ວັນພະຫັດ, ວັນທີ 03 ຕຸລາ 2024
ຫົວໜ້າການເມືອງທະຫານອາກາດ ເຂົ້າອວຍພອນ ທີ່ປຶກສາທູດຝ່າຍປ້ອງກັນຊາດ ສປ ຈີນ
ເວລາອອກຂ່າວ: 2024-10-01 15:29:57 | ຜູ້ຂຽນ : admin2 | ຈຳນວນຄົນເຂົ້າຊົມ: 179 | ຄວາມນິຍົມ: 
ວັນທີ 01 ຕຸລາ ນີ້, ສະຫາຍ ພົນຈັດຕະວາ ບຸນມາ ຈັນທະວົງສາ ຫົວໜ້າການເມືອງ ກອງບັນຊາການທະຫານອາກາດ ພ້ອມດ້ວຍຄະນະ ໄດ້ເຂົ້າອວຍພອນ ທີ່ປືກສາທູດຝ່າຍປ້ອງກັນຊາດ ສປ ຈີນ ປະຈໍາ ສປປ ລາວ, ເນື່ອງໃນໂອກາດ ສະເຫຼີມສະຫຼອງ ວັນສະຖາປານາ ສປ ຈີນ ຄົບຮອບ 75 ປີ (1 ຕຸລາ 1949 - 1 ຕຸລາ 2024) ໂດຍການຕ້ອນຮັບ ຂອງສະຫາຍ ພັນເອກ ພິເສດ ຫລີ່ປີງ ຫົວໜ້າຫ້ອງການທີ່ປືກສາທູດຝ່າຍປ້ອງກັນຊາດ ສປ ຈີນ ປະຈໍາລາວ ພ້ອມດ້ວຍຄະນະ.
ສະຫາຍ ພົນຈັດຕະວາ ບຸນມາ ຈັນທະວົງສາ ຕາງໜ້າໃຫ້ພະນັກງານ-ນັກຮົບ ທົ່ວກອງບັນຊາການທະຫານອາກາດ ນໍາເອົາຄວາມຢ້ຽມຢາມຖາມຂ່າວ ແລະ ຄໍາອວຍພອນອັນປະເສີດມາຍັງ ສະຫາຍທີ່ປຶກສາທູດຝ່າຍປ້ອງກັນຊາດ ສປ ຈີນ ປະຈໍາລາວ ແລະ ຝາກຄວາມຢື້ຢາມ ຖາມ-ຂ່າວ ໄປຍັງພັກ-ລັດ ແລະ ກະຊວງປ້ອງກັນປະເທດ ສປ ຈີນ, ໂດຍສະເພາະ ທີ່ປືກສາທູດຝ່າຍປ້ອງກັນຊາດ ສປ ຈີນ ປະຈໍາ ສປປ ລາວ ຈົ່ງມີສຸຂະພາບເຂັ້ມແຂງ ປະສົບຜົນສໍາເລັດ ໃນໜ້າທີ່ວຽກງານອັນມີກຽດຂອງບັນດາສະຫາຍ ແລະ ພ້ອມກັນສືບຕໍ່ຮັກສາມູນເຊື້ອຄວາມສາມັກຄີ ປອງດອງອັນດີງາມຂອງສອງພັກ, ສອງລັດ, ສອງກອງທັບລາວ-ຈີນ ໃຫ້ແໜ້ນແຟ້ນຍິງຂຶ້ນກໍ່ຄືສາຍພົວພັນຮ່ວມມືລະຫວ່າງ ສອງຊາດ ສອງກອງທັບໃຫ້ໝັ້ນຄົງທະນົງແກ່ນ ເວົ້າລວມເວົ້າສະເພາະການຊ່ວຍເຫຼືອດ້ານເຕັກນິກການທະຫານ, ການສຶກສາສ້າງບຸຄະລາກອນໃຫ້ ກອງບັນຊາການທະຫານອາກາດ ໃຫ້ນັບມື້ເຕີບໃຫຍ່ເຂັ້ມແຂງທັນສະໄໝ.
ໂອກາດດຽວກັນນີ້, ສະຫາຍ ພັນເອກ ພິເສດ ຫລີ່ປີງ ຫົວໜ້າຫ້ອງການທີ່ປືກສາທູດປ້ອງກັນຊາດ ສປ ຈີນ ປະຈໍາລາວ ກໍໄດ້ກ່າວສະແດງ ຄວາມຂອບໃຈ ຕໍ່ຄະນະພັກ-ຄະນະບັນຊາ ກອງບັນຊາການທະຫານອາກາດ ພ້ອມດ້ວຍພະນັກງານ-ນັກຮົບທົ່ວອົງການ. ເຊີ່ງຍາມໃດກໍ່ໃຫ້ຄວາມຫ່ວງໃຍຢື້ຢາມຖາມ-ຂ່າວ ແລະ ພ້ອມກັນປຶກສາຫາລືແລກປ່ຽນຖອດຖອນບົດຮຽນຮ່ວມກັນ ທັງເປັນການເພີ່ມທະວີຮັດແໜ້ນສາຍພົວພັນ ມິດຕະພາບອັນເລິກເຊິ່ງທີດີຕໍ່ກັນ ແລະ ຮ່ວມມືກັນລະຫວ່າງສອງຊາດ, ສອງກອງທັບໃຫ້ນັບເຕີບໃຫຍ່ຂະຫຍາຍຕົວຮ່ວມກັນຍິ່ງໆຂຶ້ນ.
ຂ່າວໂດຍ: ສີທາ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
