ວັນພະຫັດ, ວັນທີ 03 ຕຸລາ 2024
ຄະນະນໍາກະຊວງປ້ອງກັນປະເທດ ເຂົ້າອວຍພອນທີ່ປຶກສາທູດຝ່າຍປ້ອງກັນຊາດ ສປ ຈີນ
ເວລາອອກຂ່າວ: 2024-10-02 14:05:45 | ຜູ້ຂຽນ : admin2 | ຈຳນວນຄົນເຂົ້າຊົມ: 165 | ຄວາມນິຍົມ: 
ວັນທີ 2 ກັນຍາ 2024 ນີ້, ຄະນະນໍາກະຊວງປ້ອງກັນປະເທດລາວ ນໍາໂດຍ ສະຫາຍ ພົນຕີ ປະສິດ ທ່ຽງທໍາ ຮອງລັດຖະມົນຕີກະຊວງປ້ອງກັນປະເທດລາວ ພ້ອມດ້ວຍຄະນະ ໄດ້ນໍາເອົາກະຕ່າດອກໄມ້ເຂົ້າອວຍພອນທີ່ປຶກສາທູດຝ່າຍປ້ອງກັນຊາດ ສປ ຈີນ ປະຈຳ ສປປ ລາວ, ເນື່ອງໃນໂອກາດວັນສະຖາປະນາ ສາທາລະນະລັດ ປະຊາຊົນຈີນ ຄົບຮອບ 75 ປີ (1 ຕຸລາ 1949 -1 ຕຸລາ 2024), ໂດຍການຕ້ອນຮັບຂອງ ສະຫາຍ ພັນເອກ ພິເສດ ຫຼີປີງ ຫົວໜ້າຫ້ອງການທີ່ປຶກສາທູດຝ່າຍປ້ອງກັນຊາດ ສປ ຈີນ ປະຈຳ ລາວ ພ້ອມດ້ວຍຄະນະ.
ໂອກາດນີ້, ສະຫາຍ ພົນຕີ ປະສິດ ທ່ຽງທໍາ ໄດ້ຕາງໜ້າໃຫ້ຄະນະນໍາກະຊວງປ້ອງກັນປະເທດລາວ ກ່າວຄຳອວຍພອນໄຊອັນປະເສີດມາຍັງ ສະຫາຍທີ່ປຶກສາທູດຝ່າຍປ້ອງກັນຊາດ ສປ ຈີນ ປະຈຳ ສປປ ລາວ ແລະ ຝາກຄວາມຢື້ຢາມຖາມຂ່າວໄປຍັງພັກ-ລັດຖະບານກໍຄືກະຊວງປ້ອງກັນປະເທດ ສປ ຈີນ ຈົ່ງມີສຸຂະພາບເຂັ້ມແຂງ, ມີພະລານະໄມສົມບູນພູນສຸກ, ປະສົບຜົນສຳເລັດໃນໜ້າທີ່ວຽກງານອັນມີກຽດສະຫງ່າຂອງບັນດາສະຫາຍ, ອວຍພອນໃຫ້ສາຍພົວພັນການຮ່ວມມື ແລະ ມູນເຊື້ອອັນດີງາມຂອງສອງພັກ, ສອງລັດ, ສອງກອງທັບ ລາວ-ຈີນ ຈີນ-ລາວ ຈົ່ງໝັ້ນຄົງທະນົງແກ່ນ.
ໂອກາດນີ້, ສະຫາຍ ພັນເອກ ພິເສດ ຫຼີປິງ ກໍໄດ້ສະແດງຄວາມຂອບໃຈສະຫາຍ ຮອງລັດຖະມົນຕີກະຊວງປ້ອງກັນປະເທດລາວ ພ້ອມຄະນະ ທີ່ໄດ້ນໍາເອົາກະຕ່າຂອງຂວັນເຂົ້າອວຍພອນເນື່ອງໃນໂອກາດວັນສະຖາປະນາ ສາທາລະນະລັດ ປະຊາຊົນຈີນ ຄົບຮອບ 75 ປີ ພ້ອມທັງກ່າວວ່າ: ສາຍພົວພັນແຫ່ງມິດຕະພາບ, ຄວາມສາມັກຄີຮັກແພງ ຖານບ້ານໃກ້ເຮືອນຄຽງ, ມີແມ່ນໍ້າ ແລະ ສາຍພູຕິດຈອດກັນ ສອງພັກ ສອງລັດ ກໍຄືສອງກອງທັບ ຈີນ-ລາວ ລາວ-ຈີນ ແມ່ນນັບມື້ໄດ້ຮັບການເສີມຂະຫຍາຍຢ່າງໃກ້ຊິດ ແລະ ແຕກດອກອອກຜົນຍິ່ງໆຂຶ້ນ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
