ວັນເສົາ, ວັນທີ 14 ກັນຍາ 2024
ກອງພັນໃຫຍ່ 279 ປະກາດການແຕ່ງຕັ້ງ ຂັ້ນຫົວໜ້າຂະແໜງການ
ເວລາອອກຂ່າວ: 2024-08-01 09:16:24 | ຜູ້ຂຽນ : admin1 | ຈຳນວນຄົນເຂົ້າຊົມ: 413 | ຄວາມນິຍົມ: 
ວັນທີ 26 ກໍລະກົດ 2024, ກອງພັນໃຫຍ່ 279 ໄດ້ປະກາດການຈັດຕັ້ງ ຂັ້ນຫົວໜ້າຂະແໜງການ, ໂດຍການເປັນປະທານຂອງ ສະຫາຍ ພັນເອກ
ບຸນຍັງ ແກ້ວດາມສີ ຫົວໜ້າການເມືອງ ກອງພັນໃຫຍ່ 279, ມີຄະນະພັກ-ຄະນະບັນຊາ ກອງພັນໃຫຍ່, ພະແນກການ, ກອງພັນ, ກອງຮ້ອຍເອກະລາດ ຕະຫຼອດຮອດພະນັກງານຫຼັກແຫຼ່ງ ເຂົ້າຮ່ວມ.
ສະຫາຍ ພັນໂທ ຂຽວ ບຸນນະພອນ ຫົວໜ້າຂະແໜງພະນັກງານ ກອງພັນໃຫຍ່ 279 ໄດ້ຜ່ານຂໍ້ຕົກລົງ ວ່າດ້ວຍການແຕ່ງຕັ້ງຫົວໜ້າຂະແໜງພິທີການກຽດຕິຍົດ ຂຶ້ນກັບ ກອງພັນໃຫຍ່ 279, ອີງຕາມ ກົດໝາຍນາຍທະຫານກອງທັບປະຊາຊົນລາວ ວ່າດ້ວຍການແຕ່ງຕັ້ງ, ຍົກຍ້າຍນາຍທະຫານ; ອີງຕາມທິດທາງກ່ຽວກັບການປັບປຸງບູລະນະກົງ ຈັກການຈັດຕັ້ງ ນຳພາ-ບັນຊາ ໃນກຳລັງປະກອບອາວຸດໃຫ້ເຂັ້ມ ແຂງ, ໜັກແໜ້ນ ຮອບດ້ານ ເພື່ອເຮັດສຳເລັດໜ້າທີ່ປົກປັກຮັກສາ ແລະ ພັດທະນາປະເທດຊາດ, ອີງຕາມການສະເໜີ ຂອງກອງພັນໃຫຍ່ 279, ອີງຕາມການຄົ້ນ ຄວ້າ ແລະ ນຳສະເໜີຂອງກົມພະນັກງານ ກົມໃຫຍ່ການເມືອງກອງທັບ ຕົກລົງແຕ່ງຕັ້ງ ສະຫາຍ ພັນຕີ ສຸກສາຄອນ ວົງລືໄຊ ເປັນຫົວໜ້າຂະແໜງພິທີການກຽດຕິຍົດ ກອງພັນໃຫຍ່ 279.
ສະຫາຍ ພັນເອກ ບຸນຍັງ ແກ້ວດາມສີ ໄດ້ເນັ້ນໜັກໃຫ້ຜູ້ທີ່ໄດ້ຮັບການແຕ່ງຕັ້ງໜ້າທີ່ໃໝ່ ເອົາໃຈໃສ່ສຶກສາອົບຮົມການເມືອງ-ນຳພາແນວຄິດໃຫ້ມີຄວາມໜັກແໜ້ນ, ຍົກສູງຄວາມຮັບຜິດຊອບໜ້າທີ່ການເມືອງຂອງຕົນໃນການນຳພາ-ຊີ້ນຳ ວຽກງານຕາມພາລະບົດບາດຂອງກົມກອງ, ເອົາໃຈໃສ່ເຝິກຝົນຫຼໍ່ຫອມຕົນເອງໃນທຸກດ້ານ, ປັບປຸງແບບແຜນວິທີເຮັດວຽກໃຫ້ສອດຄ່ອງ, ຄົ້ນຄວ້າກຳແໜ້ນແນວທາງນະໂຍບາຍຂອງພັກປະຕິບັດຂໍ້ກຳນົດ, ກົດລະບຽບຂອງກອງທັບ ປະຕິ
ບັດໜ້າທີ່ວຽກງານດ້ວຍຄວາມປອດໃສ ຂາວສະອາດ ຮັກສາຄວາມສາມັກຄີໃຫ້ເປັນປຶກແຜ່ນແໜ້ນໜາ ເພື່ອພ້ອມກັນເຮັດສຳ ເລັດໜ້າທີ່ການເມືອງ ຕາມການ ຈັດຕັ້ງຂັ້ນເທິງມອບໝາຍໃຫ້.
ໂດຍ: ສາຄອນ ສຸລິເຍດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
