POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອາທິດ, ວັນທີ 27 ເມສາ 2025

ກອງສາລາປານ້ຳຫຸມ ສະຫຼຸບການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈຳສົກປີ 2023-2024
ເວລາອອກຂ່າວ: 2024-06-19 09:17:29 | ຜູ້ຂຽນ : admin1 | ຈຳນວນຄົນເຂົ້າຊົມ: 428 | ຄວາມນິຍົມ:

ວັນທີ 11 ມິຖຸນາ 2024 ນີ້, ໜ່ວຍພັກ ກອງສາລາປານໍ້າຫຸມ ກົມເສນາພະລາ ກົມໃຫຍ່ພະລາທິການກອງທັບ ໄດ້ສະ ຫຼຸບ ກວດກາ, ຕີລາຄາການຄັດເລືອກຈັດແບ່ງປະເພດຄຸນນະພາບ ຂອງສະມາຊິກພັກ ແລະ ໜ່ວຍພັກປອດໃສ ເຂັ້ມແຂງໜັກແໜ້ນ ປະຈຳສົກປີ 2023-2024 ແລະ ວາງທິດທາງແຜນການ ປະຈຳສົກປີ 2024-2025, ໂດຍການເປັນປະທານຂອງ ສະຫາຍ ພົົນຈັດຕະວາ ຮຈ ປອ ຈັນສະໝອນ ມະຫາວົງ ກຳມະການຄະນະພັກ ອົງການກົມໃຫຍ່, ຫົວໜ້າການທະຫານ ວິທະຍາຄານການແພດກອງທັບ, ຫົວໜ້າຄະນະກວດກາ ແລະ ຊຸກຍູ້ຂະບວນການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ກົມໃຫຍ່ພະລາທິການກອງທັບ, ມີຄະນະກວດກາ, ຄະນະໜ່ວຍພັກ ແລະ ສະມາຊິກພັກ ເຂົ້າຮ່ວມ. ສະຫາຍ ພັນຕີ ສອນເພັດ ແພງບຸນມີ ຮອງເລຂາໜ່ວຍພັກ, ຮອງຫົວໜ້າກອງສາປານໍ້າຫຸມໄດ້ສະຫຼຸບການນຳພາກໍ່ສ້າງໜ່ວຍພັກປອດໃສ ເຂັ້ມແຂງ, ໜັກແໜ້ນ ປະຈຳສົກປີ 2023-2024 ແລະ ທິດທາງແຜນການ ປະຈຳສົກປີ 2024-2025 ເຊິ່ງໄດ້ເອົາໃຈໃສກໍ່ສ້າງພັກຕາມ 5 ເນື້ອໃນ (ດ້ານການເມືອງ, ດ້ານແນວຄິດ, ດ້ານການຈັດຕັ້ງ, ດ້ານແບບແຜນວິທີນຳພາ ແລະ ການນຳພາປະຕິບັດໜ້າທີ່ການເມືອງ) ດ້ວຍຮູບການຄົ້ນຄວ້າ, ເຊື່ອມຊຶມມະຕິກອງປະຊຸມໃຫຍ່ ຄັ້ງທີ XI ຂອງພັກ, ມະຕິກອງປະຊຸມໃຫຍ່ ຄັ້ງທີ V ຂອງຄະນະພັກກະຊວງປ້ອງກັນປະເທດ, ມະຕິກອງປະຊຸມໃຫຍ່ ຄັ້ງທີ VI ຂອງຄະນະພັກອົງການກົມໃຫຍ່ພະ ລາທິການ, ກຳແໜ້ນແນວທາງນະໂຍບາຍຂອງພັກ, ກົດໝາຍຂອງລັດ, ຂໍ້ກຳນົດ, ກົດລະບຽບຂອງກອງທັບ ເຮັດໃຫ້ຖັນແຖວສະມາຊິກພັກ ມີຄວາມເຂົ້າໃຈຕໍ່ອຸດົມການ ຂອງພັກ, ພາຍໃນພັກ ມີຄວາມສະຫງົບ, ມີຄວາມສາມັກຄີເປັນປຶກແຜ່ນແໜ້ນໜາ, ຮັກສາໄດ້ຄວາມໜັກແໜ້ນທາງດ້ານຄຸນທາດການເມືອງ, ຄວາມຈົງຮັກພັກດີຕໍ່ພັກ, ຕໍ່ປະເທດຊາດ ຕໍ່ປະຊາຊົນບັນດາເຜົ່າ, ມີສະຕິໃນການນຳໃຊ້ງົບປະມານຢ່າງມີການປະຢັດ, ສັດຊື່, ຄວາມກະຕືລືລົ້ນ ຕໍ່ການປະຕິບັດໜ້າທີ່ການເມືອງ ຂອງກົມກອງໄດ້ເປັນຢ່າງດີ. ຜ່ານການຈັດຕັ້ງປະຕິບັດ ສາມາດຕີລາຄາແບ່ງປະເພດຄຸນນະພາບ ຂອງສະມາຊິກພັກ ແຂງໄດ້ 23 ສະຫາຍ, ໜ່ວຍພັກໄດ້ຄະແນນ 9,5%, ນຳສະເໜີຄະນະພັກຂັ້ນເທິງເພື່ອຄົ້ນຄວ້າ ແລະ ຢັ້ງຢືນຮັບຮອງເອົາໜ່ວຍພັກ ເປັນໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈຳສົກປີ 2023-2024 ສະໄໝທີ 5 ຕິດຕໍ່ກັນ. ໂອກາດນີ້, ສະຫາຍ ປະທານ ໄດ້ຮຽກຮ້ອງ ໃຫ້ຄະນະໜ່ວຍພັກພ້ອມດ້ວຍສະມາຊິກພັກທຸກສະຫາຍ ຈົ່ງພ້ອມກັນເອົາໃຈໃສ່ ຕໍ່ວຽກງານສຶກສາອົບຮົມການເມືອງ-ນຳພາແນວຄິດເປັນກົກ, ມີຄວາມເປັນເອກະພາບຕໍ່ແນວທາງນະໂຍບາຍປ່ຽນແປງໃໝ່ຂອງພັກ, ມີຄວາມສາມັກຄີພາຍໃນພັກ, ປະຕິບັດຫຼັກການລວມສູນປະຊາທິປະໄຕ ຂອງພັກ ຢ່າງເຂັ້ມງວດ, ເປັນເຈົ້າການໃນການປົກປ້ອງແນວທາງ, ອຸດົມການຂອງພັກ, ຕ້ານປະກົດການຫຍໍ້ທໍ້ຕ່າງໆທີ່ຈະເກີດຂຶ້ນພາຍໃນພັກ, ຮັກສາ ແລະ ເສີມຂະຫຍາຍນ້ຳໃຈເປັນເຈົ້າຕົນເອງ, ເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ, ປັບປຸງແບບແຜນການນຳພາຂອງໜ່ວຍພັກ, ສະມາຊິກພັກ, ປະຕິບັດລະບອບດຳເນີນຊີວິດການເມືອງພາຍໃນພັກຢ່າງເປັນປົກກະຕິ ແລະ ຕໍ່ເນື່ອງ. ໂດຍ: ຄຳປະສົງ ລາດຊະວົງ

news to day and hot news