ວັນພະຫັດ, ວັນທີ 03 ຕຸລາ 2024
ກອງພັນໃຫຍ່ 703 ສະຫຼຸບວຽກງານການບໍລິຈາກເລືອດ ປະຈຳປີ 2023
ເວລາອອກຂ່າວ: 2024-09-13 10:00:10 | ຜູ້ຂຽນ : admin3 | ຈຳນວນຄົນເຂົ້າຊົມ: 391 | ຄວາມນິຍົມ: 
ວັນທີ 11 ກັນຍາ 2024, ກອງພັນໃຫຍ່ 703 ໄດ້ສະຫຼຸບຖອດຖອນບົດຮຽນວຽກງານການບໍລິຈາກເລືອດ ປະຈຳປີ 2023 ແລະ ຜ່ານທິດທາງບໍລິຈາກເລືອດ ປະຈຳປີ 2024, ໂດຍເປັນປະທານຂອງ ສະຫາຍ ພັນເອກ ບຸນໄຫຼ ໄຊຍະສິງ ຫົວໜ້າພະແນກພະລາທິການ ກອງພັນໃຫຍ່ 703, ມີຄະນະພັກ-ຄະນະບັນຊາ ຕະຫຼອດຮອດ ພະນັກງານ-ນັກຮົບ ເຂົ້າຮ່ວມ.
ສະຫາຍ ຮ້ອຍເອກ ທອງສະຫວັນ ໝັ້ນມະນີວົງ ຊ່ວຍວຽກຂະແໜງເສນາຮັກ ໄດ້ຜ່ານບົດ ສະຫຼຸບວຽກງານການບໍລິຈາກເລືອດ ໃນໄລຍະຜ່ານມາ. ໃນປີ 2023 ກອງພັນໃຫຍ່ 703 ໄດ້ມີພະນັກງານ-ນັກຮົບ ພາຍໃນກົມກອງມີຜູ້ສະໝັກໃຈບໍລິຈາກເລືອດເຖິງ 100 ສະຫາຍ ແຕ່ຜ່ານການກວດກາຕົວຈິງເຫັນວ່າມີຜູ້ສາມາດບໍລິຈາກເລືອດໄດ້ຕົວຈິງ 80 ສະຫາຍ ແລະ ໄດ້ຮັບເລືອດ 20.000 ເຊເຊ ແລະ ໄດ້ຜ່ານທິດທາງແຜນການບໍລິຈາກເລືອດ ປີ 2024. ສະຫາຍ ພັນເອກ ບຸນໄຫຼ ໄຊຍະສິງ ໄດ້ຍ້ອງຍໍຊົມເຊີຍມາຍັງພະນັກງານ-ນັກຮົບພາຍໃນກົມກອງ ທີ່ໄດ້ຮ່ວມແຮງຮ່ວມໃຈກັນບໍລິຈາກເລືອດຊ່ວຍເຫຼືອສັງຄົມໂດຍບໍ່ໄດ້ຮຽກຮ້ອງຜົນຕອບແທນໃນໄລຍະຜ່ານມາ ຈົນເຮັດກົມກອງ ຖືກຈັດຢູ່ໃນແຖວໜ້າຂອງວຽກງານ ປກຊ ຕະຫຼອດມາ, ພ້ອມທັງຮຽກຮ້ອງມາຍັງພະນັກງານ-ນັກຮົບຈົ່ງພ້ອມກັນຮ່ວມແຮງຮ່ວມໃຈກັນສະໝັກໃຈບໍລິຈາກເລືອດເພື່ອຊ່ວຍເຫຼືອສັງຄົມ.
ໂດຍ: ກອງສີ ຈັນເມືອງຊຽງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
