POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 14 ກັນຍາ 2024

ທະຫານແຂວງຄຳມ່ວນ ເຜີຍແຜ່ເອກະສານ ຜູ້ສັ່ງການເອກຂັ້ນ II, ຂັ້ນ III ແລະ ເອກະສານການເງິນ
ເວລາອອກຂ່າວ: 2024-09-04 22:06:44 | ຜູ້ຂຽນ : admin2 | ຈຳນວນຄົນເຂົ້າຊົມ: 338 | ຄວາມນິຍົມ:

ວັນທີ 4 ກັນຍານີ້, ກອງບັນຊາການທະຫານແຂວງຄຳມ່ວນ ໄດ້ຈັດກອງປະຊຸມເຜີຍແຜ່ເອກະ ສານຜູ້ສັ່ງການເອກ ຂັ້ນ II, ຂັ້ນ III, ເອກະສານເງິນນະໂຍບາຍຊ່ວຍໜູນ, ເງິນອຸດໜູນ ແລະ ເງິນກິນເພີ່ມ ຢູ່ໃນກອງທັບປະຊາຊົນລາວ ໂດຍການເປັນປະທານຂອງ ສະຫາຍ ພົນຈັດຕະວາ ສົມເເຄນ ອັບປະສອນ ກຳມະການປະຈຳພັກແຂວງ, ເລຂາຄະນະພັກ, ຫົວໜ້າການເມືອງກອງບັນຊາການທະຫານແຂວງຄໍາມ່ວນ, ມີຄະນະພັກ - ຄະນະບັນຊາ ອົງການ 6 ຫ້ອງ, ມີບັນດາພະແນກການ ແລະ ກົມກອງທີ່ຂຶ້ນກັບເຂົ້າຮ່ວມ. ກອງປະຊຸມໃນຄັ້ງນີ້ ບັນດາສະຫາຍທີ່ເຂົ້າຮ່ວມໄດ້ຮັບຟັງການຜ່ານໜັງສືແຈ້ງການ ຂອງຄະນະພັກກະຊວງປ້ອງກັນປະເທດ ວ່າດ້ວຍກຳນົດຕຳແໜ່ງ ເລຂາ-ຮອງເລຂາ ໃຫ້ຫົວໜ້າການເມືອງ ແລະ ຫົວໜ້າການທະຫານ ຕາມລະບອບ 2 ຫົວໜ້າ ຢູ່ບັນດາກົມກອງໃນທົ່ວກອງທັບ, ຜ່ານຂໍ້ຕົກລົງ ຂອງກະຊວງປ້ອງກັນປະເທດ ກ່ຽວກັບມາດຖານເງື່ອນໄຂ, ໜ້າທີ່, ພາລະບົດບາດ ຂອງຜູ້ສັ່ງການເອກຂັ້ນ II , ຜ່ານຄໍາສັ່ງແນະນໍາ ຂອງກອງບັນຊາການທະຫານແຂວງຄຳມ່ວນ ກ່ຽວກັບມາດຖານເງື່ອນໄຂ, ໜ້າທີ່, ພາລະບົດບາດ ຂອງຜູ້ສັ່ງການເອກ ຂັ້ນ III ແລະ ຂໍ້ຕົກລົງ ຂອງກະຊວງປ້ອງກັນປະເທດ ວ່າດ້ວຍເງິນນະໂຍບາຍຊ່ວຍໜູນ, ເງິນອຸດໜູນ ແລະ ເງິນກິນເພີມ ຢູ່ໃນກອງທັບປະຊາຊົນລາວ. ພ້ອມດຽວກັນນັ້ນ, ຍັງໄດ້ຜ່ານຂໍ້ຕົກລົງ ຂອງກະຊວງປ້ອງກັນປະເທດ ວ່າດ້ວຍການແຕ່ງຕັ້ງ ສະຫາຍ ພັນເອກ ບຸນເລີດ ບຸບຜາວັນ ຫົວໜ້າການທະຫານ ກອງບັນຊາການທະຫານແຂວງຄຳມ່ວນ ເປັນຜູ້ສັ່ງການເອກ ຂັ້ນ II. ໂອກາດນີ້ ຍັງໄດ້ປະກາດປັບປຸງການຈັດຕັ້ງທີ່ມີການປ່ຽນແປງໃໝ່ບາງກົມກອງ, ບາງພະແນກການ ທີ່ຂຶ້ນກັບກອງບັນຊາການທະຫານແຂວງຄຳມ່ວນ ແລະ ຜ່ານຂໍ້ຕົກລົງ ຂອງກະຊວງປ້ອງກັນປະເທດ ວ່າດ້ວຍການມອບຫຼຽນກຽດຕິຄຸນ ກອງທັບປະຊາຊົນລາວ ເພື່ອຕອບສະໜອງຜົນງານ, ຄຸນງາມຄວາມດີ ຂອງນາຍທະຫານແຂວງຄຳມ່ວນ ຈຳນວນ 11 ສະຫາຍ, ໂດຍແມ່ນປະທານເປັນຜູ້ມອບຢ່າງສົມກຽດ. ໂອກາດນີ້, ສະຫາຍ ພົນຈັດຕະວາ ສົມແຄນ ອັບປະສອນ ກໍໄດ້ໂອ້ລົມຕໍ່ກອງປະຊຸມ ໂດຍໄດ້ຮຽກຮ້ອງໃຫ້ຄະນະພັກ-ຄະນະບັນຊາທຸກຂັ້ນ ພ້ອມກັນເພີ່ມທະວີວຽກງານສຶກສາອົບຮົມ ການເມືອງ-ແນວຄິດໃຫ້ພະນັກງານ-ນັກຮົບ ໃຫ້ເປັນປົກກະຕິ, ເອົາໃຈໃສ່ເຝິກຝົນຫຼໍ່ຫຼອມຄຸນທາດການເມືອງ, ຄຸນສົມບັດ ສິນທຳປະຕິວັດ ຕິດພັນກັບການປະຕິບັດໜ້າທີ່ວິຊາສະເພາະການເງິນໃຫ້ມີຄວາມເຂັ້ມງວດ, ມີຄວາມໂປ່ງໃສ ສາມາດກວດກາໄດ້ ແລະ ພ້ອມກັນນຳເອົາເນື້ອໃນຂໍ້ຕົກລົງທີ່ເຜີຍແຜ່ໃນຄັ້ງນີ້ ນຳໄປຈັດຕັ້ງຜັນຂະຫຍາຍໃຫ້ປະກົດຜົນເປັນຈິງ. ໂດຍ: ເກດມະນີ ສຸວັນນະລາດ

news to day and hot news