ກອງທັບປະຊາຊົນລາວ
 
ວັນອັງຄານ, ວັນທີ 23 ກໍລະກົດ 2024

  

ໂຮງຮຽນ​ກໍ່ສ້າງ​ນາຍ​ສິບ ​ເລກ 1 ເປີດ​ການ​ສອບເສັງ​ຈົບ​ຊັ້ນ​ໃຫ້​ນັກຮຽນ​ນາຍ​ສິບ ຊຸດ​ທີ 37
ເວລາອອກຂ່າວ: 2024-06-19 08:51:43 | ຜູ້ຂຽນ : admin1 | ຈຳນວນຄົນເຂົ້າຊົມ: 144 | ຄວາມນິຍົມ:



ໂຮງຮຽນ​ກໍ່ສ້າງ​ນາຍ​ສິບ ​ເລກ 1 ໄດ້ເປີດ​ການ​ສອບເສັງ​ຈົບ​ຊັ້ນ​ໃຫ້​ນັກຮຽນ​ນາຍ​ສິບ ຊຸດ​ທີ 37 ສົກຮຽນ 2023-2024, ໃນ​ວັນ​ທີ 13 ມິຖຸນາ 2024, ໂດຍ​ການ​ເປັນ​ປະທານ​ ຂອງ​ສະຫາຍ ພັນ​ເອກ ບົວ​ວັນ ພົມ​ມະ​ເພັງ ຫົວໜ້າ​ການ​ທະຫານ​ໂຮງຮຽນ,ມີ​ຄະນະ​ພັກ-ຄະນະ​ບັນຊາ 5 ຫ້ອງ, 4 ກອງພັນ, ກອງຮ້ອຍ, ຄູ-ອາຈານ, ພາກ​​ສ່ວນ​ຮັບ​ໃຊ້ ແລະ ນັກຮຽນ​ນາຍ​ສິບ ຊຸດ​ທີ 37 ເຂົ້າ​ຮ່ວມ. ສະຫາຍ ພັນ​ເອກ ລຸນ​ທອງ ແກ້ວ​ໂພ​ໄຊ ຫົວໜ້າ​ຫ້ອງ​ອົບຮົມ ໂຮງຮຽນ​ກໍ່ສ້າງ​ນາຍ​ສິບ ​ເລກ 1 ໄດ້​ຜ່ານ​ແຜນການ​ອະນຸມັດ ​ຂອງ​ກົມ​ໃຫຍ່​ເສນາ​ທິ​ການ​ກອງທັບ ແລະ ຂໍ້​ກຳນົດ, ກົດ​ລະບຽບ, ຂໍ້​ຕົກລົງ ວ່າ​ດ້ວຍ​ ການ​ແຕ່ງຕັ້ງ​ປະທານ, ຄະນະ​ປະທານ, ອະນຸ​ກຳມະການ ແລະ ພາກ​​ສ່ວນຮັບ​ໃຊ້​ການ​ສອບເສັງ​ຈົບ​ຊັ້ນ​ໃຫ້​ແກ່​ນັກຮຽນ​ນາຍ​ສິບ ຊຸດ​ທີ 37 ສົກຮຽນ 2023-2024. ບັ້ນ​ສອບເສັງ​ໃນ​ຄັ້ງ​ນີ້ ມີ​ນັກຮຽນ​ເຂົ້າ​ຮ່ວມ​ທັງ​ໝົດ 290 ສະຫາຍ, ມີ 5 ວິຊາ​ສອບເສັງ​ຄຶ: ຍຸດທະວິທີ, ສິລະ​ປະຍຸດ, ການເມືອງ, ລະບຽບ​ງົດ​ງາມ ແລະ ປືນ​ໃຫ​​ຍ່​ແບກ​ຫາບ ໄດ້​ເລີ່ມ​ຈັດ​ຕັ້ງ​ສອບເສັງ ນັບແຕ່​ວັນ​ທີ 13-21 ມິຖຸນາ 2024 ຈຶ່ງ​ຈະ​ສຳເລັດ​ຕາມ​ແຜນການ. ເພື່ອ​ເປັນ​ການ​ທົບ​ທວນຄືນ​ບົດຮຽນ​ທັງ​ໝົດ​ທີ່​ໄດ້​ຮຽນ​ມາ ແລະ ວັດແທກ​ຢັ້ງຢືນ​ດ້ານ​ລະດັບ​ຄວາມ​ຮູ້ ຄວາມ​ສາມາດ​ໃນ​ການ​ເກັບ​ກຳ​ດ້ານ​ເນື້ອ​ໃນ​ບົດຮຽນ​ທາງ​ດ້ານ​ທິດ​ສະ​ດີ, ຫຼັກການ ກໍ​ຄືພາກ​ປະ ຕິບັດ​ຕົວ​ຈິງ​ໃນ​ສະໜາມ ແລະ ເປັນ​ການ​ທົດ​ສອບ​ຄວາມ​ຮູ້​ທີ່​ຕົນ​ໄດ້​ສຶກ​ສາ​ຮໍ່າຮຽນ​ມາ​ເພື່ອ​ທີ່​ຈະ​ຍາດ​ເອົາ​ຄະແນນ​ດີເດັ່ນ​ໃນ​ບັ້ນ​ສອບເສັງ​ນີ້ ແລະ ນຳ​ເອົາ​ໝາກ​ຜົນ​ທີ່​ຕົນ​ເກັບ​ກ່ຽວ​ໄດ້​ໄປ​ພັດທະນາ​ກົມ​ກອງ​ຂອງ​ຕົນ​ໃນ​ສະເພາະ​ໜ້າ​ໃຫ້​ມີ​ທ່າ​ກ້າວ ແລະ ພັດທະນາ​ຕົນ​ເອງ​ໃຫ້​ກາຍເປັນ​ພະນັກງານ​ຮຸ່ນ​ສືບ​ທອດ​ປ່ຽນ​ແທນ​ໃນ​ອະນາຄົດ. ໂດຍ: ນາງ ນ້ອຍ​ຈັນ​ໄພ ແກ້ວ​ວັນ​ເຮືອງ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ