ວັນຈັນ, ວັນທີ 02 ທັນວາ 2024
ທະຫານແຂວງຈຳປາສັກ ປິດຂະບວນການແຂ່ງຂັນກິລາມວນຊົນ
ເວລາອອກຂ່າວ: 2024-11-06 09:06:13 | ຜູ້ຂຽນ : admin1 | ຈຳນວນຄົນເຂົ້າຊົມ: 1298 | ຄວາມນິຍົມ: 
ທ້າຍເດືອນ ຕຸລາ 2024 ນີ້, ກອງບັນຊາການທະຫານແຂວງຈຳປາສັກ ໄດ້ປິດຂະບວນການແຂ່ງຂັນກິລາມວນຊົນ, ໂດຍການເປັນປະທານຂອງ ສະຫາຍ ພັນເອກ ສິດປະເສີດ ນວນມະນີວົງ ຫົວໜ້າການທະຫານ ກອງບັນຊາການທະຫານແຂວງຈຳປາສັກ, ມີຄະນະພັກ-ຄະນະບັນຊາ ຫ້ອງ, ກອງ, ພະນັກງານ-ນັກຮົບ ແລະ ນັກກິລາ ແຕ່ລະກົມກອງ ເຂົ້າຮ່ວມ.
ສະຫາຍ ພັນໂທ ໄພວັນ ຫຼວງໄຊສົງຄາມ ຫົວໜ້າພະແນກອົບຮົມ ທະຫານແຂວງຈຳປາສັກ ໄດ້ສະຫຼຸບຕີລາຄາຄືນຜົນສຳເລັດ ຂອງການສ້າງຂະບວນການແຂ່ງຂັນກິລາມວນຊົນ ເນື່ອງໃນໂອກາດຂໍ່ານັບຮັບຕອ້ນກອງປະຊຸມໃຫຍ່ ຄັ້ງທີ VI ຂອງອົງຄະນະພັກ ກອງບັນຊາການທະຫານແຂວງຈຳປາສັກ ເພື່ອເຮັດໃຫ້ກົມກອງມີບັນຍາກາດຟົດຟື້ນຢ່າງກວ້າງຂວາງ, ທັງເປັນການເສີມສ້າງຄວາມສະມັກຄີຮັກແພງ ລະຫວ່າງ ຄະນະພັກ-ຄະນະບັນຊາ, ພະນັກງານ-ນັກຮົບ ໃນແຕ່ລະກົມກອງ ແລະ ສົ່ງເສີມໃຫ້ພະນັກງານ-ນັກຮົບ ມີສຸຂະພາບແຂງແຮງ, ເພື່ອພ້ອມກັນເຮັດສຳເລັດໜ້າທີ່ທີ່ຂັ້ນເທິງມອບໝາຍໃຫ້, ເຊິ່ງກິລາທີ່ນຳມາແຂ່ງຂັນປະກອບມີ 4 ປະເພດຄື: ກິລາບານເຕະ, ບານສົ່ງ, ກະຕໍ້ ແລະ ກິລາເປຕັງ. ຜ່ານການແຂ່ງຂັນສາມາດສະຫຼຸບໄດ້ຄື: ກິລາບານເຕະ ອາວຸໂສ ອັນດັບທີ 1 ໄດ້ແກ່ ຫ້ອງເສນາທິການ, ອັນດັບທີ 2 ໄດ້ແກ່ ກອງບັນຊາການທະ
ຫານເມືອງປາກຊ່ອງ, ອັນດັບທີ 3 ໄດ້ແກ່ ຫ້ອງພະລາທິການ, ກິລາບານສົ່ງຊາຍ ອັນດັບທີ 1 ໄດ້ແກ່ ຫ້ອງເສນາທິການ, ອັນດັບທີ 2 ໄດ້ແກ່ ກອງຮ້ອຍສື່ສານ 235, ອັນດັບທີ 3 ໄດ້ແກ່ ຫ້ອງພະລາທິການ, ກິລາບານສົ່ງຍິງ ອັນດັບທີ 1 ໄດ້ແກ່ ຫ້ອງເສນາທິການ, ອັນດັບທີ 2 ໄດ້ແກ່ ຫ້ອງພະລາທິການ, ອັນດັບທີ 3 ໄດ້ແກ່ ໂຮງໝໍທະຫານແຂວງ, ກິລາກະຕໍ້ ອາວຸໂສ ອັນດັບທີ 1 ໄດ້ແກ່ ກອງບັນຊາການທະຫານເມືອງປາກຊ່ອງ, ອັນດັບທີ 2 ໄດ້ແກ່ ຫ້ອງເຕັກນິກ, ອັນດັບທີ 3 ໄດ້ແກ່ ຫ້ອງເສນາທິການ, ກິລາກະຕໍ້ຊາວໜຸ່ມຊາຍ ອັນດັບທີ 1 ໄດ້ແກ່ ຫ້ອງພະລາທິການ ( 1 ), ອັນດັບທີ 2 ໄດ້ແກ່ ຫ້ອງເສນາທິການ, ອັນດັບທີ 3 ໄດ້ແກ່ ຫ້ອງພະລາທິການ ( 2 ), ກິລາເປຕັງຊາວໜຸ່ມ ຊາຍ ອັນດັບທີ 1 ໄດ້ແກ່ ຫ້ອງເຕັກນິກ, ອັນດັບທີ 2 ໄດ້ແກ່ ກອງຮ້ອຍສື່ສານ 235, ອັນດັບທີ 3 ໄດ້ແກ່ຫ້ອງການເມືອງ ( 1 ), ກິລາເປຕັງຍິງ ອັນດັບທີ 1 ໄດ້ແກ່ ກອງຮ້ອຍປ້ອງກັນທີ່ຕັ້ງ 902, ອັນດັບທີ 2 ໄດ້ແກ່ ກອງບັນຊາການທະຫານເມືອງປາກຊ່ອງ, ອັນດັບທີ 3 ໄດ້ແກ່ ໂຮງໝໍທະຫານແຂວງຈຳປາສັກ. ຈາກນັ້ນ, ກໍໄດ້ຈັດຕັ້ງມອບລາງວັນ ໃຫ້ທີມນັກກິລາ ແຕ່ລະປະເພດຕາມລຳດັບ
ໂດຍ: ສົມພອນ ພົງສະຫວັດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
