ວັນຈັນ, ວັນທີ 02 ທັນວາ 2024
ໂຮງຮຽນວັດທະນະທຳຊົນເຜົ່າກອງທັບ ຈັດຕັ້ງເຄົາລົບທຸງຊາດ ປະຈຳເດືອນພະຈິກ
ເວລາອອກຂ່າວ: 2024-11-06 09:07:16 | ຜູ້ຂຽນ : admin1 | ຈຳນວນຄົນເຂົ້າຊົມ: 1195 | ຄວາມນິຍົມ: 
ວັນທີ 4 ພະຈິກ 2024 ນີ້, ໂຮງຮຽນວັດທະນະທຳຊົນເຜົ່າກອງທັບ ຈັດຕັ້ງພິທີເຄົາລົບທຸງຊາດປະຈຳເດືອນ ພະຈິກ, ໂດຍການເປັນປະທານຂອງ ສະຫາຍ ພັນເອກ ປອ ສະແຫວງ ແດນນາມົນ ຫົວໜ້າການເມືອງ ໂຮງຮຽນວັດທະນະທຳຊົນເຜົ່າກອງທັບ, ມີຄະນະພັກ-ຄະນະອຳນວຍການ, ຫ້ອງການ, ກອງພັນ, ພະນັກງານ-ນັກຮົບ ແລະ ນ້ອງນ້ອຍ-ນັກຮຽນ ເຂົ້າຮ່ວມ.
ໃນພິທີ ສະຫາຍ ພັນເອກ ປອ ສະແຫວງ ແດນນາມົນ ໄດ້ຜ່ານບົດລາຍງານການຈັດຕັ້ງປະຕິບັດວຽກງານຮອບດ້ານໃນໄລຍະ 1 ເດືອນຜ່ານມາ ແລະ ວາງທິດທາງແຜນການເດືອນຕໍ່ໜ້າ ເຊິ່ງໄດ້ຍົກໃຫ້ເຫັນດ້ານດີ ແລະ ດ້ານຄົງຄ້າງໃນການປະຕິບັດໜ້າທີ່ວຽກງານຕ່າງໆ ຂອງກົມກອງໃນໄລຍະຜ່ານມາ ເປັນຕົ້ນ ຄະນະພັກ-ຄະນະບັນຊາ ແຕ່ລະຂັ້ນໄດ້ເອົາໃຈໃສ່ສຶກສາອົບຮົມການເມືອງ-ນຳພາແນວຄິດ ໃຫ້ພະນັກງານ-ນັກຮົບເປັນກົກ, ນຳພາ-ຊີ້ນຳ ພະນັກງານ-ນັກຮົບ ເຮັດສຳເລັດໜ້າທີ່ລວມຂອງກົມກອງ ແລະ ຕັ້ງໜ້າສ້າງຂະບວນການດ້ານຕ່າງໆ ເພື່ອເປັນການປະຕິບັດຕາມລະບຽບ ການເຄົາລົບທຸງປະຈຳເດືອນ ທີ່ຂັ້ນເທິງໄດ້ກຳນົດໃວ້ ໃຫ້ມີຄວາມເຂັ້ມແຂງ ດ້ານລະບຽບວິໄນ 7 ລະບອບ 18 ວຽກ ໃນມື້ໜຶ່ງຂອງກອງທັບ.
ສະຫາຍ ພັນເອກ ປອ ສະແຫວງ ແດນນາມົນ ຍັງໄດ້ເນັ້ນໜັກໃຫ້ ຄະນະພັກ-ຄະນະບັນຊາ ແຕ່ລະກົມກອງ ສືບຕໍ່ດຳເນີນວຽກງານສຶກສາອົບຮົມການເມືອງ-ແນວຄິດ ເຮັດໃຫ້ພະນັກງານ-ນັກຮົບ ແລະ ນ້ອງນ້ອຍນັກຮຽນ ເຊື່ອໝັ້ນຕໍ່ການນຳພາ ຂອງພັກ-ລັດ, ຫ້າວຫັນຕໍ່ໜ້າທີ່ວຽກງານ ສາມາດເຮັດສຳເລັດທຸກໜ້າທີ່ ທີ່ໄດ້ຮັບການມອບໝາຍຈາກຂັ້ນເທິງ, ສືບຕໍ່ປັບປຸງລະບຽບແບບແຜນ ການນຳພາວິທີເຮັດວຽກໃຫ້ເປັນລະບົບ ແລະ ເຂັ້ມງວດຮັດກຸມກ່ວາເກົ່າ, ສຶບຕໍ່ເຮັດໜ້າທີ່ວຽກງານວິຊາສະເພາະ ແລະ ປະຕິບັດແຜນການຮຽນ-ການສອນ ໃນສົກຮຽນ 2024-2025 ໃຫ້ສຳເລັດຕາມແຜນການ.
ໂດຍ: ໂອລິນ ມິ່ງມີໄຊ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
