POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອາທິດ, ວັນທີ 27 ເມສາ 2025

ປະກາດການຈັດຕັ້ງຂັ້ນຮອງຫົວໜ້າຫ້ອງພະລາທິການ ແລະ ຄະນະໂຮງໝໍ 15 ຕຽງ ຢູ່ ວພກ
ເວລາອອກຂ່າວ: 2024-10-29 15:24:35 | ຜູ້ຂຽນ : admin2 | ຈຳນວນຄົນເຂົ້າຊົມ: 3733 | ຄວາມນິຍົມ:

ພິທີປະກາດ ການຈັດຕັ້ງຂັ້ນຮອງຫົວໜ້າຫ້ອງພະລາທິການ ແລະ ຄະນະໂຮງໝໍ 15 ຕຽງ ຢູ່ ວິທະຍາຄານພະລາທິການກອງທັບ ໃນວັນທີ 25 ຕຸລາ 2024 ນີ້, ໂດຍການເປັນປະທານຂອງ ສະຫາຍ ພົນຈັດຕະວາ ຈັນທະຈັກ ໄຊຍະວົງສາ ຮອງຫົວໜ້າກົມໃຫຍ່ພະລາທິການກອງທັບ, ມີຄະນະພັກ-ຄະນະອໍານວຍການ, ຫົວໜ້າ, ຮອງຫົວໜ້າຄະນະວິຊາຄູ, ຫົວໜ້າ, ຮອງຫົວໜ້າພະແນກ ແລະ ພະນັກງານຄູ-ອາຈານ ເຂົ້າຮ່ວມ. ສະຫາຍ ພັນເອກ ປອ ສົມພິດ ແກ້ວວັນທອງ ຮອງຫົວໜ້າກົມເສນາພະລາ ກົມໃຫຍ່ພະລາທິການກອງທັບ ໄດ້ຂຶ້ນຜ່ານ ຂໍ້ຕົກລົງຂອງກະຊວງປ້ອງກັນປະເທດ ວ່າດ້ວຍການແຕ່ງຕັ້ງ ຮອງຫົວໜ້າຫ້ອງພະລາທິການ ທີ່ຂຶ້ນກັບ ວິທະຍາຄານພະລາທິການກອງທັບ, ອີງຕາມກົດໝາຍນາຍທະຫານກອງທັບປະຊາຊົນລາວ ວ່າດ້ວຍການແຕ່ງຕັ້ງ, ຍົກຍ້າຍນາຍທະຫານ, ອີງຕາມທິດທາງວ່າດ້ວຍການປັບປຸງບູລະນະກົງຈັກການຈັດຕັ້ງນໍາພາ-ບັນຊາ ໃນກໍາລັງປະກອບອາວຸດໃຫ້ເຂັ້ມແຂງ, ໜັກແໜ້ນຮອບດ້ານເພື່ອເຮັດສໍາເລັດໜ້າທີ່ປົກປັກຮັກສາ ແລະ ສ້າງສາປະເທດຊາດ. ດັ່ງນັ້ນກະຊວງປ້ອງກັນປະເທດ ຕົກລົງແຕ່ງຕັ້ງ ພັນໂທ ຈັນທະພອນ ສີລືໄຊ ເປັນຮອງຫົວໜ້າຫ້ອງພະລາທິການ ວິທະຍາຄານພະລາທິການກອງທັບ. ພ້ອມນີ້ຍັງໄດ້ຜ່ານຂໍ້ຕົກລົງ ຂອງກົມໃຫຍ່ການເມືອງກອງທັບ ວ່າດ້ວຍການແຕ່ງຕັ້ງຄະນະບັນຊາໂຮງໝໍ 15 ຕຽງ ທີ່ຂຶ້ນກັບ ຫ້ອງພະລາທິການ ວິທະຍາຄານພະລາທິການກອງທັບ ຈໍານວນ 03 ສະຫາຍຄື: ພັນໂທ ນາງ ຄໍາຄູນ ອຸດສະຫວັນ ເປັນຫົວໜ້າໂຮງໝໍ 15 ຕຽງ (ຊີ້ນໍາລວມ), ພັນຕີ ອຸດົມໄຊ ສີສົມບັດ ເປັນຮອງຫົວໜ້າ ຮັບຜິດຊອບວຽກງານການເມືອງ ແລະ ພັນຕີ ນາງ ຄໍາພວງ ແສງດາວົງ ເປັນຮອງຫົວໜ້າ ຮັບຜິດຊອບວຽກງານວິຊາສະເພາະ. ໃນຕອນທ້າຍສະຫາຍປະທານກໍໄດ້ໃຫ້ການໂອ້ລົມ ແລະ ໃຫ້ທັດສະນະຊີ້ນໍາອັນມີຄວາມໝາຍສໍາຄັນໃນຫຼາຍດ້ານ, ພ້ອມທັງໄດ້ສະແດງຄວາມຍ້ອງຍໍຊົມເຊີຍຕໍ່ຄະນະນໍາ-ຄະນະບັນຊາທຸກຂັ້ນຕະຫຼອດຮອດບັນດາສະຫາຍຜູ້ທີ່ໄດ້ຮັບໜ້າທີ່ໃໝ່ທີ່ສາມາດຍາດໄດ້ຜົນສໍາເລັດຫຼາຍດ້ານໃນໄລຍະຜ່ານມາ ແລະ ຮຽກຮ້ອງໃຫ້ຜູ່ທີ່ໄດ້ຮັບໜ້າທີ່ໃໝ່ຈົ່ງສືບຕໍ່ປະຕິບັດໜ້າທີ່ການເມືອງຂອງຕົນທີ່ໄດ້ຮັບມອບໝາຍໃຫ້ມີຜົນສໍາເລັດໃນທຸກດ້ານ, ເປັນແບບຢ່າງນໍາໜ້າທຸກຂົງເຂດວຽກງານ, ເປັນອີກໜຶ່ງກໍາລັງແຮງຍູ້ດັນເພື່ອພັດທະນາກົມກອງໃຫ້ນັບມື້ເຕີບໃຫຍ່ຂະຫຍາຍຕົວເຂັ້ມແຂງໜັກແໜ້ນຂຶ້ນເປັນກ້າວໆ. ໂດຍ: ແກ້ວອຸດອນ ລັດສະໝີ.

news to day and hot news