ວັນພະຫັດ, ວັນທີ 03 ຕຸລາ 2024
ນ້ຳໃຈຈາກ ສະຖາບັນການເງິນ ຈຸລະພາກ-ສິນຊັບເມືອງເໜືອ
ເວລາອອກຂ່າວ: 2024-09-13 10:16:56 | ຜູ້ຂຽນ : admin3 | ຈຳນວນຄົນເຂົ້າຊົມ: 362 | ຄວາມນິຍົມ: 
ໃນວັນທີ 6 ກັນຍາ 2024 ນີ້, ທ່ານ ເຕິ້ນ ລາດວົງສາ ຫົວໜ້າໜ່ວຍບໍລິການ ຕາງໜ້າສະຖາບັນການເງິນ ຈຸລະພາກ-ສິນຊັບເມືອງເໜືອ ຈຳກັດ ໜ່ວຍບໍລິການແຂວງບໍ່ແກ້ວ ໄດ້ມອບເຄື່ອງຄອມພິວເຕີຕັ້ງໂຕະ ຈຳນວນ 1 ຊຸດ, ມູນຄ່າ 9.990.000 ກີບ ໃຫ້ຫ້ອງພະລາທິການ ກອງບັນຊາການທະຫານແຂວງບໍ່ແກ້ວ, ຕາງໜ້າກ່າວຮັບເຄື່ອງໂດຍ ສະຫາຍ ພັນເອກ ທອງໄຂ ສີຍາລາດ ຫົວໜ້າການທະຫານ ກອງບັນຊາການທະຫານແຂວງບໍ່ແກ້ວ ພ້ອມດ້ວຍຄະນະ.
ໂອກາດນີ້, ສະຫາຍ ພັນເອກ ທອງໄຂ ສີຍາລາດ ໄດ້ກ່າວສະແດງຄວາມຂອບໃຈມາຍັງ ທ່ານ ເຕິ້ນ ລາດວົງສາ ທີ່ເຫັນໄດ້ຄວາມໝາຍຄວາມສຳຄັນ ຂອງວຽກງານປ້ອງກັນຊາດ ເວົ້າລວມ, ເວົ້າສະເພາະແມ່ນການເຄື່ອນໄຫວວຽກງານຫ້ອງການຢູ່ຫ້ອງພະລາທິການພວກເຮົາ ຈຶ່ງໄດ້ນຳເອົາເຄື່ອງຄອມພິວເຕີ ມາມອບໃຫ້ໃນຄັ້ງນີ້, ເຊິ່ງເປັນການປະກອບສ່ວນປັບປຸງການເຮັດວຽກງານພາຍໃນອົງການກົມກອງ ໃຫ້ນັບມື້ສະດວກຂຶ້ນກວ່າເກົ່າ ພ້ອມທັງກ່າວວ່າ: ຈະໝູນໃຊ້ເຄື່ອງດັ່ງກ່າວ ເຂົ້າໃນວຽກງານລວມໃຫ້ມີປະສິດທິຜົນສູງສຸດ. ຈາກນັ້ນ, ກໍໄດ້ມອບໃບກຽດຕິຄຸນ ໃຫ້ສະຖາບັນການເງິນຈຸລະພາກ-ສິນຊັບເມືອງເໜືອ ຈຳກັດ ເພື່ອເປັນການຈາລຶກຜົນງານ ທີ່ໄດ້ປະກອບສ່ວນຊ່ວຍເຫຼືອ ໃນຄັ້ງນີ້ ອີກດ້ວຍ.
ໂດຍ: ນາງ ນີ່ ທຳມະວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
