ວັນສຸກ, ວັນທີ 04 ຕຸລາ 2024
ເຊັນສັນຍາການຕິດຕັ້ງບໍລິການລະບົບໂປຣແກຣມ ແລະ ຄ່າບໍລິການທີ່ປຶກສາບັນຊີ
ເວລາອອກຂ່າວ: 2024-10-02 14:17:31 | ຜູ້ຂຽນ : admin2 | ຈຳນວນຄົນເຂົ້າຊົມ: 146 | ຄວາມນິຍົມ: 
ບໍລິສັດ ເອພີໄອເອັສ ຈຳກັດ ແລະ ບໍລິສັດ ລັດວິສາຫະກິດ ນໍ້າມັນເຊື້ອໄຟວຽງຈັນ ໄດ້ຈັດພິທີເຊັນສັນຍາການຕິດຕັ້ງບໍລິການລະບົບໂປຣແກຣມ ແລະ ຄ່າບໍລິການທີ່ປຶກສາບັນຊີ ປະຈຳປີ 2025 ຂຶ້ນໃນວັນທີ1 ຕຸລາ 2024 ນີ້, ທີ່ນະຄອນຫຼວງວຽງຈັນ.
ພິທີເຊັນສັນຍາໃນຄັ້ງນີ້, ຕາງໜ້າບໍລິສັດ ເອພີໄອເອັສ ຈຳກັດ ໂດຍແມ່ນ ທ່ານ ວົງເດືອນ ອິນປະເສີດ ຮອງປະທານບໍລິສັດ ແລະ ບໍລິສັດ ລັດວິສາຫະກິດ ນໍ້າມັນເຊື້ອໄຟວຽງຈັນ ໂດຍແມ່ນ ທ່ານ ພັນເອກ ບຸນທົງ ກອງເທດມະນີ ຜູ້ອໍານວຍການ ບໍລິສັດ ລັດວິສາຫະກິດ ນໍ້າມັນເຊື້ອໄຟວຽງຈັນ, ມີ ທ່ານ ປອ.ນາງ ແກ້ວສຸດໃຈ ປຣະເສີດ ທີ່ປຶກສາກິດຕິມາສັກ ບໍລິສັດ ເອພີໄອເອັສ, ຮອງຜູ້ອໍານວຍການ ບໍລິສັດ ລັດວິສາຫະກິດ ນ້ຳມັນເຊື້ອໄຟວຽງຈັນ ແລະ ມີພະນັກງານທັງສອງຝ່າຍເຂົ້າຮ່ວມເປັນສັກຂີພິຍານ.
ພິທີເຊັນສັນຍາຄັ້ງນີ້ ຄູ່ສັນຍາທັງສອງຝ່າຍໄດ້ຕົກລົງຊື້-ຂາຍ ບໍລິການລະບົບໂປຣແກຣມ ແລະ ຄ່າບໍລິການທີ່ປຶກສາບັນຊີເປັນເອກະພາບກັນດັ່ງນີ້: ເນື້ອໃນສັນຍາ“ຝ່າຍຊື້” ຕົກລົງໃຫ້ “ຝ່າຍຂາຍ” ຕິດຕັ້ງ, ບໍລິການລະບົບໂປຣແກຣມ ແລະ ຄ່າບໍລິການທີ່ປຶກສາບັນຊີປະກອບມີລາຍລະອຽດດັ່ງລຸ່ມນີ້: ຄ່າບໍລິການທີ່ປຶກສາບັນຊີປະຈໍາປີ 2025, ລະບົບໂປຣແກຣມຄຸ້ມຄອງສາງ-ຂາຍນໍ້າມັນໃຫ້ບັນດາປໍ້າ, ລະບົບໂປຣແກຣມຄິດໄລ່ເງິນເດືອນ 1 ຊຸດ, ລະບົບໂປຣແກຣມບັນຊີຊັບສິນ 1 ຊຸດ, ລະບົບໂປຣແກຣມບັນຊີວິສາຫະກິດ 1 ຊຸດ (ນໍາໃຊ້ຟຣີໃນປີ 2024), ລະບົບໂປຣແກຣມການເງິນ 1 ຊຸດ ແລະ ຄ່າຂຽນຄູ່ມືການເດີນລະບົບບັນຊີຂອງບໍລິສັດ1 ຊຸດ, ໃນການຕິດຕັ້ງໂປແກຣມດັ່ງກ່າວ ຈະເຮັດໃຫ້ບັນດາວຽກງານພາຍໃນ ບໍລິສັດ ລັດວິສາຫະກິດ ນໍ້າມັນເຊື້ອໄຟວຽງຈັນ ມີຄວາມສະດວກ ວ່ອງໄວ ແລະ ທັນສະໄໝຂຶ້ນກວ່າເກົ່າ.
ບໍລິສັດ ເອພີໄອເອັສ ຈຳກັດ ເປັນບໍລິສັດທີ່ພັດທະນາໂປຣແກຣມທີ່ທັນສະໄໝ ໂດຍສະເພາະແມ່ນຄົນລາວເປັນຜູ້ພັດທະນາຂຶ້ນເປັນພາສາລາວ, ສະໜອງໃຫ້ແກ່ບັນດາພາກລັດ-ພາກທຸລະກິດໃນຂົງເຂດພາຍໃນປະເທດ, ການນຳໃຊ້ກໍ່ສະດວກງ່າຍຂຶ້ນສອດຄ່ອງກັບວຽກງານຕົວຈິງຂອງ ສປປ ລາວ, ບໍລິສັດຕັ້ງຢູ່: ຖະໜົນມິດຕະພາບລາວ-ໄທ, ບ້ານທົ່ງພານທອງ, ເມືອງ ສີສັດຕະນາກ, ນະຄອນຫຼວງວຽງຈັນ ໂທລະສັບ: (856-21) 263374,020 2222 8715 ໂທລະສານ: (856-21) 260865
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
