POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 21 ພຶດສະພາ 2025

ປະກາດຮັບຮອງຄະນະບໍລິຫານງານພັກ ວຕກ ສະໄໝທີ III
ເວລາອອກຂ່າວ: 2024-10-30 10:59:39 | ຜູ້ຂຽນ : admin2 | ຈຳນວນຄົນເຂົ້າຊົມ: 3137 | ຄວາມນິຍົມ:

ໃນວັນທີ 29 ຕຸລາ 2024, ວິທະຍາຄານເຕັກນິກການທະຫານ (ວຕກ) ໄດ້ຈັດພິທີປະກາດຮັບຮອງຄະນະບໍລິຫານງານພັກ ວຕກ ສະໄໝທີ III ຂຶ້ນຢ່າງເປັນທາງການ, ໂດຍໃຫ້ກຽດເຂົ້າຮ່ວມເປັນປະທານຂອງ ສະຫາຍ ພົນຈັດຕະວາ ແສງມະນີວອນ ຄຳມະນີ ກຳມະການຄະນະບໍລິຫານງານພັກກະຊວງປ້ອງກັນປະເທດ,ຮອງຫົວໜ້າກົມໃຫຍ່ການເມືອງກອງທັບ, ມີສະຫາຍ ພົນຈັດຕະວາ ຈອມເພັດ ໄຊຍະສຸກ ຫົວໜ້າກົມໃຫຍ່ເຕັກນິກກອງທັບ, ມີບັນດາສະຫາຍຕາງໜ້າກົມວິຊາສະເພາະ ຕະຫຼອດຮອດຄະນະພັກ-ຄະນະອຳນວຍການ, ພ້ອມດ້ວຍຄະນະພັກຮາກຖານ, ຄະນະໜ່ວຍພັກ, ຫົວໜ້າພະແນກ, ຮອງພະແນກ ແລະ ພະນັກງານຫຼັກແຫ່ງ ເຂົ້າຮ່ວມ. ສະຫາຍ ພັນໂທ ສາກົນໄຊ ກົມມະເມືອງ ຮອງຫົວໜ້າກົມຈັດຕັ້ງພັກ ກົມໃຫຍ່ການເມືອງກອງທັບ, ໄດ້ຂຶ້ນຜ່ານມະຕິຕົກລົງຂອງຄະນະປະຈຳພັກກະຊວງປ້ອງກັນປະເທດ ວ່າດ້ວຍການອະນຸມັດຮັບຮອງເອົາຄະນະບໍລິຫານງານພັກ ວິທະຍາຄານເຕັກນິກການທະຫານ ສະໄໝທີ III ຈໍານວນ 11 ສະຫາຍ. ໃນນີ້, ໄດ້ຮັບຮອງເອົາ ສະຫາຍ ພົນຈັດຕະວາ ແສງຍືນ ລັດສະໝີ ເປັນເລຂາຄະນະບໍລິຫານງານພັກ, ສະຫາຍ ພັນເອກ ວຽງຄຳຫຼ້າ ແພງປັນຍາ ເປັນຮອງເລຂາຄະນະບໍລິຫານງານພັກ, ຮັບຮອງເອົາຄະນະປະຈໍາພັກ 3 ສະຫາຍ, ຮັບຮອງເອົາປະທານ ແລະ ຮອງປະທານກວດກາພັກ 3 ສະຫາຍ. ໂອກາດດັ່ງກ່າວ, ສະຫາຍ ພົນຈັດຕະວາ ແສງມະນີວອນ ຄໍາມະນີ ກໍໄດ້ສະແດງຄວາມຍ້ອງຍໍຊົມເຊີຍຕໍ່ຄະນະບໍລິຫານງານພັກ ວຕກ ທີ່ພ້ອມກັນຫ້າງຫາກະກຽມ ແລະ ດຳເນີນກອງປະຊຸມໃຫຍ່ຂອງຕົນຈົນສຳເລັດດ້ວຍໝາກຜົນທີ່ຈົບງາມ. ພ້ອມນັ້ນ, ຍັງໄດ້ເນັ້ນໜັກໃຫ້ຄະນະພັກຊຸດໃໝ່ ຕ້ອງມີຄວາມເປັນເອກະພາບສູງໃນໝູ່ຄະນະພັກ, ເປັນເຈົ້າການເຄື່ອນໄຫວຕາມພາລະບົດບາດໃນຖານະຄະນະພັກຢ່າງເຕັມສ່ວນ ພ້ອມທັງເປັນແບບຢ່າງ ຫົວຈັກຫຼັກແຫຼ່ງໃນການນໍາພາ ພະນັກງານ, ສະມາຊິກພັກ, ນັກຮົບ, ນັກຮຽນ-ນັກສຶກສາໃນທົ່ວກົມກອງໃຫ້ເຄື່ອນໄຫວຖືກຕ້ອງຕາມລະບຽບການຂອງພັກ, ປັບປຸງປົວແປງພາຍໃນພັກໃຫ້ມີຄວາມເຂັ້ມແຂງຕາມ 5 ຫຼັກການ 3 ທິດນໍາທີ່ພັກກໍານົດໄວ້ຢ່າງເຂັ້ມງວດ ແລະ ເຮັດໃຫ້ບັນດາເນື້ອໃນມະຕິກອງປະຊຸມໃຫຍ່ຂອງຄະນະພັກຂັ້ນຕົນເຂົ້າສູ່ຊີວິດຕົວຈິງ ໃນການປະຕິບັດໜ້າທີ່ວຽກງານຂອງກົມກອງ ແລະ ສືບຕໍ່ຝຶກຝົນຫຼໍ່ຫຼອມຕົນເອງດ້ວຍການຊອກຮູ້ຮໍ່າຮຽນທິດສະດີ, ກຳແໜ້ນແນວທາງແຜນນະໂຍບາຍ ແລະ ບັນດານິຕິກຳຕ່າງໆຂອງພັກ ບັນດາຂໍ້ກຳນົດກົດລະບຽບຂອງກອງທັບເປັນແບບຢ່າງທີ່ດີ, ມີແບບແຜນວິທີເຮັດວຽກຢ່າງມີວິທະຍາສາດ, ມີທັດສະນະຫຼັກໝັ້ນຊົນຊັ້ນທີ່ຖືກຕ້ອງ, ມີສະຕິລະວັງຕົວສູງ ແລະ ການດຳລົງຊີວິດລຽບງ່າຍ, ເຮັດວຽກເປັນໝູ່ຄະນະ ແບ່ງງານໃຫ້ບຸກຄົນຮັບຜິດຊອບ ເພື່ອພ້ອມກັນກໍ່ສ້າງວິທະຍາຄານເຕັກນິກການທະຫານ ກໍຄືສືບຕໍ່ກໍ່ສ້າງເຫຼົ່າຮົບເຕັກນິກໃຫ້ມີຄວາມເຂັ້ມແຂງ, ມີຄຸນນະພາບ, ສາມາດຕອບສະໜອງຄວາມຮຽກຮ້ອງຕ້ອງການດ້ານວຽກງານເຕັກນິກ ໃຫ້ແກ່ຂອງກໍາລັງຫຼວງແລະກໍາລັງທ້ອງຖິ່ນໃນທົ່ວກອງທັບຢ່າງທົ່ວເຖິງ ຄຽງຄູ່ກັບການຄຸ້ມຄອງ ອຸປະກອນ, ພາຫະນະເຕັກນິກເຂົ້າໃນການຮຽນ-ການສອນໃຫ້ຄຸ້ມຄ່າ, ຍາວນານ, ຮັບປະກັນໄດ້ຄວາມປອດໄພສາມາດຕອບສະໜອງຕາມຄວາມຮຽກຮ້ອງຕ້ອງການຂອງຂັ້ນເທິງໄດ້ທຸກເວລາ. ໂດຍ ເພັດນາລີ.

news to day and hot news