ວັນສຸກ, ວັນທີ 04 ຕຸລາ 2024
ງານບຸນວັດທະນະທຳແຫ່ງຊາດ ສະເຫຼີມສະຫຼອງຜົນສຳເລັດການກໍ່ສ້າງເຂດການຮ່ວມມືເສດຖະກິດ ລາວ-ຈີນ ຈັດຂຶ້ນຢ່າງຄຶກຄື້ນ
ເວລາອອກຂ່າວ: 2024-10-02 13:29:54 | ຜູ້ຂຽນ : admin2 | ຈຳນວນຄົນເຂົ້າຊົມ: 148 | ຄວາມນິຍົມ: 
ງານບຸນວັດທະນະທຳແຫ່ງຊາດ ທີ່ ບໍ່ຫານ ສປ ຈີນໄດ້ຈັດຂຶ້ນຢ່າງຄຶກຄື້ນ ໃນລະຫວ່າງວັນທີ 1-3 ຕຸລາ 2024 ນີ້, ໂດຍມີຫຼາກຫຼາຍກິດຈະກຳເພື່ອຊຸກຍູ້ການຄ້າ ແລະ ແລກປ່ຽນວັດທະນະທຳລະຫວ່າງສອງປະເທດ ລາວ-ຈີນ, ຈີນ-ລາວ ທັງເປັນການຮ່ວມກັນສະເຫຼີມສະຫຼອງຜົນສຳເລັດອັນສະຫງ່າງາມໃນການກໍ່ສ້າງເຂດການຮ່ວມມືເສດຖະກິດ ຈີນ-ລາວ (ບໍ່ຫານ-ບໍ່ເຕ່ນ) ແລະ ຊຸກຍູ້ການເຊື່ອມໂຍງວັດທະນະທຳຂອງປະຊາຊົນ ລາວ-ຈີນ, ຈີນ-ລາວ ໂດຍສະເພາະຢູ່ເຂດຊາຍແດນ ບໍ່ຫານ-ບໍ່ເຕ່ນ ໃຫ້ແໜ້ນແຟ້ນຍິ່ງໆຂຶ້ນ, ທັງເປັນການກໍ່ສ້າງສູນຈັດສັນອາຊີຕາເວັນອອກສ່ຽງໃຕ້ອີກດ້ວຍ.
ງານບຸນວັດທະນະທຳແຫ່ງຊາດ ທີ່ ບໍ່ຫານ ສປ ຈີນ ແມ່ນຈັດຂຶ້ນເປັນຄັ້ງທຳອິດ, ໃນນັ້ນ ມີກິດຈະກຳເປີດເສັ້ນທາງການຄ້າປະຕູແຫ່ງຊາດ, ງານບຸນດົນຕີສາກົນບໍ່ຫານຄັ້ງທຳອິດ, ງານບຸນກາເຟສາກົນ ແລະ ກິດຈະກຳອື່ນໆ ທີ່ມວນຊົນໃຫ້ຄວາມສົນໃຈ ແລະ ເຂົ້າທ່ຽວຊົມເປັນຈຳນວນຫຼວງຫຼາຍ, ສະເພາະ ສປປ ລາວ ມີ ກຸ່ມບໍ່ລິສັດ ທ່ອງທ່ຽວ ວັດທະນະທຳລາວມະຫາຊົນ , ສະມາຄົມກາເຟລາວ ແລະ ບັນດາ ຮ້ານກາເຟ ລາວ ອັນດັບຕົ້ນໆຂອງປະເທດເຂົ້າຮ່ວມ ເຊິ່ງມວນຊົນຈຳນວນຫຼາຍໄດ້ໃຫ້ຄວາມສົນໃຈກາເຟລາວ ທີ່ມີກິ່ນຫອມເປັນເອກະລັກສະເພາະໂຕ ແລະ ມີຫຼາຍສາຍພັນຫຼາຍຊະນິດທີ່ນັກດື່ມກາເຟບໍ່ຄວນພາດໃນງານຄັ້ງນີ້ ພ້ອມນັ້ນຍັງໄດ້ແລກປ່ຽນບົດຮຽນກ່ຽວກັບການປູກກາເຟ,ການແປຮູບຜະລິດຕະພັນຕ່າງໆ,ລວມໄປເຖິງການສຶກສາກ່ຽວກັບການຕະຫຼາດຈໍາໜ່າຍກາເຟກັບບັນດາປະເທດຕ່າງໆທີ່ເຂົ້າຮ່ວມງານ.
ພາຍໃນງານຍັງມີການສະແດງສິລະປະແລກປ່ຽນວັດທະນະທຳ, ສີລະປະດົນຕີສາກົນ, ກິລາ, ງານປະກວດຕ່າງໆ ທີ່ສ່ອງແສງເຖີງການຢູ່ຮ່ວມກັນດ້ວຍວັດທະນະທຳຮີດຄອງປະເພນີອັນດີງາມ ແລະ ຮ່ວມກັນສາສ້າງພັດທະນາປະເທດຊາດ ຈະເລີນງອກງາມຍິ່ງໆຂຶ້ນ, ໃນງານຄັ້ງນີ້ ໄດ້ມີສີລະປິນຊື່ດັງ ຂອງ ສປປ ລາວ ເຂົ້າຮ່ວມ ຄື: Black eyes ແລະ ດາວເໜືອ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
