ວັນສຸກ, ວັນທີ 04 ຕຸລາ 2024
ກອງປະຊຸມແລກປ່ຽນສະພາບ ປະຈໍາປີ ລະຫວ່າງ ກອງພົນທີ 2 ກັບ ກອງພົນ 316
ເວລາອອກຂ່າວ: 2024-10-01 11:42:36 | ຜູ້ຂຽນ : admin2 | ຈຳນວນຄົນເຂົ້າຊົມ: 191 | ຄວາມນິຍົມ: 
ກອງປະຊຸມແລກປ່ຽນສະພາບ ປະຈໍາປີ 2024 ລະຫວ່າງ ກອງພົນທີ 2 ກອງທັບປະຊົນລາວ ກັບ ກອງພົນ 316 ເຂດ 2 ກອງທັບປະຊາຊົນຫວຽດນາມ ໄດ້ຈັດຂຶ້ນໃນວັນທີ 25 ກັນຍາ 2024 ນີ້, ຢູ່ທີ່ກອງພົນ 316 ເຂດ 2 ກອງທັບປະຊາຊົນຫວຽດນາມ. ເຊິ່ງຝ່າຍລາວນໍາໂດຍ ສະຫາຍ ພົນຈັດຕະວາ ວຽງແກ້ວ ສີສຸລາດ ຫົວໜ້າການເມືອງ ກອງພົນທີ 2, ຝ່າຍຫວຽດນາມ ນໍາໂດຍ ສະຫາຍ ພັນເອກ ພິເສດ ບຸ່ຍເທ່ຢຸ້ງ ຫົວໜ້າການທະຫານ ກອງພົນ 316 ເຂດ 2 ກອງທັບປະຊາຊົນຫວຽດນາມ. ພ້ອມດ້ວຍຄະນະຜູ້ແທນທັງສອງຝ່າຍ ເຂົ້າຮ່ວມ.
ໃນກອງປະຊຸມຫົວໜ້າຄະນະທັງສອງຝ່າຍໄດ້ຜັດປ່ຽນກັນຜ່ານບົດລາຍງານແລກປ່ຽນສະພາບທາງດ້ານການເມືອງ, ການພັດທະນາເສດຖະກິດ-ສັງຄົມ, ພ້ອມທັງຕີລາຄາສູງຕໍ່ໝາກຜົນການພົວພັນຮ່ວມມືຈັດຕັ້ງປະຕິບັດຂົງເຂດວຽກງານການທະຫານ, ປ້ອງກັນຊາດ, ການແລກປ່ຽກຖອດຖອນບົດຮຽນ ແລະ ການຊ່ວຍເຫຼືອທາງດ້ານວິຊາການ, ພ້ອມທັງເອກະພາບທິດທາງແຜນການຮ່ວມມື ປະຈໍາປີ 2024 ໂດຍປະຕິບັດຕາມບົດບັນທຶກຊ່ວຍຈໍາ ໃນປີ 2022 ເພື່ອເປັນການສືບຕໍ່ຮັດແໜ້ນສາຍພົວພັນການຮ່ວມມືອັນເປັນມູນເຊື້ອແບບພິເສດຂອງສອງຊາດ, ສອງກອງທັບລາວ-ຫວຽດນາມ ແລະ ສອງກົມກອງທີ່ມີມູນເຊື້ອອັນດີງາມຕໍ່ກັນຕະຫຼອດມາ. ພ້ອມກັນນີ້, ຍັງໄດ້ຕີລາຄາເຖິງການພົວພັນຮ່ວມມືຊ່ວຍເຫຼືອເຊິ່ງກັນ ແລະ ກັນ ຕະຫຼອດໄລຍະຜ່ານມາ, ສະພາບການເຄື່ອນໄຫວໃນຕໍ່ໜ້າ ແລະ ຍາວນານ ທ່າມກາງສະພາບການຂອງໂລກມີການປ່ຽນແປງ ໂດຍສະເພາະແມ່ນຂົງເຂດຍຸດທະສາດການທະຫານ. ຈາກນັ້ນ, ກໍຍັງໄດ້ສືບຕໍ່ປັບປຸງເພີ່ມທະວີຫັດແໜ້ນສາຍພົວພັນສາມັກຄີ, ຄວາມຈົງຮັກພັກດີ ລະຫວ່າງ ສອງກອງທັບ. ເວົ້າລວມ. ເວົ້າສະເພາະ, ກໍຄື ກອງພົນທີ 2 ກອງທັບຊາຊົນລາວ ກັບ ກອງພົນ 316 ເຂດ 2 ກອງທັບປະຊາຊົນຫວຽດນາມ.
ຈາກນັ້ນ, ກອງປະຊຸມກໍໄດ້ເຊັນບົດບັນທຶກຊ່ວຍຈໍາ ຕາງໜ້າກອງພົນທີ 2 ໂດຍແມ່ນ ສະຫາຍ ພົນຈັດຕະວາ ວຽງແກ້ວ ສີສຸລາດ ຫົວໜ້າການເມືອງ ກອງພົນທີ 2 ກອງທັບປະຊາຊົນລາວ, ຕາງໜ້າກອງພົນ 316 ໂດຍແມ່ນ ສະຫາຍ ພັນເອກ ພິເສດ ບຸ່ຍເທ່ຢຸ້ງ ຫົວໜ້າການທະຫານ ກອງພົນ 316 ເຂດ 2 ກອງທັບປະຊາຊົນຫວຽດນາມ.
ໂດຍ: ຄໍາຮັກ ໄຊວັນທອນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
