ວັນພະຫັດ, ວັນທີ 03 ຕຸລາ 2024
ວິທະຍາຄານປ້ອງກັນຊາດ ໄກສອນ ພົມວິຫານ ສ້າງຂະບວນການ ອອກແຮງງານລວມ
ເວລາອອກຂ່າວ: 2024-09-13 09:58:53 | ຜູ້ຂຽນ : admin3 | ຈຳນວນຄົນເຂົ້າຊົມ: 380 | ຄວາມນິຍົມ: 
ໃນວັນທີ 7 ກັນຍາ 2024, ວິທະຍາຄານປ້ອງກັນຊາດ ໄກສອນ ພົມວິຫານ(ວປກ) ໄດ້ສ້າງຂະບວນການອອກແຮງງານລວມ ດ້ວຍການເຮັດອະນາໄມ, ຕັດຫຍ້າ ຕາມຂອບເຂດເສັ້ນທາງໃນນະຄອນຫຼວງວຽງຈັນ ແຕ່ໜ້າວັດໂພໄຊ ບ້ານພັນໝັ້ນ ຫາ ວົງວຽນໜ້າປະຕູທາງເຂົ້າ ວປກ, ນຳພາໂດຍ ສະຫາຍ ພັນໂທ ບຸນເຖິງ ບຸບຜາລີວັນ ຮອງຫົວໜ້າຫ້ອງການ ວປກ, ມີບັນດາພະນັກງານ, ອົງການ, ນັກສຶກສາພາສາຕ່າງປະເທດ ແລະ ປະຊາຊົນບ້ານພັນໝັ້ນ, ບ້ານໂພໄຊ ແລະ ບ້ານຈອມແຈ້ງ ເຂົ້າຮ່ວມ.
ສະຫາຍ ພັນໂທ ບຸນເຖິງ ບຸບຜາລີວັນ ໄດ້ໃຫ້ຮູ້ວ່າ: ການສ້າງຂະບວນການອອກແຮງງານອະນາໄມ ຕາມຂອບເຂດເສັ້ນທາງໃນນະຄອນຫຼວງວຽງຈັນ ມີຄວາມໝາຍສຳຄັນເປັນຢ່າງຍິ່ງ ທີ່ຢູ່ໃນທ່າມກາງບັນຍາກາດທົ່ວພັກ, ທົ່ວກອງທັບ ພວມອອກແຮງແຂ່ງຂັນກັນສ້າງຜົນງານຂ່ຳນັບຮັບຕ້ອນຫຼາຍໆວັນ ປະຫວັດສາດທີ່ສຳຄັນຂອງຊາດ ເວົ້າລວມ, ເວົ້າສະເພາະ ກໍແມ່ນເພື່ອຕ້ອນຮັບກອງປະຊຸມໃຫຍ່ຕ່າງໆ ຂອງບັນດາປະເທດອາຊຽນ, ໂດຍໄດ້ອີງຕາມໜັງສື ສະເໜີຂອງເຈົ້າຄອງນະຄອນ ຫຼວງວຽງຈັນ ກ່ຽວກັບການສ້າງຂະບວນການຮ່ວມອະນາໄມຕາມເສັ້ນທາງຕ່າງໆຢູ່ເທດສະບານນະຄອນຫຼວງວຽງຈັນ ຕິດພັນກັບ ຂະບວນການກໍ່ສ້າງທາງຮ່ອມທາງຊອຍໃນ 6 ຕົວເມືອງ ທີ່ນະຄອນຫຼວງວຽງຈັນ ໃຫ້ເປັນຂະບວນຟົດຟື້ນ ແລະ ມີຜົນສຳເລັດຢ່າງຈົບງາມ.
ໂດຍ: ອາລຸນ ພັນຈະເລີນພົນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
