ວັນສຸກ, ວັນທີ 04 ຕຸລາ 2024
ກອງພົນທີ 1 ຈັດພິທີເຄົາລົບທຸງຊາດ
ເວລາອອກຂ່າວ: 2024-10-01 11:40:44 | ຜູ້ຂຽນ : admin2 | ຈຳນວນຄົນເຂົ້າຊົມ: 180 | ຄວາມນິຍົມ: 
ໃນວັນທີ 30 ກັນຍາ 2024 ນີ້, ກອງພົນທີ1 ໄດ້ຈັດພິທີເຄົາລົບທຸງຊາດ ປະຈໍາເດືອນ ກັນຍາ 2024, ໂດຍການເປັນປະທານຂອງ ສະຫາຍ ພົນຈັດຕະວາ ອຸ່ນຈັນ ແດງວັນສົມ ຫົວໜ້າການທະຫານກອງພົນ, ມີ ສະຫາຍ ພົນຈັດຕະວາ ວົງຈັນ ພັນຈັນທະມານ ຫົວໜ້າການເມືອງກອງພົນ ພ້ອມດ້ວຍຄະນະ, ມີບັນດາກ້ອນກໍາລັງຈາກອົງການ, ກົມກອງອ້ອມຂ້າງສໍານັກງານ ເຂົ້າຮ່ວມ.
ການຈັດຕັ້ງພິທີເຄົາລົບທຸງຊາດ ໝາຍເຖິງການມີສະຕິຄວາມຕື່ນຕົວສູງຕໍ່ຊາດ, ການເຄົາລົບອໍານາດອະທິປະໄຕ ແລະ ຜືນແຜ່ນດິນອັນຄົບຖ້ວນຂອງຊາດ, ເຄົາລົບຕໍ່ການນໍາພັກ-ລັດ, ນັກຮົບປະຕິວັດ ແລະ ປະຊາຊົນລາວບັນດາເຜົ່າທີ່ໄດ້ເສຍສະຫຼະຊີວິດ, ເລືອດເນື້ອ ເພື່ອພາລະກິດຕໍ່ສູ້ກູ້ຊາດຢ່າງອົງອາດກ້າຫານ, ເດັດດ່ຽວໜຽວ
ແໜ້ນ ເພື່ອນໍາເອົາ ສັນຕິພາບ ເອກະລາດ ປະຊາທິປະໄຕ ທີ່ໝັ້ນຄົງຄືນສູ່ປວງຊົນລາວທັງຊາດ. ດັ່ງນັ້ນ, ທຸກໆທ້າຍເດືອນ ກອງພົນທີ 1 ຈຶ່ງໄດ້ຈັດພິທີເຄົາລົບທຸງຊາດ ເປັນປະຈໍາ ໂດຍຜັດປ່ຽນກັນເປັນປະທານພິທີຂອງຫົວໜ້າການເມືອງ ແລະ ຫົວໜ້າການທະຫານກອງພົນ. ໂອກາດດຽວກັນນີ້, ກໍເພື່ອແຈ້ງສະພາບການຕ່າງໆທີ່ເກີດຂຶ້ນຢູ່ພາຍໃນປະເທດ ແລະ ຂອບເຂດກົມກອງຮັບຜິດຊອບ, ທັງເປັນການສະຫຼຸບຕີລາຄາຄືນການນໍາພາ-ຊີ້ນໍາຂອງຄະນະພັກ-ຄະນະບັນຊາ ແລະ ການຈັດຕັ້ງປະຕິບັດ ພາລະບົດບາດ, ໜ້າທີ່ການເມືອງຂອງບັນດາກົມກອງຮາກຖານທົ່ວກອງພົນ ບົນພື້ນຖານການຈັດຕັ້ງປະຕິບັດໜ້າທີ່ວຽກງານທີ່ສໍາຄັນໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານ ທີ່ຄະນະພັກກະຊວງປ້ອງກັນປະເທດວາງອອກ ແລະ ແຈ້ງແຜນວຽກໃນໜຶ່ງເດືອນຕໍ່ໜ້າໃຫ້ບັນດາກົມກອງໄດ້ຮັບຊາບ ເພື່ອກຽມພ້ອມຈັດຕັ້ງປະຕິບັດໃຫ້ເປັນຂະບວນການຟົດຟື້ນຕໍ່ເນື່ອງ ແລະ ມີຜົນສໍາເລັດຢ່າງສະຫງ່າງາມ.
ໃນພິທີເຄົາລົບທຸງຊາດ ແມ່ນໄດ້ເຊີນທຸງຊາດຂຶ້ນສູ່ຍອດເສົາ ແລະ ທຸກໆຄັ້ງຈະໄດ້ໃຫ້ພະນັກງານ-ນັກຮົບ 1 ສະຫຼາຍ ກ່າວຄໍາປະຕິຍານ 8 ຂໍ້ ຂອງກອງທັບຕໍ່ຊາດ ເພື່ອເຕືອນສະຕິນາຍ ແລະ ພົນທະຫານ ໃຫ້ປະຕິບັດຖືກຕ້ອງ ແລະ ເຂັ້ມງວດ. ຫຼັງຈາກນັ້ນ, ກໍໄດ້ເດີນຂະບວນສວນສະໜາມເພື່ອສະແດງກ້ອນກໍາລັງທັງເພື່ອເປັນການທົດສອບຄວາມເຂັ້ມແຂງຂອງ ແລະ ເປັນການເຝິກຊ້ອມກໍາລັງແຮງກາຍໄປໃນຕົວ.
ໂດຍ: ໂກຮັງ ພັນທະວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
