ວັນເສົາ, ວັນທີ 14 ກັນຍາ 2024
ຫ້ອງພະລາທິການ ທະຫານແຂວງເຊກອງ ສະຫຼຸບວຽກງານ ປະຈຳ 6 ເດືອນຕົ້ນປີ 2024
ເວລາອອກຂ່າວ: 2024-08-01 09:21:11 | ຜູ້ຂຽນ : admin1 | ຈຳນວນຄົນເຂົ້າຊົມ: 420 | ຄວາມນິຍົມ: 
ວັນທີ 25 ກໍລະກົດ ປີ 2024 ນີ້, ຫ້ອງພະລາທິການ ກອງບັນຊາການທະຫານແຂວງເຊກອງ ໄດ້ສະຫຼຸບວຽກງານຮອບດ້ານ ປະຈຳ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2024, ໂດຍການເປັນປະທານ ຂອງສະຫາຍ ພັນໂທ ຄຳເຜືອກ ບຸດຕາຈອນ ຫົວໜ້າຫ້ອງພະລາທິການ ກອງບັນຊາ
ການທະຫານ ແຂວງເຊກອງ, ມີບັນດາສະຫາຍຄະນະພັກ-ຄະນະບັນຊາ, ຄະນະຫ້ອງ, ພະແນກການພ້ອມດ້ວຍພະນັກງານ-ນັກຮົບທົ່ວຫ້ອງພະລາທິການ ເຂົ້າຮ່ວມ.
ສະຫາຍ ພັນໂທ ໄຊມະນີ ແກ້ວກົງທະນີ ຫົວໜ້າພະແນກແຜນການ ຫ້ອງພະລາທິການ ກອງບັນຊາການທະຫານແຂວງເຊກອງ ໄດ້ຜ່ານບົດສະຫຼຸບວຽກ
ງານ ຮອບດ້ານ ແລະ ຂໍ້ຄົງຄ້າງໃນໄລຍະ 6ເດືອນຕົ້ນປີຜ່ານມາເຫັນວ່າ: ຄະນະພັກ-ຄະນະບັນຊາແຕ່ລະຂັ້ນ ໄດ້ພ້ອມກັນເອົາໃຈໃສ່ຊີ້ນຳ-ນໍາພາໃກ້ສິດຕິດແທດຢ່າງເລິກເຊິ່ງໃນທຸກຂົງເຂດວຽກງານຂອງກົມກອງ, ເວົ້າລວມ-ເວົ້າສະເພາະແມ່ນ:ວຽກງານປ້ອງກັນຊາດ-ປ້ອງກັນຄວາມສະຫງົບທົ່ວປ່ວງຊົນຮອບດ້ານ, ຕັ້ງໜ້າສຶກສາອົບຮົມການເມືອງ-ນຳພາແນວຄິດເປັນບັນຫາສຳຄັນ ເພື່ອແນ່ໃສ່ປັບປຸງກໍ່ສ້າງພະນັກງານສະມາຊິກພັກ-ນັກຮົບໃຫ້ມີຄຸນທາດການເມືອງໜັກແໜ້ນເຂັ້ມແຂງ ແລະ ຕິດພັນກັບການປຸກລະດົມຊຸກຍູ້ຂະບວນການໃນດ້ານຕ່າງ ແລະ ວຽກງານອື່ນໆທີ່ກ່ຽວພັນກັບວຽກງານພະລາທິການແມ່ນໄດ້ຮັບຜົນສຳເລັດຢ່າງຈົບງາມ, ປະຕິບັດໜ້າທີ່ວຽກງານວິຊາສະເພາະຢ່າງໜັກແໜ້ນ ແລະ ທັນສະໄໝ ເຮັດວຽກມີພິກໄວຄ່ອງແຄ້ວ ແລະ ສຳເລັດທຸກໜ້າທີ່ວຽກງານ ຕາມ 4 ເນື້ອໃນ 4 ຄາດໝາຍ ແລະ 4 ໜ້າທີ່ໃຫຍ່ 26 ແຜນງານຂອງກະຊວງປ້ອງກັນປະເທດວາງອອກ, ສຸມໃສ່ວຽກງານ 4 ປູກ 4 ລ້ຽງ ໃນເງື່ອນໄຂ ເພິ່ງຕົນເອງ ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ, ຍົກສູງຄວາມຮັບຜິດຊອບກ່ຽວກັບວຽກງານວິຊາສະເພາະລະບົບຄຸ້ມຄອງວັດຖຸອຸປະກອນຮັບປະກັນ ແລະ ປອດໄພ, ຍົກສູງຄວາມຮັບຜິດຊອບໃນການປະຕິບັດຄຳສັ່ງແຜນການທີ່ຂັ້ນເທິງວາງອອກປະກົດຜົນເປັນຈິງ. ນອກຈາກການປະຕິບັດໜ້າທີ່ວິຊາສະເພາະແລ້ວ ຄະນະພັກ-ຄະນະບັນຊາ ຍັງໄດ້ນຳພາ-ຊີ້ນຳພະນັກງານນັກຮົບຫັນເອົາວຽກງານປັບປຸງກໍ່ສ້າງຄ້າຍຄູ ແລະ ປູກຝັງ-ລ້ຽງສັດອີກຈຳນວນໜື່ງ ໂດຍປະຕິບັດຄຳຂວັນທີ່ວ່າ ເພິ່ງຕົນເອງ ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ຕາມທິດຊີ້ນຳຂອງກົມໃຫຍ່ພະລາທິການກອງທັບວາງອອກ ເຊິ່ງສາມາດສ້າງແຫຼ່ງລາຍຮັບເປັນກອງທຶນໄດ້ 66.163.500 ກວ່າກີບ, ກອງປະຊຸມຍັງໄດ້ປະກອບຄຳຄິດເຫັນຕໍ່ບົດສະຫຼຸບພ້ອມທັງໄດ້ກຳນົດເອົາທິດທາງແຜນການທີ່ຈະໄດ້ພ້ອມກັນສູ້ຊົນໃນ 6 ເດືອນທ້າຍປີ 2024 ຢ່າງເປັນຂະບວນພົດພື້ນ.
ໂດຍ: ສີອະນຸສັກ ຄຳເຮືອງສີ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
