ກອງທັບປະຊາຊົນລາວ
 
ວັນອັງຄານ, ວັນທີ 11 ກຸມພາ 2025

  

ກອງ​ພົນ​ທີ 5 ຈັດ​ກິດຈະກຳ ປ່ອຍ​ປາ
ເວລາອອກຂ່າວ: 2024-07-23 09:59:26 | ຜູ້ຂຽນ : admin1 | ຈຳນວນຄົນເຂົ້າຊົມ: 409 | ຄວາມນິຍົມ:



ໃນ​ວັນ​ທີ 15 ກໍລະກົດ 2024 ນີ້, ກອງ​ພົນ​ທີ 5 ຮ່ວມ​ກັບ ໂຮງງານ​ຊີມັງ​ລາວ ວັງ​ວຽງ ແລະ ບັນດາ​ນັກທຸລະກິດ​ຫ້າງ​ຮ້ານ​ຕ່າງໆ ຈັດ​ກິດຈະກຳ ປ່ອຍ​ປາ ເນື່ອງ​ໃນ​ໂອກາດ ວັນ​ອະນຸລັກ ສັດ​ນໍ້າ-ສັດປ່າ ແຫ່ງ​ຊາດ​ຄົບຮອບ 27 ປີ (13 ກໍລະກົດ 1997-13 ກໍລະກົດ 2024), ໂດຍ​ການ​ເປັນ​ປະທານ​ຂອງ ສະຫາຍ ພົນ​ຈັດຕະວາ ສີ​ປະເສີດ ເຜີຍ​ຄຳ​ສິງ ຫົວໜ້າ​ການເມືອງ ກອງ​ພົນ​ທີ 5, ມີ​ຄະ ນະ​ພັກ-ຄະນະ​ບັນຊາ​ບັນດາ​ຫ້ອງ, ພະແນກການ ພ້ອມ​ດ້ວຍ​ພະນັກງານ-ນັກຮົບ ເຂົ້າ​ຮ່ວມ. ສະຫາຍ ພົນ​ຈັດຕະວາ ສີ​ປະເສີດ ເຜີຍ​ຄຳ​ສິງ ໄດ້​ກ່າວ​ວ່າ: ການ​ຈັດ​ກິດຈະກຳ ​ປ່ອຍ​ປາ ໃນ​ຄັ້ງ​ນີ້ ແມ່ນ​ມີ​ຄວາມ​ສຳຄັນ​ຫຼາຍ ເປັນ​ການ​ປະກອບສ່ວນ​ສ້າງ​ຂະ​ບວນ​ການ ເນື່ອງ​ໃນ​ໂອກາດ ວັນ​ອະນຸລັກ ສັດ​ນ້ຳ-ສັດປ່າ ແຫ່ງ​ຊາດ ແລະ ແກ້​ໄຂ​ຊີວິດ​ການ​ເປັນ​ຢູ່​ຂອງ​ພະນັກງານ-ນັກຮົບ ໃຫ້​ສາມາດ​ກຸ້ມ​ຕົນ​ເອງ, ເພິ່ງ​ຕົນ​ເອງ ແລະ ສ້າງ​ຄວາມ​ເຂັ້ມແຂງ​ດ້ວຍ​ຕົນ​ເອງ ພ້ອມ​ທັງ ຮຽກຮ້ອງ​ມາ​ຍັງ​ທຸກ​ພາກສ່ວນ ຈົ່ງ​ເອົາໃຈໃສ່ ແລະ ຖື​ເປັນ​ໜ້າທີ່​ຂອງ​ໝົດ​ທຸກ​ຄົນ ທີ່​ຈະ​ຕ້ອງ​ໄດ້​ຊ່ວຍ​ກັນ​ປົກ​ປັກ​ຮັກສາ, ອະນຸລັກ ສັດ​ນ້ຳ-ສັດ​ປາ ໃຫ້​ອຸດົມສົມບູນ. ສຳລັບ​ປາ​ທີ່​ນຳ​ມາ​ປ່ອຍ​ໃນ​ຄັ້ງ​ນີ້ ມີ 35.000 ໂຕ. ໂດຍ: ທອງ​ປານ ສີດາ​ໄລ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ