ວັນສຸກ, ວັນທີ 04 ຕຸລາ 2024
ຄະນະອໍານວຍການໂຮງໝໍສູນກາງ 103 ກອງທັບປະຊາຊົນລາວ ເຂົ້າອວຍພອນທີ່ປຶກສາທູດຝ່າຍປ້ອງກັນຊາດ ສປ ຈີນ
ເວລາອອກຂ່າວ: 2024-10-02 15:28:23 | ຜູ້ຂຽນ : admin2 | ຈຳນວນຄົນເຂົ້າຊົມ: 261 | ຄວາມນິຍົມ: 
ວັນທີ 1 ຕຸລາ 2024 ນີ້, ສະຫາຍ ພົນຈັດຕະວາ ດຣ ນາງ ມາລີວອນ ສຸລິຍະແສງ ຫົວໜ້າການເມືອງ ໂຮງໝໍສູນກາງ 103 ກອງທັບປະຊາຊົນລາວ ພ້ອມດ້ວຍຄະນະ ເຂົ້າອວຍພອນ ສະຫາຍ ພັນເອກ ພິເສດ ຫຼີປິງ ທີ່ປຶກສາທູດຝ່າຍປ້ອງກັນຊາດ ສປ ຈີນ ປະຈໍາ ສປປ ລາວ ເນື່ອງໃນວັນສະຖາປະນາ ສປ ຈີນ ຄົບຮອບ 75 ປີ.
ສະຫາຍ ພົນຈັດຕະວາ ດຣ ນາງ ມາລີວອນ ສຸລິຍະແສງ ຕາງໜ້າໃຫ້ພະນັກງານ-ນັກຮົບ ທົ່ວໂຮງໝໍສູນກາງ 103 ກອງທັບປະຊາຊົນລາວ ນໍາເອົາຄວາມຢ້ຽມຢາມຖາມຂ່າວ ແລະ ຄໍາອວຍພອນອັນປະເສີດມາຍັງ ສະຫາຍທີ່ປຶກສາທູດຝ່າຍປ້ອງກັນຊາດ ສປ ຈີນ ປະຈໍາລາວ ແລະ ຝາກຄວາມຢື້ຢາມ ຖາມ-ຂ່າວ ໄປຍັງພັກ-ລັດ ແລະ ກະຊວງປ້ອງກັນປະເທດ ສປ ຈີນ, ໂດຍສະເພາະ ທີ່ປືກສາທູດຝ່າຍປ້ອງກັນຊາດ ສປ ຈີນ ປະຈໍາ ສປປ ລາວ ຈົ່ງມີສຸຂະພາບເຂັ້ມແຂງ ປະສົບຜົນສໍາເລັດ ໃນໜ້າທີ່ວຽກງານອັນມີກຽດຂອງບັນດາສະຫາຍ ແລະ ພ້ອມກັນສືບຕໍ່ຮັກສາມູນເຊື້ອຄວາມສາມັກຄີ ປອງດອງອັນດີງາມຂອງສອງພັກ, ສອງລັດ, ສອງກອງທັບລາວ-ຈີນ ໃຫ້ແໜ້ນແຟ້ນຍິງຂຶ້ນກໍ່ຄືສາຍພົວພັນຮ່ວມມືລະຫວ່າງ ສອງຊາດ ສອງກອງທັບໃຫ້ໝັ້ນຄົງທະນົງແກ່ນ. ພ້ອມທັງໄດ້ກ່າວສະແດງຄວາມຮູ້ບຸນຄຸນແກ່ສະຫາຍ ຫຼີປິງ ທີ່ໄດ້ເອົາໃຈໃສ່ພັກດັນໂຮງໝໍໃຫ້ມີຄວາມກ້າວໜ້າ, ເຕີບໃຫຍ່ເຂັ້ມແຂງດ້ານວິຊາການ ແລະ ດ້ານບຸກຄະລາກອນແພດໝໍຕ່າງໆໃນໄລຍະຜ່ານມາຈົນເຖິງປັດຈຸບັນເຮັດໃຫ້ໂຮງໝໍສູນກາງ 103 ກອງທັບປະຊາຊົນລາວ ໄດ້ຮັບຄວາມເຊື່ອໝັ້ນຈາກພໍ່ແມ່ປະຊາຊົນຜູ້ບາດເຈັບ ແລະ ເຈັບປ່ວຍ.
ສະຫາຍ ພັນເອກ ພິເສດ ຫຼີປີງ ໄດ້ກ່າວສະແດງ ຄວາມຂອບໃຈຕໍ່ຄະນະອໍານວຍການໂຮງໝໍສູນກາງ 103 ກອງທັບປະຊາຊົນລາວ ເຊິ່ງຍາມໃດກໍ່ໃຫ້ຄວາມຫ່ວງໃຍຢື້ຢາມຖາມ-ຂ່າວ ທັງເປັນການເພີ່ມທະວີຮັດແໜ້ນສາຍພົວພັນມິດຕະພາບ ອັນເລິກເຊິ່ງທີດີຕໍ່ກັນ ແລະ ຮ່ວມມືກັນລະຫວ່າງສອງຊາດ, ສອງກອງທັບໃຫ້ນັບເຕີບໃຫຍ່ຂະຫຍາຍຕົວຮ່ວມກັນຍິ່ງໆຂຶ້ນ.
ໂດຍ: ໂຊກທະວີ ແກ້ວບຸດຕະລາດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
