POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 15 ມັງກອນ 2025

ປະກາດການຍົກຍ້າຍການນຳແຂວງ ໄຊສົມບູນ ໄປຮັບໜ້າທີ່ໃໝ່ຢູ່ກະຊວງປ້ອງກັນປະເທດ.
ເວລາອອກຂ່າວ: 2024-07-19 12:56:45 | ຜູ້ຂຽນ : admin2 | ຈຳນວນຄົນເຂົ້າຊົມ: 1173 | ຄວາມນິຍົມ:

ພິທີປະກາດການຍົກຍ້າຍການນຳແຂວງໄຊສົມບູນ ໄປຮັບໜ້າທີ່ໃໝ່ຢູ່ກະຊວງປ້ອງກັນປະເທດ ໄດ້ຈັດຂຶ້ນໃນວັນທີ 19 ກໍລະກົດ 2024 ນີ້, ໂດຍການເປັນປະທານຂອງ ສະຫາຍ ພົນເອກ ຈັນສະໝອນ ຈັນຍາລາດ ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ, ມີ ສະຫາຍ ຜ່ອຍຄໍາ ຮຸ່ງບຸນຍວງ ເລຂາພັກແຂວງ ເຈົ້າແຂວງ ແຂວງໄຊສົມບູນ, ມີ ຄະນະປະຈໍາພັກແຂວງ, ຄະນະພັກ-ຄະນະບັນຊາກອງບັນຊາການທະຫານແຂວງ-ປກສ ແຂວງ, ການນໍາເມືອງ, ພະແນກການ ແລະ ແຂກຖືກເຊີນເຂົ້າຮ່ວມ. ສະຫາຍ ວຽນທອງ ສິງຄໍາພັນ ຫົວໜ້າຫ້ອງການ ຄະນະຈັດຕັ້ງສູນກາງພັກ ໄດ້ຜ່ານຄໍາສັ່ງວ່າດ້ວຍການຍົກຍ້າຍພະນັກງານການນໍາໄປຮັບໜ້າທີ່ໃໝ່, ອີງຕາມກົດລະບຽບຂອງພັກປະຊາຊົນ ປະຕິວັດລາວສະໄໝທີ XI , ອີງຕາມກອງປະຊຸມ ກົມການເມືອງສູນກາງພັກ ຮ່ວມກັບ ຄະນະເລາຂາທິການສູນກາງພັກຄັ້ງວັນທີ 28 ມິຖຸນາ 2024. ດັ່ງນັ້ນ, ຄະນະເລຂາທິການສູນກາງພັກ ອອກຄໍາສັ່ງ ຍົກຍ້າຍ ສະຫາຍ ພົນຕີ ວົງສອນ ອີນປານພິມ ຮອງເລຂາພັກແຂວງ ຊີ້ນໍາວຽກງານພັກ-ພະນັກງານ ໄປຮັບໜ້າທີ່ໃໝ່ຢູ່ກະຊວງປ້ອງກັນປະເທດ. ຈາກນັ້ນ, ສະຫາຍ ພົນຕີ ວົງ ສອນ ອິນປານພິມ ກໍໄດ້ລາຍງານໜ້າທີ່ການເມືອງຂອງຕົນທີ່ໄດ້ຮັບການມອບໝາຍ ເປັນຮອງເລຂາພັກແຂວງ ຜູ້ຊີ້ນໍາວຽກງານພັກ-ພະນັກງານ, ທັງເປັນຮອງປະທານຄະນະກຳມະການ ປ້ອງກັນຊາດ-ປ້ອງກັນຄວາມສະຫງົບຂັ້ນແຂວງ, ປະທານສະມາຄົມມິດຕະພາບ ລາວ-ຫວຽດນາມ ແຂວງໄຊສົມບູນ, ຫົວໜ້າຄະນະປະຕິບັດງານພິເສດແຂວງໄຊສົມບູນ ກ່ຽວກັບການຊອກຄົ້ນຂຸດຄົ້ນ ແລະ ສົ່ງຮ່າງອັດຖິທະຫານອາສາສະໝັກ ແລະ ຊ່ຽວຊານຫວຽດນາມ ທີ່ເສຍສະຫຼະຊີວິດໃນປາງສົງຄາມ ຢູ່ພື້ນທີ່ແຂວງໄຊສົມບູນ, ຫົວໜ້າຄະນະຊີ້ນໍາ ການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ຂັ້ນແຂວງ, ເປັນຮອງປະທານຄະນະກຳມະການສົ່ງເສີມ ແລະ ຄຸ້ມຄອງການລົງທຶນຂັ້ນແຂວງ ແລະ ຊ່ວຍສະຫາຍເລຂາພັກແຂວງ ຕິດຕາມຊຸກຍູ້ຊີ້ນໍາ ວຽກງານກໍ່ສ້າງພັກ- ພະນັກງານ ໃນໄລຍະຜ່ານມາແມ່ນໄດ້ເອົາໃຈໃສ່ຊີ້ນໍາຄະນະໂຄສະນາອົບຮົມແຂວງ, ກໍ່ຄືຄະນະພັກແຕ່ລະຂັ້ນ ເຮັດວຽກງານສຶກສາອົບຮົມການເມືອງ-ນໍາພາແນວຄິດ ໃຫ້ແກ່ສະມາຊິກພັກ-ພະນັກງານ ທະຫານ, ຕຳຫຼວດ ແລະ ປະຊາຊົນບັນດາເຜົ່າດ້ວຍຫຼາຍຮູບການ, ຈັດຕັ້ງເຜີຍແຜ່ເຊື່ອມຊຶມ ແນວທາງແຜນນະໂຍບາຍຂອງພັກ-ລັດ, ບັນດາມະຕິ, ຄໍາສັ່ງແນະນໍາ ຂອງຂັ້ນເທິງ, ຂອງແຂວງ ໃນແຕ່ລະໄລຍະແມ່ນມີຜົນສໍາເລັດ, ນອກນັ້ນຍັງໄດ້ຈັດຕັ້ງປາຖະກະຖາມູນເຊື້ອຂອງຊາດ, ຂອງພັກ ແລະ ຂອງກອງທັບ ເຮັດໃຫ້ສະພາບແນວຄິດ-ການເມືອງ ຂອງພະນັກງານ ລັດຖະກອນ, ທະຫານ-ຕໍາຫຼວດ ແລະ ປະຊາຊົນ ບັນດາເຜົ່າໃນທົ່ວແຂວງມີການຫັນປ່ຽນຢ່າງຈະແຈ້ງເຊື້ອໝັ້ນ ຕໍ່ການນໍາພາຂອງພັກ-ລັດ ປະກອບສ່ວນສໍາຄັນເຂົ້າໃນການປົກປັກຮັກສາ ແລະ ສ້າງສາພັດທະນາແຂວງໄຊສົມບູນ ໃຫ້ມີຄວາມກ້າວໜ້າ. ໂອກາດນີ້, ສະຫາຍ ພົນເອກ ຈັນ ສະໝອນ ຈັນຍາລາດ ກໍໄດ້ມີ ຄຳເຫັນໂອ້ລົມ ແລະ ຍ້ອງຍໍ ຊົມເຊີຍຕໍ່ຜົນສໍາເລັດໃນການ ປະຕິບັດໜ້າທີ່ວຽກງານໃນໄລຍະຜ່ານມາ ຂອງສະຫາຍ ພົນຕີ ວົງສອນ ອີນປານພິມ ; ພ້ອມທັງເນັ້ນໜັກ ໃຫ້ການນໍາແຂວງ ໄຊສົມບູນ ເອົາໃຈ ໃສ່ນຳພາ-ຊີ້ນຳການເມືອງ-ແນວຄິດໃຫ້ແກ່ພະນັກງານ, ທະຫານ-ຕໍາຫຼວດ ຍົກສູງຄວາມຮັບຜິດຊອບຕໍ່ໜ້າທີ່ການເມືອງຂອງຕົນໃຫ້ສູງເດັ່ນ, ເອົາໃຈໃສ່ ປັບປຸງແບບແຜນວີທີເຮັດວຽກ, ແບບແຜນວິທີນຳພາໃຫ້ໜັກແໜ້ນ ເຂັ້ມແຂງ, ເພີ່ມທະວີຄວາມສາມັກຄີພາຍໃນໃຫ້ແໜ້ນ ແຟ້ນ, ກຳແໜ້ນ ແລະ ປະຕິບັດ ຫຼັກການລວມສູນປະຊາທິປະໄຕ ເຮັດວຽກເປັນໝູ່ຄະນະ, ຍົກສູງຄຸນທາດການເມືອງຂອງພະນັກງານນໍາພາ-ບັນຊາ ແລະ ເອົາໃຈໃສ່ປັບປຸງວຽກງານກໍ່ສ້າງພັກ-ກໍ່ສ້າງພະນັກງານ ເປັນວຽກງານກົກນໍາໜ້າທຸກຂົງເຂດວຽກງານ ໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກ, ສືບຕໍ່ຍູ້ແຮງວຽກງານຈຸດສຸມຂອງແຂວງໃຫ້ມີຄວາມສະຫງົບໂດຍພື້ນຖານ ໜູນໜິບການພັດທະນາທາງດ້ານເສດຖະກິດ, ວັດທະນະທໍາ-ສັງຄົມ ນັບມື້ເຕີບໃຫຍ່ຂະຫຍາຍຕົວ.

news to day and hot news