ກອງທັບປະຊາຊົນລາວ
 
ວັນອັງຄານ, ວັນທີ 23 ກໍລະກົດ 2024

  

ທະນາຄານພັດທະນາລາວສາຂາແຂວງອຸດົມໄຊ ມອບເຄື່ອງກິລາໃຫ້ກອງພົນທີ3
ເວລາອອກຂ່າວ: 2024-06-19 14:46:11 | ຜູ້ຂຽນ : admin2 | ຈຳນວນຄົນເຂົ້າຊົມ: 321 | ຄວາມນິຍົມ:



ໃນວັນທີ18 ມິຖຸນາ ປີ2024ນີ້, ທີມງານທະນາຄານພັດທະນາລາວສາຂາ ແຂວງອຸດົມໄຊ ໄດ້ລົງມາມອບເຄື່ອງໃຫ້ກອງພົນທະຫານຮາບທີ3, ໂດຍການກ່າວມອບຂອງສະຫາຍ ວິໄລພອນ ແກ້ວວົງເພັດ ຫົວໜ້າສາຂາທະນາຄານພັດທະນາລາວ ສາຂາ ແຂວງອຸດົມໄຊ ແລະ ກ່າວຮັບໂດຍ ສະຫາຍ ພົນຈັດຕະວາ ໄຊຍະວົງ ໄຊນາມທິລາດ ເລຂາຄະນະພັກ ຫົວໜ້າການທະຫານກອງພົນທີ3, ມີຄະນະພັກ-ຄະນະບັນຊາກອງພົນ ພ້ອມດ້ວຍຄະນະທີມງານທະນາຄານພັດທະນາລາວສາຂາ ແຂວງອຸດົມໄຊ ເຂົ້າຮ່ວມເປັນສັກຂີພິຍານ, ເຄື່ອງທີ່ນຳມາມອບໃນຄັ້ງນີ້ມີບານເຕະ 2 ໜ່ວຍ, ກະຕໍ້ຫວາຍ 2 ໜ່ວຍ, ຕາໜ່າງ1 ຊຸດ, ພ້ອມດ້ວຍເຄື່ອງກິລາຈຳນວນ30 ຊຸດ ລວມມູນຄ່າທັງໝົດ 5ລ້ານກີບ. ພ້ອມນີ້ກໍ່ຍັງໄດ້ໂຄສະນາເຜີຍແຜ່ກ່ຽວກັບວຽກງານການເງິນ-ການທະນາຄານ, ການປ່ອຍເງິນຝາກ, ເງິນກູ້ໃຫ້ກັບລູກຄ້າທີ່ເຂົ້າມານຳໃຊ້ບໍລິການໃນທະນາຄານພັດທະນາລາວສາຂາແຂວງອຸດົມໄຊ ເພື່ອໃຫ້ພະນັກງານ-ນັກຮົບຢູ່ກອງພົນທີ3 ຮັບຮູ້ເຂົ້າໃຈແລະເຂົ້າເຖິງການບໍລິການຂອງທະນາຄານພັດທະນາລາວໃຫ້ນັບມື້ເປີດກວ້າງຫຼາຍຂຶ້ນ. ໂອກາດດັ່ງກ່າວນີ້, ສະຫາຍ ພົນຕີ ໄຊຍະວົງ ໄຊນາມທິລາດ ເລຂາຄະນະພັກ ຫົວໜ້າການທະຫານກອງພົນທີ3 ກໍໄດ້ສະແດງຄວາມຂອບອົກຂອບໃຈ ແລະ ຄວາມຮູ້ບຸນຄຸນອັນລົ້ນເຫຼືອມາຍັງ ສະຫາຍ ວິໄລພອນ ແກ້ວວົງເພັດ ຫົວໜ້າທະນາຄານພັດທະນາລາວສາຂາແຂວງ ອຸດົມໄຊ ພ້ອມດ້ວຍທີມງານທີ່ໄດ້ນຳເອົາເຄື່ອງກິລາມາມອບໃນຄັ້ງນີ້, ພ້ອມທັງໃຫ້ຄຳໝັ້ນສັນຍາວ່າຈະນຳໃຊ້ເຄື່ອງກິລາດັ່ງກ່າວນີ້ເຂົ້າໃນວຽກງານກິລາຂອງກົມກອງຢ່າງມີປະໂຫຍດແລະຫວັງຢ່າງຍິ່ງວ່າໂອກາດໜ້າຈະໄດ້ຮັບການຊ່ວຍເຫຼືອຈາກທະນາຄານພັດທະນາລາວສາຂາ ແຂວງ ອຸດົມໄຊຕື່ມອີກ. ໂດຍ: ທອງເລື່ອນ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ