ວັນເສົາ, ວັນທີ 14 ກັນຍາ 2024
ປະທານບໍລິສັດ 705 ສສ ຫວຽດນາມ ເຂົ້າຢ້ຽມອໍາລາໜ້າທີ່ຢູ່ ທະຫານແຂວງອຸດົມໄຊ
ເວລາອອກຂ່າວ: 2024-09-05 10:45:36 | ຜູ້ຂຽນ : admin2 | ຈຳນວນຄົນເຂົ້າຊົມ: 283 | ຄວາມນິຍົມ: 
ວັນທີ 2 ກັນຍາ 2024 ນີ້, ສະຫາຍ ພັນເອກ ບຸຍ ວັນດ້າຍ ປະທານບໍລິສັດ 705 ທະຫານເຂດ 2 ສສ ຫວຽດນາມ ປະຈຳແຂວງອຸດົມໄຊ ໄດ້ເຂົ້າຢ້ຽມອຳລາໜ້າທີ່ ພາຍຫຼັງເຮັດສໍາເລັດໜ້າທີ່ຂອງຕົນ, ໂດຍໃຫ້ກຽດຕ້ອນຮັບຂອງ ສະຫາຍ ພົນຈັດຕະວາ ຄຳເຜີຍ ໂສມພັນ ຫົວໜ້າການທະຫານກອງບັນຊາການທະຫານແຂວງອຸດົມໄຊ, ມີ ສະຫາຍ ພັນເອກ ຕຸ້ຍ ພົມມີໄຊ ຫົວໜ້າການເມືອງກອງບັນຊາການທະຫານແຂວງອຸດົມໄຊ ພ້ອມດ້ວຍ ຄະນະພັກ-ຄະນະບັນຊາ, ຄະນະຫ້ອງ, ອົງການ 5 ຫ້ອງກອງບັນຊາການທະຫານແຂວງອຸດົມໄຊ ເຂົ້າຮ່ວມ.
ສະຫາຍ ພັນເອກ ບຸຍ ວັນດ້າຍ ໄດ້ລາຍງານຜົນສຳເລັດໃນການປະຕິບັດໜ້າທີ່ຂອງ ບໍລິສັດ 705 ສສ ຫວຽດນາມ ຕະຫຼອດໄລຍະເວລາທີ່ໄດ້ມາປະຕິບັດໜ້າທີ່ຂອງຕົນຢູ່ແຂວງອຸດົມໄຊ, ພ້ອມທັງກ່າວສະແດງຄວາມຂອບໃຈຕໍ່ ຄະນະພັກ-ຄະນະບັນຊາ ກອງບັນຊາການທະຫານແຂວງອຸດົມໄຊ ທີ່ໄດ້ເອົາໃຈໃສ່ເບິ່ງແຍງ ແລະ ອຳນວຍຄວາມສະດວກໃນດ້ານຕ່າງໆ ເຮັດໃຫ້ການປະຕິບັດໜ້າທີ່ຂອງ ບໍລິສັດ 705 ມີຄວາມສໍາເລັດໄປໄດ້ດ້ວຍດີ. ພ້ອມທັງໃຫ້ຄໍາໜັ້ນສັນຍາວ່າ ຈະສືບຕໍ່ສ້າງສາຍພົວພັນມິດຕະພາບ, ຄວາມສາມັກຄີພິເສດ, ການຮ່ວມມືຮອບດ້ານ ລະຫວ່າງ ລາວ-ຫວຽດນາມ, ຫວຽດນາມ-ລາວ ແບບພິເສດ, ສືບຕໍ່ປົກປັກຮັກສາ ແລະ ເສີມຂະຫຍາຍມູນເຊື້ອສາຍພົວພັນມິດຕະພາບ ລະຫວ່າງ ກອງບັນຊາການທະຫານແຂວງອຸດົມໄຊ ກັບ ບໍລິສັດ 705 ຂອງພວກເຮົາ ກໍຄືການປົກປັກຮັກສາໝາກຜົນຂອງການປະຕິວັດໃຫ້ໝັ້ນຄົງທະນົງແກ່ນຕະຫຼອດໄປ.
ໂອກາດດັ່ງກ່າວ, ສະຫາຍ ພົນຈັດຕະວາ ຄຳເຜີຍ ໂສມພັນ ໄດ້ກ່າວສະແດງຄວາມຂອບໃຈ ແລະ ຕີລາຄາສູງຕໍ່ ປະທານບໍລິສັດ 705 ທະຫານເຂດ 2 ສສ ຫວຽດນາມ ປະຈຳແຂວງອຸດົມໄຊ ທີ່ມີຜົນງານດີເດັ່ນໃນການປະກອບສ່ວນຢ່າງຕັ້ງໜ້າ, ເປັນຫວ່ງເປັນໃຍໃຫ້ການຊ່ວຍເຫຼືອເຊິ່ງກັນ ແລະ ກັນ ຕະຫຼອດມາ ແລະ ມີຜົນສໍາເລັດຕາມແຜນການທີ່ວາງໄວ້. ຜົນງານດັ່ງກ່າວເປັນການຮັດແໜ້ນສາຍພົວພັນມິດຕະພາບ, ຄວາມສາມັກຄີ ແລະ ການຮ່ວມມືຮອບດ້ານ ຂອງສອງຊາດ, ສອງກອງທັບ ລາວ-ຫວຽດນາມ, ຫວຽດນາມ-ລາວ ໃຫ້ຈະເລີນງອກງາມຂຶ້ນໄປເລື້ອຍໆ.
ໂດຍ: ສົມພູນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
