະເວນສາຍຢູ່ທົ່ວປະເທດລາວ, ຈະສົ່ງກິດຈະກຳວັດທະນະທຳໄປແຫ່ງຕ່າງໆ ໃນທົ່ວປະເທດລາວ, ເຮັດໃຫ້ປະຊາຊົນລາວຫຼາຍກວ່າເກົ່າສາມາດສຳຜັດໄດ້ກັບມົນສະເໜ່ຂອງຮູບເງົາຢູ່ໜ້າເຮືອນ. ນອກຈາກສາຍຮູບເງົາແລ້ວ, ເຈົ້າພາບຈັດງານຍັງຈະຈັດກິດຈະກຳຕ່າງໆ ເພື່ອສ້າງຄວາມເບີກບານມ່ວນຊື່ນໃຫ້ກັບປະຊາຊົນທ້ອງຖິ່ນ. ພິເສດ, ຜູ້ອາສາສະໝັກຈີນທີ່ຊ່ວຍເຫຼືອລາວ ຈະຈັດກິດຈະກຳຊ່ວຍເຫຼືອສັງຄົມດ້ານການແພດຢູ່ໜ້າງານ, ໂດຍຈະໃຫ້ຄຳປຶກສາດ້ານສຸຂະພາບ ແລະ ກວດສຸຂະພາບໃຫ້ປະຊາຊົນໂດຍບໍ່ເສຍຄ່າ.

news to day and hot news